ક્રિકેટ / 'ચીટર' ના સંબોધન પર સ્મિથનો સદી ફટકારી વળતો જવાબ

દક્ષિણ આફ્રિકામાં ટેસ્ટ મેચ દરમિયાન બોલ સાથે છેડછાડ બાદ એક વર્ષના પ્રતિબંધ બાદ વોર્નર અને સ્મિથે આ મહીને આંતરરાષ્ટ્રીય સ્તરે વાપસી કરી છે. આ બંને બેસ્ટમેનો પર ગત 29 માર્ચે જ પ્રતિબંધ સમાપ્ત થયો. 
 

આ મુકાબલામાં ઇંગ્લેડે ટોસ જીત્યો, જેમા બેટિંગ માટે ઓસ્ટ્રેલિયાને આમંત્રણ આપ્યું હતું. આ દરમિયાન જ્યારે ઓપનર બેસ્ટમેન વોર્નર, કેપ્ટન એરોન ફિંચ સાથે બેટિંગ કરવા માટે ઉતર્યા તો કેટલાક દર્શકોએ તેમની હૂટિંગ કરી. 

જોકે, 43 રન બનાવી ઓસ્ટ્રેલિયન બેસ્ટમેન વોર્નર આઉટ થઇ ગયો ત્યારે પણ દર્શકોએ તેમના વિરુદ્ધ ખોટુ બોલતા નજરે પડ્યા. 17 મી ઓવરમાં ઓસ્ટ્રેલિયાએ બે વિકેટે 82 રન બનાવી લીધા હતા.  બાદમાં સ્મિથ બેટિંગ માટે ઉતર્યા. 

ઓસ્ટ્રેલિયન બેસ્ટમેન સ્મિથના ક્રિઝ પર ઉતરતા જ કેટલાક લોકો બૂમો પાડી રહ્યા હતા. 'ચીટર, ચીટર,'. પરંતુ જ્યારે સ્મિથ પોતાની અર્ધ સદીએ પહોંચ્યો ત્યારે હૂટિંગ વિરુદ્ધ દર્શકોએ તાળીઓથી સ્મિથને વધાવી લીધો. સ્મિથે હૂટિંગનો જવાબ સદી નોંધાવી આપ્યો. એમણે આ મેચમાં 102 બોલમાં 8 ફોર અને 3 સિક્સની મદદથી 116 રનની ઇનિંગ નોંધાવી.