ફ્લેક્સિબલ ડિઝાઇનનો અર્થ એ છે કે એવું બેલિસ્ટિક જેકેટ જે ફાયરઆર્મ બેઝડ ઇમ્પેક્ટ અને વિસ્ફોટથી થયેલા આઘાતને શોષી શકે અને તેની અસરોને ઓછી કરી શકે.
ભારતને આત્મનિર્ભરતાની દિશામાં મળી સફળતા
ASMI નામની પિસ્તોલ સિસ્ટમ અને SHAKTI નામનું બુલેટપ્રૂફ જેકેટ બનાવ્યું
'શક્તિ' જેકેટ ખાસ, વિશ્વમાં તેના પ્રકારનું એકમાત્ર અને સૌથી પહેલુ જેકેટ
ભારતીય સેના ના એક મેજરે હવે સ્વદેશી રીતે વિશ્વના પ્રથમ એવા બુલેટપ્રૂફ જેકેટનું સંશોધન કર્યું છે, જે યુનિસેક્સ છે અર્થાત આ જેકેટ સ્ત્રી અને પુરુષ બંને દ્વારા ઉપયોગમાં લઈ શકાશે. ભારતીય સેના ના મેજર અનૂપ મિશ્રાએ બનાવેલુ SHAKTI દુનિયાનું પહેલું ફ્લેક્સિબલ આર્મર જેકેટ છે. જે સ્ત્રી અને પુરુષ બંને લડવૈયાઓ માટે ઉપયોગમાં લઈ શકાય છે.
Indian Army’s Major Anoop Mishra has indigenously developed world’s first universal bulletproof jacket 'Shakti' which can be used by both male and female combatants. The jacket is also the world’s first flexible body armour. pic.twitter.com/sSNrkSIVh3
ન્યૂઝ એજન્સી ANI એ બુધવારે આ અંગેનું એક જાહેરનામું પોસ્ટ કર્યું હતું અને માહિતી આપી હતી કે આ વિશ્વનો પ્રથમ યૂનિવર્સલ બુલેટપ્રૂફ જેકેટ છે. આ પોસ્ટમાં મેજર અનૂપ મિશ્રાનો ફોટો પણ હતો જેમાં સશસ્ત્ર દળોના સાથી કર્મીઓ દ્વારા પહેરવામાં આવતી બુલેટ-રેઝિસ્ટન્ટ વેસ્ટ બતાવવામાં આવી છે.
'શક્તિ' નામના આ ફ્લેક્સિબલ બુલેટપ્રૂફ વેસ્ટથી ભારતીય સૈન્ય અવિશ્વસનીય મદદ મળી શકે છે. ફ્લેક્સિબલ ડિઝાઇનના લીધે તે વિસ્ફોટ અને શૂટિંગ દરમિયાન સૈનિકના શરીરને રક્ષણ તો આપશે જ સાથે જવાનને બેટલફીલ્ડમાં સરળતાથી હલન ચલનમાં પણ સહાયતા કરશે.
India’s first indigenous machine pistol ASMI developed jointly by DRDO (Defence Research and Development Organisation) and Indian Army displayed today at the Army’s innovation display event. The gun would be offered to replace the 9mm pistols in the defence forces. pic.twitter.com/lKofRZJHb0
આની સાથે જ એક બીજી સફળતામાં ભારતની સંરક્ષણ ક્ષેત્રની સૌથી મોટી સંશોધન સંસ્થા DRDO એ ભારતીય સેના માટે દેશમાં જ વિકસિત ASMI નામની પિસ્તોલ પણ બનાવી છે જે ઇનોવેશન ડિસ્પ્લે ઇવેન્ટમાં પ્રદર્શિત કરવામાં આવી હતી.
ડીઆરડીઓએ આજે કહ્યું હતું કે અમે વિકસિત કરેલી ASMI પિસ્તોલ સિસ્ટમ સેનામાં જૂની 9 MM પિસ્તોલની જગ્યા લેશે. DRDO દ્વારા જે નિવેદન અપાયું તે પ્રમાણે આ પિસ્તોલ 100 મીટરની દૂરીથી ફાયર કરી શકે છે. આ ઇઝરાયેલની ઉઝી સિરીઝની સિસ્ટમ જેવી છે અને છેલ્લા ચાર મહિનાઓમાં 300થી વધુ રાઉન્ડ ફાયર કરાયું છે.