છે અને સાથે તેના એન્ટી ઇફ્લોમેટરી ગુણ કેન્સર સામે લડવાની સાથે ઈમ્યુનિટીને મજબૂત કરે છે. તો જાણો કઈ રીતે આદુ લસણની પેસ્ટ બનાવીને તેનો રોજ ઉપયોગ કરી શકાશે.
ખૂબ જ ગુણકારી છે આદુ અને લસણની પેસ્ટ
આ રીતે બનાવશો તો 6 મહિના સુધી નહીં થાય ખરાબ
આ પેસ્ટ કેન્સર સામે લડવાની સાથે ઈમ્યુનિટીને મજબૂત કરે છે
જો તમે આદુ અને લસણની પેસ્ટને અલગ અલગ બનાવો છો તો તેના ટેસ્ટની મજા આવતી નથી. એક માહિતી અનુસાર આદુ અને લસણની પેસ્ટને સાથે બનાવવામાં આવે તો તેનો ટેસ્ટ અને તેના ગુણ વધી જાય છે. તો આજે જાણી લો તમે પણ તેને બનાવવાની ખાસ રીત અને 6 મહિના માટે કરી લો સ્ટોર.
આદુ અને લસણની પેસ્ટ માટેની સામગ્રી
150 ગ્રામ આદુ
250 ગ્રામ લસણ
મીઠું સ્વાદ અનુસાર
તેલ
આદુ અને લસણની પેસ્ટ બનાવવાની રીત
સૌ પહેલા આદુને સારી રીતે છોલીને ધોઈ લો અને બારીક ટુકડા કરી લો. આ પછી તેને પાણી વિના જ ગ્રાઈન્ડરમાં પીસી લો. આ પછી લસણને છોલીને તૈયાર કરો અને આદુની સાથે જારમાં મિક્સ કરીને ફરીથી પીસી લો. તેમાં પાણી જરા પણ મિક્સ કરવું નહીં. બંને ચીજો સારી રીતે ગ્રાઈન્ડ થઈ જાય તેનું ધ્યાન રાખો. તેમાં કોઈ પણ ટુકડા ન રહેવા જોઈએ. ફાઈન પેસ્ટ બની જાય ત્યારે જારમાં સ્વાદ અનુસાર મીઠું મિક્સ કરી લો અને પછી તેમાં તેલ પણ મિક્સ કરો. યાદ રાખો કે તેલ અને મીઠું પેસ્ટની લાઈફને વધારે છે. તેલ અને મીઠું ઉમેરીને ફરીથી એકવાર મિક્સર ચલાવી લો. આ પછી તેનું ટેક્ચર ક્રીમી અને સારું દેખાશે. તૈયાર છે તમારી પેસ્ટ.
આ રીતે કરો સ્ટોર
આદુ અને લસણની પેસ્ટ બનાવવાનું કામ જેટલું ટ્રિક વાળું છે તેટલું જ અગત્યનું છે તેને સ્ટોર કરવાનું. તેને સ્ટોર કરવા કાચની બરણી લો. ધ્યાન રાખો કે આ બરણી સૂકી હોય અને એરટાઈટ પણ. પ્લાસ્ટિકની બરણીનો ઉપયોગ ન કરો. કાચની બરણીમાં તમે ઉપર બનાવેલી પેસ્ટને ભરી લો અને તેને બંધ કરીને ફ્રિઝમાં રાખી લો. 5-6 મહિના સુધી આ પેસ્ટ ખરાબ થશે નહીં.