અમદાવાદના કણભામાં સાવકી માતાએ જ પુત્રની હત્યા કરી છે...પોલીસે હત્યા કરનાર મહિલાની પોલીસે ધરપકડ કરી છે...મહિલાને તપાસમાં ગામમાં લાવતા રહીશોએ વિરોધ કર્યો હતો...અને ગામલોકોએ એકઠા થઇને બાળકને ન્યાય આપવા માંગ કરી છે...આરોપી મહિલા ગૌરી મૂળ નાસિકની રહેવાસી છે...
પિતાના મૃત્યુ બાદ દીકરાના નામે રૂપિયા ઉઘરાવતી
અમદાવાદ શહેરની આ ઘટના રૂપિયા માટે ખેલાતા ખૂની ખેલનો અંજામ છે. કોઈ ઘર માટે તો કૉઈ પૈસા માટે સંબંધોનું ખૂન કરી રહ્યા છે. અને આવું જ કઈક બન્યું છે અમદાવાદના કણભામાં, બાળકોને પાળવા પિતાએ પત્નીના મૃત્યુ બાદ બીજા લગ્ન કર્યા હતા. પણ પિતાનું અકાળે અવસાન થતાં સાવકી તેનું રૂપ દેખાડવાનું ચાલુ કર્યું, દીકરાના નામી રૂપિયા ઉધરાવી, તેના કરતૂત પર પાણી ન ફરે તે માટે મિત્રોની મદદથી સાવકી મા એ દીકરાને જ પતાવી દીધો. આ અગાઉ આ સનકી સાવકી માએ પોતાના જ પુત્રની હત્યા કરી હતી.થોડા સમય પહેલા સાવકી મા પુત્રના નામે અલગ અલગ સંબંધીઓ પાસેથી 30લાખ રૂપિયા ઉઘરાવ્યા હતા આ વાતની જાણ થતાં પુત્રએ સાવકી મા ગૌરીને ઠપકો આપ્યો હતો. જે બાદ તેની હત્યા કરવાનો કારસો ધડયો હતો.
મહારાષ્ટ્રથી મિત્રોને બોલાવી ખેલ્યો ખૂની ખેલ
કણભા પોલીસ સ્ટેશનના વિસ્તારની હદમાં રહેતો હાર્દિક રજનીભાઇ પટેલ નામનો 23 વર્ષનો યુવાન અચાનક ગુમ થતાં જ તેની ફરિયાદ કરવામાં આવી હતી. જે બાદ પોલીસ સધન તપાસ હાથ ધરતા હાર્દિકની હત્યા થઇ હોવાનો ઘટસ્ફોટ કર્યો હતો. ઉડાણપૂર્વક તપાસ કરતાં સાવકી માએ આ હત્યાએ અંજામ આપ્યો હોવાનો મોટો ખુલાસો પોલીસ દ્વારા કરવામાં આવ્યો છે જે બાદ આરોપી સનકી માતાની વધુ પૂછરપછ કરતાં હત્યા કરવા મહારાષ્ટ્રથી મિત્રોની મદદ લીધી હતી. નાસિકમાં રહેતા તેમના મિત્રોને ફોન કરીને સમગ્ર હકીકત કહી અને હત્યા કરવાનો પ્લાન બનાવ્યો હતો..હાર્કિદને બપોરે ગળેટૂંપો આપી દેવાયો હતો. પછી દોરથી પગ બાંધી, અંદાજિત ચાર કલાક સુધી સાવકી માતા અને હત્યારા હાર્દિકની લાશ સાથે બેઠા હતા અને લાશને કોથળામાં પૂરી તેણે સળગાવી દઇ અવાવારૂ જગ્યાએ સગેવગે કરી હતી તો પણ સાવકી માને સહેજ પણ ખચકાટ ન થયો હતો.
અગાઉ સગા પુત્રની હત્યા કરી ચૂકી છે આરોપી ગૌરી
હાલમાં પોલીસે મહિલાની ધરપકડ કરીને અન્ય આરોપીઓને પકડવા માટેની તજવીજ હાથ ધરી છે. આરોપી મહિલાએ થોડાં વર્ષો પહેલાં તેના સગા પુત્રની પણ હત્યા કરી હોવાનો ખુલાસો થયો છે. જે ગુનામાં નાસિક પોલીસે આરોપી ગૌરીને પકડીને જેલમાં ધકેલી દીધી હતી. જે બાદ બહાર આવી બીજા લગ્ન કરી રૂપિયા માટે આ ખૂની ખેલને ખેલ્યો હતો.ગામલોકો મહિલા આરોપીનો ઉગ્ર વિરોધ કરી રહ્યા છે. અને ગમે તે ભોગે ગામમાં પગ પણ ન મૂકવા દેવાની ચીમકી પણ ઉચ્ચારી રહ્યા છે.