છૂમંતર / ગાડીઓના શો-રૂમ માલિકો ચેતી જજો!  અમદાવાદની ગઠિયાનો આ ઘટના ચોંકાવનારો

• ટેસ્ટ ડ્રાઈવના બહાને યુવક ગાર્ડને ધક્કો મારી 1.12 લાખની બાઈક લૂંટી ફરાર
• શહેરમાં બીજો બનાવઃ પાલડીના શો રૂમનો બનાવ
• પોલીસે ગુનો નોંધી ફરાર યુવકની શોધખોળ શરૂ કરી

પાલડી વિસ્તારમાં મહાલક્ષ્મી ચાર રસ્તા પાસે આવેલા ટીવીએસના શો-રૂમમાં સિક્યોરિટી ગાર્ડ તરીકે ફરજ બજાવતા સત્યમ બુંદેલાએ લૂંટની ફરિયાદ પાલડી પોલીસ સ્ટેશનમાં નોંધાવી છે. તા ર૬-૧૧ના રોજ મેનેજર ધવલભાઇએ સિક્યોરિટી ગાર્ડને કહ્યું હતું કે એક ગ્રાહક આવ્યા છે, તેમને અપાચે બાઇકની ટેસ્ટ ડ્રાઇવ અપાવવાની છે, જેથી તેઓ ગ્રાહક તરીકે આવેલા હર્ષલ પટેલને લઇ બાઇકની ટેસ્ટ ડ્રાઇવ અપાવવા માટે નીકળ્યા હતા. 

સત્યમને ધક્કો મારી બાઈક લઈને પાલડી તરફ ફરાર થઇ

પાલડીના જલારામ મંદિર પાસે પહોંચતાં જ બાઇકમાં વાઇબ્રેશન મારે છે તેમ કહી આ યુવકે સત્યમને નીચે ઉતારી દીધા હતા ત્યારબાદ તે સત્યમને ધક્કો મારી બાઈક લઈને પાલડી તરફ ફરાર થઇ ગયો હતો. આ અંગે સત્યમે શો-રૂમના મેનેજરને ફોન દ્વારા જાણ કર્યા બાદ પાલડી પોલીસ સ્ટેશનમાં ફરિયાદ દાખલ કરાઇ છે. પોલીસે ગુનો નોંધી ફરાર યુવકની શોધખોળ શરૂ કરી છે.