Rupay કાર્ડ અને BHIM એપથી ચુકવણી પર ટેક્સના 20% કેશબેક GST કાઉન્સિલે આપી મંજૂરી

વિત્ત મંત્રી પીયૂષ ગોયલની અધ્યક્ષતામાં શનિવારે થયેલી GST કાઉન્સિલની બેઠકમાં કેટલાક મહત્વના નિર્ણય લેવામાં આવ્યા. આ બેઠક પછી વિત્ત મંત્રીએ જણાવ્યુ કે રાજ્યો ટૂંક સમયમાં Rupay કાર્ડ અને BHIM એપ દ્વારા ડિજિટલ ચૂકવણી પર GSTમાં છૂટ આપવાનો પાયલોટ પ્રોજેક્ટ શરૂ કરશે. આ સિવાય GST કાઉન્સિલમાં નાના લઘુ અને મધ્યમ ઉદ્યોગ MSME સેક્ટર સાથે જોડાયેલા મુદ્દાઓને જોવા માટે રાજ્યના નાણામંત્રી શિવ પ્રતાપની અધ્યક્ષતામાં મંત્રીજૂથ બનાવવાનો નિર્ણય કર્યો. આ મંત્રીજૂથમાં દિલ્હીના ડેપ્યુટી સીએમ મનીષ સિસોદિયા અને પંજાબ તથા કેરળના નાણામંત્રી શામેલ હતા.

આ રીતે MSME સેક્ટરમાં કાયદાકીય અને પ્રક્રિયા સાથે જોડાયેલા મુદ્દાઓ માટે એક લૉ કમિટીની રચના કરવામાં આવી છે જેમાં કેન્દ્ર અને રાજ્યોના ટેક્સ ઑફિસર હશે. ટેક્સ રેટ સાથે જોડાયેલા મામલાને ટેક્સ ઑફિસર્સની ફિટમેન્ટ કમિટી સંભાળશે. ડિજિટલ ચૂકવણી પર ઇન્સેન્ટિવ પર ગોયલે કહ્યુ કે આ પાયલટ પ્રોજેક્ટ તરીકે શરૂ કરવામાં આવશે અને ઇચ્છુક રાજ્યોમાં તેને શરૂ કરવામાં આવશે. તેમણે આગળ કહ્યુ કે ''પાયલટ પ્રોજેક્ટના આધારે અમે આવકથી લાભ થયો કે નુકસાન તેનો અભ્યાસ કરીશું.''

બિહારના ડેપ્યુટી સીએમ સુશીલ કુમાર મોદીની અધ્યક્ષતા વાળા મંત્રીસ્તરીય પેનલે ડિજિટલ પેમેન્ટને પ્રોત્સાહન આપવા અને Rupay કાર્ડ અને BHIM એપથી પેમેન્ટ પર કેશ બેક આપવાના પ્રસ્તાવને મંજૂરી આપી. તેના લાગૂ થયા બાદ રૂપે કાર્ડ અને BHIM UPI દ્વારા પેમેન્ટ કરનારા ગ્રાહકોને કુલ GST અમાઉન્ટના 20% અથવા 100 રૂપિયા (જે પણ વધારે હશે) કેશ બેક મળશે. GST કાઉન્સિલની આગામી બેઠક ગોવામાં 28-29 સપ્ટેમ્બરે યોજાશે.