બેઠકની શરૂઆતમાં સોનિયા ગાંધીએ GSTનો મુદ્દો ઉઠાવ્યો હતો. તેમણે કહ્યું કે GST કેન્દ્રે રાજ્ય સરકારોને સમયસર ચુકવવો જોઇએ. સોનિયા ગાંધીએ કહ્યું કે GSTના પૈસા એક મોટો મુદ્દો છે, અને ચુકવણી નહીં થવાને કારણે રાજ્ય સરકારોની આર્થિક સ્થિતિ પ્રભાવિત થઈ રહી છે. મમતા બેનરજીએ NEET-JEEની પરીક્ષાનો મુદ્દો ઉઠાવ્યો.
કોંગ્રેસ અધ્યક્ષા સોનિયા ગાંધીએ બોલાવી બેઠક
કોંગ્રેસી, કોંગ્રેસ સમર્થિત અને બંગાળના CM થયા છે સામેલ
GST અને NEET-JEE પરીક્ષાના બે મુદ્દા પર બેઠકમાં થઈ વધુ ચર્ચા
કોંગ્રેસના વચગાળાના અધ્યક્ષ સોનિયા ગાંધીએ આજે કોંગ્રેસ શાસિત રાજ્યોના મુખ્ય પ્રધાનો અને કોંગ્રેસ સમર્થિત સરકારોના મુખ્યમંત્રી અને પશ્ચિમ બંગાળના મુખ્ય પ્રધાન મમતા બેનર્જી સાથે બેઠક બોલાવી છે. આ બેઠક GST અને NEET-JEE પરીક્ષાના મુદ્દાઓ પર ચર્ચા થઈ રહી છે.
રાજસ્થાનના મુખ્યમંત્રીએ કહ્યું કેન્દ્ર તરફથી માત્ર વિડીયો કોન્ફરન્સ જ મળી
મુખ્યમંત્રી અશોક ગેહલોતે કહ્યું હતું કે રાજ્ય સરકારો કોરોના સામે યુદ્ધ ચલાવી રહી છે, અને કેન્દ્ર સરકાર તરફથી વીડિયો કોન્ફરન્સિંગ સિવાય બીજું કશું થઈ રહ્યું નથી. અમારા સૂચનને અવગણવામાં આવ્યું છે. ગેહલોતે કહ્યું કે કોઈ ગ્રાન્ટ આપવામાં આવી નથી, સબસિડી પણ આપવામાં આવી નથી, જે પૈસાની વાત થઈ તે લોનના રૂપમાં અપાયા છે.
GST અંગે અશોક ગેહલોતે કહ્યું હતું કે અમારા રાજ્યનું 6990 કરોડ બાકી છે. અમે વડા પ્રધાનને 25-30 પત્રો લખ્યા છે, પરંતુ જવાબો ત્યાંથી આવતા નથી. GST અંગે આપેલા વચનો પૂરા થતા નથી.
NEET-JEE પરીક્ષા અંગે અશોક ગેહલોતે કહ્યું હતું કે સુપ્રીમ કોર્ટમાં સમીક્ષાની અરજી કરવી જોઇએ અને આ મુદ્દે કોઈ રીતે રસ્તો નીકળવો જોઇએ.
છત્તીસગઢના CM શું બોલ્યા?
છત્તીસગઢના મુખ્ય પ્રધાન ભુપેશસિંહ બઘેલે કહ્યું કે કેન્દ્ર સરકારે છેલ્લા ચાર મહિનાથી GST વળતર ચૂકવ્યું નથી. આ સ્થિતિ યોગ્ય નથી. તે જ સમયે, મુખ્યમંત્રી બઘેલ પરીક્ષાઓના મુદ્દે વડા પ્રધાન અને રાષ્ટ્રપતિની મુલાકાત ઉપરાંત સુપ્રીમ કોર્ટમાં જવા પણ સંમત થયા હતા.
પુડુચેરીના CMએ શું કહ્યું?
પુડ્ડુચેરીના CM વી. નારાયણસ્વામીએ કહ્યું કે અમારી સરકારે નક્કી કર્યું છે કે NEET-JEE પરીક્ષા કાઢી નાખવી જોઈએ અને મેડિકલ અભ્યાસક્રમો અને એન્જિનિયરિંગના અભ્યાસક્રમોને ધોરણ 12 ના આધારે પ્રવેશ આપવો જોઈએ. હું તમામ મુખ્યમંત્રીઓના અભિપ્રાય સાથે છું અને સુપ્રીમ કોર્ટમાં વિદ્યાર્થીઓ માટે આ લડત લડીશ.
નોંધનીય છે કે 1 સપ્ટેમ્બરથી NEET-JEE પરીક્ષા લેવાનો નિર્ણય લેવામાં આવ્યો છે. સુપ્રીમ કોર્ટે પણ પરીક્ષા લેવા માટે લીલી ઝંડી આપી દીધી છે.
સોનિયા ગાંધીએ સૌ પ્રથમ બેઠકમાં GSTનો મુદ્દો ઉઠાવ્યો હતો. તેમના પછી, મમતા બેનર્જીએ કહ્યું કે આ સમયે NEET-JEE પરીક્ષાનું આયોજન કરવું સલામત નથી, જ્યારે કેન્દ્ર સરકાર આ અંગે કોઈ પ્રયાસ કરી રહી નથી, ત્યારે તમામ રાજ્ય સરકારોએ સુપ્રીમ કોર્ટને પરીક્ષા મુલતવી રાખવાની માંગણી કરવી જોઈએ.
બેઠકમાં મહારાષ્ટ્રના સીએમ ઉદ્ધવ ઠાકરેએ એક સંદર્ભમાં કહ્યું કે પહેલા આપણે નિર્ણય કરવો જોઈએ કે લડવું છે કે ડરવું છે. તે જ સમયે, મમતા બેનર્જીએ કેન્દ્ર સરકાર પર ભાગલા પાડવાનો આક્ષેપ કર્યો અને આહ્વાન કર્યું હતું કે આપણે બધાએ સાથે રહેવું જોઈએ, નહિ તો દેશમાં અન્ય કોઈ પક્ષ નહીં બચે.
આ બેઠકમાં રાજસ્થાનના CM અશોક ગેહલોત, છત્તીસગઢ CM ભુપેશસિંહ બઘેલ , પંજાબના CM કેપ્ટન અમરિંદર સિંહ, પુડ્ડુચેરીના CM નારાયણસામી, મહારાષ્ટ્રના CM ઉદ્ધવ ઠાકરે, ઝારખંડના CM હેમંત સોરેન અને પશ્ચિમ બંગાળના CM મમતા બેનરજી ઉપસ્થિત રહ્યા હતા.
મમતા બેનર્જીએ પરીક્ષાનો મુદ્દો ઉઠાવ્યો
પશ્ચિમ બંગાળના CM મમતા બેનર્જીએ NEET-JEE પરીક્ષાનો મુદ્દો ઉઠાવતા સોનિયા ગાંધીને બેઠક બોલાવવા બદલ આભાર માન્યો હતો. તેમણે કહ્યું કે અહીં લાખો વિદ્યાર્થીઓ છે અને લોકડાઉનના કારણે કોઈ પરિવહન સુવિધા નથી. મમતા બેનર્જીએ કહ્યું કે મેં પરીક્ષાને લઈને વડા પ્રધાન નરેન્દ્ર મોદીને અનેક પત્રો લખ્યા છે અને કહ્યું છે કે આવી સ્થિતિમાં વિદ્યાર્થીઓ નારાજ થાય છે ત્યારે કેન્દ્ર સરકાર સુપ્રીમ કોર્ટમાં અપીલ કરી શકે છે અને સમીક્ષા માંગી શકે છે. પણ કેન્દ્રે તેમ કર્યું નથી.
મમતા બેનર્જીએ કહ્યું કે આપણે વિદ્યાર્થીઓ સાથે ઉભા રહેવું જોઈએ. જો કેન્દ્ર કંઈ કરી રહ્યું નથી, તો આપણે પણ લોકોના ચૂંટાયેલા પ્રતિનિધિઓ છીએ, આપણે સર્વોચ્ચ અદાલતમાં જવું જોઈએ. મમતા બેનર્જીએ કહ્યું કે હું તમામ રાજ્ય સરકારોને અપીલ કરું છું કે સુપ્રીમ કોર્ટમાં જઇને પરીક્ષા મુલતવી રાખવાની માંગણી કરવાંઅ આવે.
મમતા બેનર્જીએ પણ જીએસટીના મુદ્દે પોતાનો અભિપ્રાય આપ્યો હતો. તેમણે કહ્યું કે, કોરોના સમયગાળા દરમિયાન રાજ્ય સરકાર સંપૂર્ણ ખર્ચ કરી રહી છે, નિ:શુલ્ક તબીબી સેવાઓ આપી રહી છે, પરંતુ અમને કેન્દ્ર સરકાર તરફથી કોઈ સહાય મળી નથી.
Conducting of examinations will lead to a rise in a number of #COVID19 cases in the country. Govt of India will be responsible for it. We will jointly fight the battle against the Central government on this issue: Puducherry Chief Minister V Narayanasamy pic.twitter.com/kXgc1m2PfP
ઝારખંડના મુખ્ય પ્રધાન હેમંત સોરેને કહ્યું કે વિપક્ષ નબળો પડી રહ્યો હોય તેવુ લાગે છે, જે રીતે એકતા સાથે કામ કરવું જોઈએ, તે થઈ રહ્યું નથી. તેમણે એમ પણ કહ્યું કે GST પ્રત્યે કેન્દ્રનું બેવડું વલણ છે. કેન્દ્ર સરકાર તેની પાર્ટી દ્વારા શાસિત રાજ્ય સરકારોને મદદ કરી રહી છે, પરંતુ વિપક્ષી રાજ્યોને બાકાત રાખવામાં આવે છે.
ઉદ્ધવ ઠાકરેએ શું કહ્યું?
મહારાષ્ટ્રના મુખ્યમંત્રી ઉદ્ધવ ઠાકરેએ કહ્યું કે હું લડતા પિતાનો લડતો પુત્ર છું. આ સિવાય તેમણે સોનિયા ગાંધીને કોંગ્રેસ અધ્યક્ષ પદે ફરી પસંદ થવા બદલ અભિનંદન આપ્યા અને કહ્યું કે પહેલા આપણે નક્કી કરવું જોઈએ કે આપણે લડવું છે કે ડરવું છે !
બધા મુખ્યમંત્રીઓ PM મોદી સાથે મુલાકાત કરો : કેપ્ટન અમરિંદર
પંજાબના મુખ્ય પ્રધાન કેપ્ટન અમરિન્દરસિંહે કોરોનાથી ઉદ્ભવતા આર્થિક પડકારોનો ઉલ્લેખ કર્યો હતો અને કેન્દ્ર તરફથી GSTનો હિસ્સો નહીં મળવાનો મુદ્દો પણ ઉઠાવ્યો હતો. તેમણે માંગણી કરી હતી કે તમામ મુખ્યમંત્રીઓએ વડા પ્રધાનને મળવું જોઈએ અને GST બાકીના મુદ્દાને ઉઠાવવો જોઈએ.
પરીક્ષા અંગે કેપ્ટન અમરિંદરસિંહે મમતા બેનર્જીના અભિપ્રાયને સમર્થન આપતાં કહ્યું કે આપણે બધાએ સુપ્રીમ કોર્ટ સમક્ષ આ મુદ્દો ઉઠાવવો જોઈએ.
GST કાઉન્સિલની બેઠક 27 ઓગસ્ટે મળવાની છે અને કેન્દ્ર સરકારે અમુક રાજ્યોને તેમનો સંપૂર્ણ હિસ્સો ચૂકવ્યો નથી. નોન - NDA સરકારો આનાથી ભારે પરેશાન છે અને કોરોના મહામારીના યુગમાં પણ કેન્દ્ર તરફથી નાણાંની ચુકવણી તેમના માટે મોટો મુદ્દો બની ગયો છે. આજે સોનિયા ગાંધીએ આ બે મહત્વપૂર્ણ વિષયો પર બેઠક બોલાવી હતી.