મોકૂફ / રાજ્યની 24 APMCની ચૂંટણીને લઈ મોટા સમાચારઃ આ કારણે હાલની પરિસ્થિતિમાં નહીં યોજાઈ ચૂંટણી

• રાજ્યની 24 APMCની ચૂંટણી મોકૂફ
• સ્થાનિક સ્વરાજની ચૂંટણીને લઈને નિર્ણય
• રાજ્યમાં APMC ચૂંટણી થશે નહીં

ગુજરાતમાં APMC ચૂંટણીને લઈ મોટા સમાચાર આવ્યા છે. સ્થાનિક સ્વરાજની ચૂંટણીની તારીખો જાહેર થઈ ચૂકી છે. ત્યારે તમામ પાર્ટીઓ પણ સક્રિય બની ચૂકી છે. તો ચૂંટણીને લઈ એક અન્ય મહત્વના સમાચાર સામે આવ્યા છે. રાજ્યમાં કાર્યરત APMCની ચૂંટણી મોકૂફ કરવામાં આવી છે. સ્થાનિક સ્વરાજની ચૂંટણીના કારણે 24 જેટલી APMCની ચૂંટણીને હાલ પુરતી મોકૂફ રાખવામાં આવી છે. 

તો બીજી તરફ સ્થાનિક સ્વરાજની ચૂંટણીની કામગીરીમાંથી GTUએ હાથ ખંખેરી લીધા છે. GTUએ ચૂંટણી અધિકારીને પત્ર લખીને જાણકારી આપી છે. જેમાં પરીક્ષાના કારણે ચૂંટણીમાંથી તેમના સ્ટાફને બાકાત રાખવાની રજૂઆત કરવામાં આવી છે. સાથે GTUમાં સ્ટાફ ઓછો હોવાની વાત પણ રજૂઆત કરી છે. GTUના પત્રને લઈને અનેક સવાલ પણ ઉભા થઈ રહ્યા છે. જો GTU પોતે આ પ્રકારની કામગીરી કરશે. તો પછી ચૂંટણીમાં કામગીરી કોણ કરશે. તે પણ એક સવાલ છે.