ગાંધીનગરમાં શ્રેષ્ઠ શિક્ષક પારિતોષિક વિતરણ સમારોહ યોજાયો હતો જેમાં ગૃહરાજ્ય મંત્રી હર્ષ સંઘવીની ઉપસ્થિતિમાં શિક્ષક દિનની ઉજવણી કરવામાં આવી હતી. કાર્યક્રમમાં ગૃહરાજ્યમંત્રી હર્ષ સંઘવીએ સંબોધન કરતાં કહ્યું કે નરેન્દ્ર મોદી જ્યારે CM હતા ત્યારે પારિતોષિક વિતરણ કાર્યક્રમો શરૂ થયા કારણ કે PM મોદીમાં શિક્ષકો પ્રત્યે એક અલગથી ભાવના રહી છે. PM મોદીએ 2004 મા કહ્યું હતું કે ટીવીના માધ્યમથી ભણી કેમ ન શકાય? શિક્ષક એ તમામ તકલીફોમા ફ્રંટ વોરીયર તરીકે કામ કરતો વ્યક્તિ છે. અમુક સમયે પોલીસ અને તબિબ સાથે કામ પણ શિક્ષક કરે છે. કોરોનાકાળમા મે શિક્ષકોની કામગીરી જોઈ છે. કુદરતી આપત્તિઓમા પણ શિક્ષકો કામગીરીઓમા જોડાય છે. બે દાયકામાં ગુજરાતના શિક્ષકો શિક્ષણક્ષેત્રે પરિવર્તન લાવ્યા, યુવાનોની સફળતા માટે શિક્ષકોએ મહેનત કરી છે. ગુજરાત આજે પણ દેશમાં સૌથી સુરક્ષિત છે કે નહી ? શિક્ષકોની મહેનતથી ડાંગ જિલ્લાની દિકરી પાયલટ બની છે શિક્ષકોનું યોગદાન ક્યારેય ભૂલી શકાય તેમ નથી. એક વિદ્યાર્થી તરીકે હું બે હાથે વંદન કરૂ છું. ખોટું હોય એની સામે હંમેશા લડવું જોઈએ.
ગુજરાત સરકાર અને પોલીસને માફીયાઓ ડ્રગ્સ જમા નથી કરાવી ગયા: હર્ષ સંઘવી
ડ્રગ્સ મામલે ગૃહરાજ્યમંત્રી હર્ષ સંઘવીએના AAP પર આડકતરા પ્રહાર કર્યા હતા. અને કહ્યું હતું કે ડ્રગ્સ સામે ગુજરાત પોલીસે લડાઈ હાથમાં લીધી છે. ગુજરાતે છેલ્લા 11 મહિનામાં 5 હજાર કરોડનું ડ્રગ્સ પકડ્યું, પરિક્ષામાં વિદ્યાર્થી ચોરી કરે અને શિક્ષક પકડે તો તે પકડાયુ ગણાય. કેટલાકને તેમના શિક્ષકો ભણાવવાનું ચૂકી ગયા છે બીજી વાતો કરે છે. 2 વિદ્યાર્થીને હંમેશા ગુજરાતથી તકલીફ છે. આજે એક વિદ્યાર્થી ગુજરાતમા આવ્યા તે લોટ પણ લીટરમાં વેચે છે. ગુજરાત સરકાર અને પોલીસને માફીયાઓ ડ્રગ્સ જમા નથી કરાવી ગયા, ડ્રગ્સ પકડવા માટે ગોળીઓનો સામનો કરી આરોપીઓને જેલ હવાલે કર્યા છે. 11 મહિનામા 650 શખ્સો પકડાયા જેમને હજૂ જામીન પણ મળ્યા નથી. દૂનિયા જાણે છે ભારતમાં કયા 2 રાજ્યમા ડ્રગ્સ વેચાય છે. તમારે ડ્રગ્સ પકડવું જ નથી.
શ્રીમાન રાહુલ ગાંધીને હું કહેવા માંગુ છું...
આ સાથે આજે ગુજરાત આવેલા કોંગ્રેસ પૂર્વ અધ્યક્ષ રાહુલ ગાંધીને પણ હર્ષ સંઘવીએ આડેહાથ લીધા હતા. અને તંજ કસતા કહ્યું હતું કે શ્રીમાન રાહુલ ગાંધીને હું કહેવા માંગુ છું . વર્ષ 2020-21 માં મહારાષ્ટ્રમાં જ્યારે તેમની સરકાર હતી. સલીમ નામનો યુવક ગુજરાતમાં ડ્રગ્સ લેવા પહોંચ્યો હતો. મહારાષ્ટ્રના યુવાનોનું જીવન બરબાદ કરનારાને ગુજરાત પોલીસે પકડ્યો હતો. ડ્રગ્સ મામલે રાજકારણ કરવાને સ્થાને સાથે મળીને કામ કરવું જોઈએ.