38 ડૉકટરને અમદાવાદ જિલ્લા વિસ્તારમાં ડેપ્યુટેશન પર મુકાયા, એ તમામને હવે જિલ્લાના અલગ અલગ PHC CHC સેન્ટર પર મુકવામાં આવશે
ડોકટરોને ડેપ્યુટેશન પર મુકવામાં આવ્યા
PHC CHC સેન્ટર પર મુકવામાં આવશે
કોવિડ કેસ ઘટતા કરાયા ફેરફાર
રાજ્યમાં કોરોનાની સંભવિત ત્રીજી લહેરને લઈને તંત્ર અલર્ટ થયું છે. અમદાવાદ સિવિલ હોસ્પિટલમાં તડામાર તૈયારીઓ શરૂ કરવામાં આવી છે. જેના ભાગરૂપે સિવિલ હોસ્પિટલમાં ICU માટે ટ્રેનિંગ શરૂ કરાઈ છે. ICU સ્ટાફ મળી રહે તે માટે 4 બેંચમાં 150 ડોક્ટરોને ટ્રેનિંગ આપવામાં આવી છે. આ ઉપરાંત ડૉક્ટર અને નર્સિંગ સ્ટાફને ઉપકરણોના યોગ્ય વપરાશ અને ICUમાં અપાતી સારવાર અંગે ટ્રેનિંગ અપાશે.
તો બીજી તરફ કોરોનાની સંભવિત ત્રીજી વેવને લઈ એડિશનલ સિવિલ સુપ્રિટેન્ડન્ટ ડૉ. રજનીશ પટેલે નિવેદન આપ્યું છે. ડૉ. રજનીશ પટેલે કહ્યું કે, થર્ડ વેવની સરકારે સંપૂર્ણ તૈયારી કરી લીધી છે. પણ ત્રીજી વેવ લાવવી કે નહીં તે જનતા પર છે, જો જનતા નિયમોનું પાલન કરશે તો થર્ડ વેવને કાપી શકીશું. જાહેર જનતાની પણ જવાબદારી છે કે માસ્ક પહેરે, જનતા નિયમોનું પાલન નહિ કરે તો ત્રીજી વેવ નક્કી છે.
બોન્ડેડ ડૉક્ટરોને ફરજ પર હાજર થવા આદેશ
અમદાવાદમાં ધન્વંતરિ કોવિડ હોસ્પિટલ ચાલુ કરવામાં આવી હતી. કોવિડ કેસ ઘટતા હવે ત્યાં દર્દીઓને દાખલ કરવામાં નથી આવતા એવામાં હવે ત્યાં ફરજ પર રહેલા ડોકટરોને ડેપ્યુટેશન પર મુકવામાં આવી રહ્યા છે. જેમાંથી 38 ડોકટરને અમદાવાદ જિલ્લા વિસ્તારમાં ડેપ્યુટેશન પર મુકવામાં આવ્યા છે. જેથીએ તમામ ડોકટર હાજર થયા હતા. એ તમામને હવે જિલ્લાના અલગ અલગ PHC CHC સેન્ટર પર મુકવામાં આવશે. હાલમાં જિલ્લા વિસ્તારમાં રસીકરણ સિવાય અન્ય આરોગ્યલક્ષી કામગીરી પણ ચાલી રહી છે.
ત્યારે આ તમામ ડોકટરને જિલ્લાના અલગ અલગ સેન્ટર પર મુકવામાં આવશે અને તેમની પાસે આ કામગીરી કરવામાં આવશે. આ તમામ ડોકટર બોન્ડેડ ડોકટર છે, જેને કોવિડ બીજી લહેર દરમિયાન તમામને ફરજિયાત હાજર થવા સૂચના આપવામાં આવી હતી. હાલમાં ત્રીજી લહેરની શક્યતા વ્યક્ત કરવામાં આવી છે ત્યારે ડોકટરની જરૂરિયાત ઉભી થશે ત્યારે તેમને કોવિડમાં ડ્યુટી સોંપવામાં આવશે. ત્યાં સુધી અન્ય સ્થળ પર ડેપ્યુટેશન પર મુકવામાં આવ્યા છે.