સરકાર અધિકારીઓ ચલાવે છેના આરોપ પર નીતિન પટેલ કોંગ્રેસ પર ગર્જયા, કહ્યું અધિકારીઓના કહ્યા મુજબ મેં તો ક્યારેય કામ નથી કર્યું
નીતિન પટેલે કોંગ્રેસને આપ્યો વળતો જવાબ
"અધિકારીઓના કહ્યા મુજબ મેં તો ક્યારેય કામ નથી કર્યું"
મહેસાણાને નવી સિવિલ હોસ્પિટલની આપી ભેટ
પ્રધાનમંત્રી મોદીના જન્મદિવસના કાર્યક્રમમાં મહેસાણા ખાતે ગેરહાજર રહેલા નીતિન પટેલ આજે મહેસાણાની મુલાકાત લઈ રહ્યા છે. મોટી સંખ્યામાં પ્રજાનો આવકાર મળી રહ્યો છે. નારાજગીની વાત વચ્ચે મહેસાણા ખાતે આજે નીતિન પટેલનું ભવ્ય સ્વાગત કરવામાં આવ્યું હતું. જેને રાજકીય વિશેષજ્ઞ શક્તિ પ્રદર્શન તરીકે જોઈ રહ્યા છે. બીજી તરફ મહેસાણાની આ મુલાકાત દરમિયાન નીતિન પટેલે મહેસાણા અને કડી વાસીઓને ખાસ ભેટ પણ આપી હતી. અને સાથે સરકાર અધિકારીઑથી ચાલતી હતી એવા કોંગ્રેસના આરોપ પર સણસણતો જવાબ આપ્યો હતો.
સરકાર લોકોની છે, લોકો કહે તેમ ચાલે છે: નીતિન પટેલ
ગુજરાતમાં સરકાર અધિકારીઓના ઈશારે ચાલતી હોવાના કોંગ્રેસના આક્ષેપ પર નીતિન પટેલે વળતો જવાબ આપ્યો છે. નીતિન પટેલે કહ્યું કે સરકાર અધિકારીઓને પૂછીને ચાલે છે તેવી બહાર લોકો ખોટી વાતો કરે છે. સરકાર અધિકારીઓ કહે એમ ન ચાલી શકે.. અધિકારીઓ કહે એમ મેં તો ક્યારેય કામ નથી કર્યું. હંમેશા કોઈપણ યોજનાહોય તો જે તે ઉદ્યોગો સાથે સંકળાયેલા લોકોને પૂછીને પ્રજાના હિતમાં નિર્ણયો લીધા છે.પ્રજાને પૂછીને એટલે કે લોકોના મનમાં જે હોય તેવી રીતે સરકાર ચાલે છે. આમ, નીતિન પટેલ અધિકારીશાહીને જાકોર આપી કોંગ્રેસના આરોપને વખોડી કાઢ્યા હતા અને કહ્યું હતું કે સરકાર લોકોની છે, લોકો કહે તેમ ચાલે છે નહીં કે અધિકારીઑ.
85 કરોડના ખર્ચે 8 માળની નવી સિવિલ હોસ્પિટલની ભેટ
નીતિન પટેલની મહેસાણા મુલાકાત દરમિયાન ઠેર ઠેર તેમનું ભવ્ય સ્વાગત કરવામાં આવ્યું. મોટા મોટા કાર્યક્રમમો અને મસમોટી રેલીઑ પ્રજાનો અને ભાજપના કાર્યકરોનો આવકાર જોઈ નીતિન પટેલ ગદગદિત થઇ ગયા હતા એન કહ્યું હતું કે હું હિમાલય ચડીને આવ્યો હોય તેવુ મને સન્માન મળ્યું મારા જૂના દિવસોની આજ યાદ તાજા થઈ ગઈ. કડી પહોંચેલા નીતિન પટેલે મોટી જાહેરાત પણ કરી હતી અને કહ્યું હતું કે મહેસાણામાં હાલ જે હોસ્પિટલ છે ત્યાં નવી સિવિલ હોસ્પિટલ બનશે, 85 કરોડના ખર્ચે 8 માળની નવી સિવિલ હોસ્પિટલનું કામ ઝડપથી ઉપાડવામાં આવશે. સાથે એ પણ કહ્યું હતું કે આ કામ સમયસર ચાલુ થાય તેની હું દેખરેખ રાખીશ. જનતાએ મને ભરપૂર પ્રેમ આપ્ચો છે. મે હમેશા લોકોને સારા અને સાચા કામમાં મદદ કરી છે. જેથી જ કામનું ઋણ ચૂકવવા નાગરિકો મને આવો આવકાર આપી રહ્યા છે
સર્વ રોગ નિદાન શિબિરમાં હાજરી
પૂર્વ નાયબ મુખ્યમંત્રી નીતિન પટેલના કડી પ્રવાસ દરમિયાન તેમણે કડી ભાગ્યોદય હોસ્પિટલ ખાતે યોજવામાં આવેલી સર્વ રોગ નિદાન શિબિરમાં હાજરી આપી હતી જ્યાં તેમનું કાર્યકરો દ્વારા બાઇક રેલી કાઢીને સ્વાગત કરવામાં આવ્યું હતું. ખુલ્લીજીપમાં બેસી લોકોનું અભિવાદન ઝીલતા લાંબા રોડ શો બાદ નીતિન પટેલ ભાગ્યોદય હોસ્પિટલ પહોંચ્યા હતા.