LRD પરીક્ષા પૂર્ણ થયા બાદ ભરતી બોર્ડના અધ્યક્ષ હસમુખ પટેલે નિવેદન કરતાં જણાવ્યુ છે કે, શાંતિપૂર્વક રીતે આજે પરીક્ષા પૂર્ણ થઈ છે. ઉમેદવારોમાં ક્યાંક ડર હતો કે પેપર ફુટશે. પરંતુ રાજ્યની પોલીસે ચૂસ્ત બંદોબસ્ત સાથે પરીક્ષા પૂર્ણ કરાવી છે. આ પરીક્ષા દરમિયાન 2 કોપી કેસ સામે આવ્યાનુ પણ ખુલ્યુ છે. તેમને એમ પણ કહ્યુ કે, આ પરીક્ષામાં ગેરરીતિનો કોઈ બનાવ સામે આવ્યો નથી. આગળની ભરતી પ્રક્રિયા જલ્દી પૂર્ણ કરવાનુ હસમુખ પટેલે આશ્વાસન આપ્યુ હતુ.
OMR 24 કલાકમાં સ્કેનિંગ કરી મૂકી દેવાશે
ઉલ્લેખનીય છે કે, LRDની પરીક્ષા 954 સેન્ટર પર લેવાઈ હતી. જેમાં ઉમેદવારોને પરીક્ષા સેન્ટર પર બાયોમેટ્રિકથી પ્રવેશ આપવામાં આવ્યો હતો. પરીક્ષા બાદ ઉમેદવારોની હાજરીમાં જ ઉત્તરવહીઓ પેક કરાઈ હતી. તંત્ર દ્વારા વધારાની એસટી બસ પણ ફાળવવામાં આવી હતી. આપને જણાવી દઈયે કે, આ પરીક્ષાની OMR 24 કલાકમાં સ્કેનિંગ કરીને ઓનલાઈન મુકવામાં આવશે.
રાજકોટમાં એક પરીક્ષાર્થી દારૂ પી પેપર આપવા આવ્યો
રાજ્યમાં યોજાયેલી LRD પરીક્ષામાં ઉમેદવારની ગેરવર્તણૂક સામે આવી છે. રાજકોટમાં પરીક્ષામાં એક ઉમેદવાર દારૂ પીને આવ્યો હોવાનું ખુલ્યું છે. આથી તંત્ર દ્વારા પરીક્ષા શરૂ થતા પહેલા જ ઉમેદવારને બહાર કરી દેવામાં આવ્યો હતો. LRD ભરતી બોર્ડના અધ્યક્ષ હસમુખ પટેલે આ માહિતી આપી હતી. તંત્ર દ્વારા પરીક્ષા શરૂ થતા પહેલા જ ઉમેદવારને બહાર કરવામાં આવ્યો હતો. પ્રોહિબિશન એક્ટ હેઠળ ગુનો નોંધવા તજવીજ હાથ ધરી છે.
પેપર સહેલું અને વ્યવસ્થા સારી હોવાના ઉમેદવારો જ કર્યા વખાણ
ગુજરાત પોલીસમાં એલઆરડીની 10,459 જેટલી જગ્યા માટે રવિવારે લેખિત પરીક્ષા યોજાઇ હતી કે શાંતિપુર્ણ માહોલમાં સમાપ્ત થઈ છે પેપર સહેલું અને વ્યવસ્થા સારી હોવાની વાત ઉમેદવારોએ કરી છે..અમદાવાદ સહિત સાત શહેરોમા પરીક્ષા યોજાઇ હતી 2.94 લાખ ઉમેદવારો પરીક્ષા યોજાઈ હતી. ડમી પરીક્ષાર્થીઓ ન આવે અને પેપર લીક ન થાય તે માટે પરીક્ષા સ્થળે તમામ ઉમેદવારોને બાયો મેટ્રિક પધ્ધતિથી જ પ્રવેશ આપવામાં આવ્યો હતો.ગુજરાત પોલીસમાં એલઆરડીની 10,459 જેટલી ભરતી કરવા માટે ગત ઓક્ટોબર 2021માં જાહેરાત કરવામાં આવી હતી. જેમાં કુલ 9.46 લાખ જેટલી ઓનલાઇન અરજી આવી હતી. બાદમાં વિવિધ તબક્કે યોજાયેલી શારિરીક કસોટીમાં 5.59 લાખ ઉમેદવારો પૈકી 2.94 લાખ ઉમેદવારો પાસ થયા હતા. જેમાં 81,330 મહિલા ઉમેદવારો હતી