વિધાનસભા સત્ર / શિક્ષણ મંત્રીનું ખાનગી યુનિવર્સિટી મુદ્દે નિવેદન, દર વર્ષે સરકારી યુનિ. ખોલવી શક્ય નથી પરંતુ...

• ખાનગી યુનિ. સુધારા વિધેયક પાસ
• મંત્રી ભૂપેન્દ્રસિંહ ચુડાસમાનું નિવેદન
• "ખાનગી યુનિ. આજની જરૂરત બની છે"

વિધાનસભામાં ગુજરાત ખાનગી યુનિવર્સીટી સુધારા વિધેયક પાસ કરવામાં આવ્યું છે. ગૃહમાં બહુમતીથી ખાનગી યુનિવર્સિટી સુધારા વિધેયક પાસ થયું છે. આ સમયે મંત્રી ભૂપેન્દ્રસિંહ ચુડાસમાનું નિવેદન કર્યુ હતું કે, વિદેશમાં પબ્લિક પ્રાઇવેટનો કોન્સેપ્ટ છે. સરકારી-ખાનગી યુનિવર્સિટીની સ્પર્ધામાં વિદ્યાર્થીને ફાયદો થશે. શ્રેષ્ઠીજનો શિક્ષણમાં યોગદાન આપવા માગે છે. ઇન્ટરનેશલ ક્ષેત્રે પહોંચીએ ત્યારે ખાનગી યુનિવર્સીટી જરૂરી છે. જરૂર પડે ત્યારે સરકારી યુનિવર્સીટી પણ બનાવીએ છીએ. દર વર્ષે સરકારી યુનિવર્સિટી ખોલવી શક્ય નથી. ખાનગી યુનિવર્સિટી આજની જરૂરીયાત બની છે.

પાટણ મામલે શિક્ષણ મંત્રીનું નિવેદન

આ સાથે પાટણની ઉત્તર ગુજરાત યુનિવસિર્ટીમાં મેડિકલ રી-એસેસમેન્ટ મામલે પણ શિક્ષણ મંત્રીએ નિવેદન આપ્યું હતું. શિક્ષણ મંત્રી ભુપેન્દ્રસિંહ ચુડાસમાએ કહ્યું, "કોઈ પણ પ્રકારની ગેરરીતિ ચલાવવા માંગતા નથી" સિન્ડિકેટ સભ્ય હરેશ ચૌધરી અને પ્રિન્સિપાલની કમિટી બનાવી છે. કમિટીના પ્રાથમિક રિપોર્ટ બાદ વધુ તપાસ હાથ ધરાશે. તપાસ કર્યા બાદ જવાબદાર લોકો સામે પગલાં ભરાશે.

ગુજરાતમાં પડતર જમીન લીઝ પર ઉદ્યોગોને અપાશે

રાજ્ય સરકાર હવે ઉદ્યોગોને ભાડા પેટે જમીન આપવાનો નિર્ણય કરી રહી છે. ઉદ્યોગોને જમીન ભાડા પેટે આપવાનો ઠરાવ મહેસુલ વિભાગ કરી દેવાયો છે. ગુજરાત ઇન્ડસ્ટ્રીયલ પોલિસી 2020 હેઠળ ઠરાવ કર્યો છે. ભાડાપેટે આપવા માટે સરકારી પડતર જમીનનો ઉપયોગ કરાશે. ઉદ્યોગો પાસેથી જમીનનું વાર્ષિક ભાડું પૂર્ણ બજારના 6% ના દરે લેવાશે. જ્યારે દર 5 વર્ષે ભાડામાં 10%નો વધારો કરાશે. તો જમીનની લીઝની મુદત વધુમાં વધુ 50 વર્ષ નિર્ધારિત કરાઈ છે. અને 50થી 100 કરોડના રોકાણવાળા ઉદ્યોગોને જમીન ભાડા પેટે મળશે.