સુરત / રોકડા રૂ 75 લાખ પકડાવા મામલે કોંગ્રેસ પ્રભારી રઘુ શર્માનું સૌથી મોટું નિવેદન, વાતનો કર્યો સ્વીકાર, જુઓ શું કહ્યું

• કોંગ્રેસના સહપ્રભારી પાસેથી રોકડા રૂ 75 લાખ પકડાવાનો મામલો
• કોંગ્રેસ પ્રભારી રઘુ શર્માનું સૌથી મોટું નિવેદન 
• પકડાયેલા 75 લાખ રૂપિયા કોંગ્રેસના હતા 

કોંગ્રેસના સહપ્રભારી પાસેથી રોકડા રૂપિયા 75 લાખ પકડાવાવા મામલે કોંગ્રેસ પ્રભારી રઘુ શર્માનું મોટું નિવેદન સામે આવ્યું છે.  જેમાં તેમણે સ્વીકાર્યું હતું કે આ પકડાયેલા 75 લાખ રૂપિયા કોંગ્રેસના હતા અને પાર્ટી ફંડના હોવાનું ઉમેર્યું હતું.  એટલું જ નહીં કોંગ્રેસના નેતા બી એમ સંદીપ ભાગતા નજરે પડી રહ્યા હતા. તે મામલે પ્રભારી રઘુ શર્માએ એ પણ સ્વીકાર્ય કર્યો હતો. સીસીટીવીમાં ભાગી રહેલ વ્યક્તિ કોંગ્રેસ નેતા બી.એમ સંદીપ જ છે અને પોલીસના ડરથી અમારા નેતા ભાગ્યા હતા. બીજી બાજુ પોલીસ ખોટી રીતે હેરાન કરતી હોવાનો રઘુ શર્માએ આરોપ પણ લાગાવ્યો હતો. 

શું હતો સમગ્ર મામલો ? 
તાજેતરમાં સુરત શહેરના મહિધપુરા વિસ્તારમાં સ્ટેટેસ્ટિક ટીમ દ્વારા ગાડીઓનું ચેકિંગ હાથ ધરવામાં આવ્યું હતું. આ દરમિયાન એક ઈનોવા કારમાંથી 75 લાખ રૂપિયાની રોકડ મળી આવી હતી. આ ઉપરાંત કારમાંથી કોંગ્રેસના ચિહ્ન સાથેના VVIP પાર્કિંગ પાસ પણ મળી આવ્યા હતા. ઝડપાયેલી કારમાંથી કોંગ્રેસની પત્રિકા મળી આવતા મામલો ગરમાયો  હતો.

કારમાં કુલ ત્રણ ઈસમો હતા સવાર 
આ કારમાં કુલ ત્રણ ઈસમો સવાર હતા. જેમાંથી એક ઈસમ ભાગવામાં સફળ થયો હતો. અન્ય બે લોકોને ઝડપી પાડવામાં આવ્યા છે. અધિકારીઓની પૂછપરછ કરવામાં આવતા ઝડપાયેલા બંને શખ્સોમાંથી એક ઉદય ગુર્જર દિલ્હીનો અને મહંમદ ફેજ સુરતનો રહેવાસી હોવાનું સામે આવ્યું હતું. જ્યારે સંદીપ નામનો ફરાર શખ્સ કર્ણાટકનો રહેવાસી હોવાનું જણાવાયું હતું.  આ ઉપરાંત ત્રણેય ઈસમો RR આંગડિયા પેઢીમાંથી રૂપિયા લેવા આવ્યા હોવાનું અધિકારી સમક્ષ કબૂલ્યું હતું.