શિક્ષણ વિભાગ / VTV Conclave: ગુજરાતમાં સ્કૂલ ફી અને ઓનલાઈન શિક્ષણ મુદ્દે ભૂપેન્દ્રસિંહે આપ્યું મહત્વનું નિવેદન

• ઓનલાઇન શિક્ષણ મુદ્દે શિક્ષણમંત્રી ભૂપેન્દ્રસિંહનું મોટું નિવેદન
• VTV ન્યૂઝના કોન્કલેવમાં શિક્ષણમંત્રીનું મોટું નિવેદન
• ઓનલાઇન શિક્ષણ તરફ સરકારે વિચારવું પડશેઃ ભૂપેન્દ્રસિંહ

VTV ન્યૂઝના કોન્કલેવમાં શિક્ષણમંત્રી ભૂપેન્દ્રસિંહ ચુડાસમા દ્વારા મોટું નિવેદન આપવામાં આવ્યું છે. ઓનલાઇન શિક્ષણ મુદ્દે શિક્ષણમંત્રી ભૂપેન્દ્રસિંહનું મોટું નિવેદન સામે આવ્યું છે. શિક્ષણમંત્રીએ કહ્યું કે, ઓનલાઇન શિક્ષણ તરફ સરકારે વિચારવું પડશે. રાજ્ય પાસે ઓનલાઇન શિક્ષણની સંપૂર્ણ સુવિધા છે. આ સાથે ફી મુદ્દે VTV કોન્કલેવમાં શિક્ષણમંત્રીનું મોટું નિવેદન આપ્યું કે, ફી મુદ્દે FRCની વ્યવસ્થા રાજ્ય સરકારે કરી છે. FRC દ્વારા જ તમામ શાળાની ફી નક્કી થાય છે. મહામારીમાં રાજ્ય સરકારે વાલીઓને રાહત આપી હતી.

શિક્ષણમંત્રીનું થોડા દિવસ અગાઉ શાળા ખોલવા મુદ્દે નિવેદન

થોડા દિવસ અગાઉ શિક્ષણમંત્રી ભુપેન્દ્રસિંહ ચુડાસમાં દ્વારા એવું  નિવેદન આપવામાં આવ્યું હતું કે આજથી ધોરણ 9થી 11ના વર્ગો શરૂ કરવામાં આવ્યા છે. સાથેજ આગામી દિવસોમાં કોરાના કાબૂમાં હશે તો બીજા વર્ગો પણ શરૂ કરવામાં આવી શકે છે. અગાઉ શિક્ષણ વિભાગ દ્વારા કોલેજ તેમજ ધોરણ 12ના વર્ગોને શરૂ કરવાની પરવાનગી આપવામાં આવી હતી. જોકે હવે આજથી 9 થી 11ના વર્ગો પણ શરૂ થયા છે. જેના કારણે વિદ્યાર્થીઓમાં પણ ક્યાંકને ક્યાક ખુશીનો માહોલ જોવા મળી રહ્યો છે. શિક્ષણ વિભાગ દ્વારા બીજા પણ વર્ગો શરૂ કરવાની વિચારણા કરવામાં આવી રહી છે. જેના માટે કોર કમિટીની બેઠક યોજાશે.