વાર-પલટવાર / સી આર પાટીલે ભાજપ કાર્યકર્તાને કર્યું આહ્વાન, કહ્યું 'આ મહાઠગ વિશે સો.મીડિયામાં લખો'

• સી.આર.પાટીલ કચ્છની મુલાકાતે
• સી.આર.પાટીલે કેજરીવાલ પર કર્યા પ્રહાર
• "ગુજરાતમાં મહાઠગ આવી રહ્યો છે તેનાથી ચેતજો"

પ્રદેશ ભાજપ અધ્યક્ષ સી આર પાટીલ કચ્છની મુલાકાતે હતા તે દરમિયાન ભુજમાં જૈન સમાજ આયોજિત કાર્યક્રમમાં પાટીલની રજત તુલા કરવામાં આવી હતી. ભૂજ ખાતે નિર્માણ પામી રહેલા કચ્છ જીલ્લા ભારતીય જનતા પાર્ટીનાં કાર્યાલય કચ્છ કમલમ્નો શિલાન્યાસ કર્યો તથા ટાઉનહોલ ખાતે કાર્યકર્તા સંમેલનમાં કાર્યકર્તાઓ સાથે સંવાદ સાધ્યો હતો.જે બાદ કરેલા સંબોધનમાં પાટીલે કેજરીવાલનું નામ લીધા વગર જ આડકતરી રીતે વાર કર્યા હતા.

"મહાઠગ વિશે સો.મીડિયામાં લખો"
કાર્યક્રમ દરમ્યાન સી આર પાટીલે અરવિંદ કેજરીવાલ અને આમ આદમી પાર્ટીનું નામ લીધા વગર જ સખ્ત પ્રહાર કર્યા હતા. તેઓએ જણાવ્યું હતું કે, હાલમાં એક નવો અવતાર આવ્યો છે. આ મહાઠગ ગુજરાતના લોકોને છેતરવાનો પ્રયત્ન કરી રહ્યો છે. લોકોને મફતની લાલચ આપીને વોટ મેળવવાની આશા સેવતા આ ઠગથી ગુજરાતની જનતાએ સાવચેત રહેવાની જરૂર છે. રાજ્યની જનતા આ મહાઠગથી છેતરાય તેવી પણ કોઈ શક્યતા નથી. ગુજરાતમાં શિક્ષણ,આરોગ્યની વાત કરનાર મહાઠગને ભાજપના કાર્યકરોએ જવાબ આપ્યો છે. કચ્છ ભાજપના કાર્યકરોને મહાઠગ વિશે સોશિયલ મીડિયામાં લખવા આહ્વાન કરતાં કહ્યું કે રાજકોટની સભામાં સી આર, સી આર 15-20 વખત બોલવામાં આવ્યું તેઓ ઘરે પણ માળા જપ્તી વખતે મારુ નામ બોલતા હશે.

98 જેટલા ખાલી બોર્ડ નિગમની નિમણૂંક માટે થશે મંથન
૨૦૨૨ની ગુજરાત વિધાનસભા ચુંટણી પહેલા ભાજપ એક્ટીવ બની રહ્યું છે.ત્યારે આવતી કાલથી ભાજપની બે દિવસીય ચિંતન બેઠક બાવળા ખાતેના આવેલા કેન્સવિલે ખાતે યોજાવાની છે.આ બેઠકમાં ભાજપના પ્રભારી ભુપેન્દ્ર યાદવ સહપ્રભારી સુધીર ગુપ્તા તેમજ કેન્દ્રીયગૃહમત્રી અમિત શાહ, કેન્દ્રીયમત્રી પુરસોત્મ રૂપાલા, કેન્દ્રીય આરોગ્યમત્રી મનસુખ માંડવીયા પણ બેઠકમાં હાજર રહેવાના છે.ત્યારે ચિંતન બેઠકમાં ૨૦૨૨ ગુજરાત વિધાનસભા અતર્ગત ભાજપની તૈયારી અગેની સમીક્ષા થશે. તેમજ ભાજપ દ્વારા મગાવેલા બોર્ડ નીગમના નામો અતર્ગત પણ બેઠકમાં વિચાર-વિમર્શ થશે.જો કે બેઠકમાં ભાજપની શિસ્ત સમિતિ,પાર્લામેન્ટ્રી બોર્ડ કમિટી તેમજ કોરકમિટીના સદસ્યોની હાજરીમાં યોજાશે

શું છે આયોજન?

• ભાજપ સમક્ષ બોર્ડ નિગમના 1400 બાયોડેટા આવ્યા
• 1400માંથી 726 નામ પર મહોર લાગે તેવી શકયતા
• MLA-MP અને જિલ્લા પ્રમુખો પાસેથી માગ્યા નામો
• હારેલા અને પૂર્વ MP-MLA પાસેથી પણ માગ્યા હતા નામો
• 5 નામ ચેરમેન,વાઈસ ચેરમેન અને 10 નામો ડિરેક્ટર તરીકે મળ્યા