સુરતમાં દુષ્કર્મ મામલામાં ઝડપી ચાર્જશીટ રજૂ કરવાને લઇ કાયદા મંત્રી રાજેન્દ્ર ત્રિવેદીએ સુરત પોલીસને અભિનંદન આપ્યા છે. રાજેન્દ્ર ત્રિવેદીએ કહ્યું કે દુષ્કર્મ કેસમાં ઝડપી ન્યાય મળવો જરૂરી છે. અને ગાંધીનગર કેસમાં પણ ગૃહ રાજ્યમંત્રીએ તાકીદ કરી છે. રાજ્યમાં દુષ્કર્મ કેસમાં આ જ પ્રકારે કાર્યવાહી થશે તેવું પણ મહેસુલ અને કાયદા મંત્રી રાજેન્દ્ર ત્રિવેદીએ જણાવ્યું છે.
દુષ્કર્મ પીડિત બાળકીઓને સહાય ચૂકવાશે
મહત્વનું છે કે દુષ્કર્મ એ મહિલાઓ સાથે થતા ગુનાઓમાંનો સૌથી ભયજનક પ્રકારનો અને હિંસક ગુનો છે, જે તેને લાંબા ગાળામાં શારિરીક હાનિઓ જ નહીં, પરંતુ તેની વ્યક્તિગત અને સામાજિક સંબંધો સ્થાપિત કરવાની ક્ષમતા, તેનાં જીવન અને તેની આજીવિકાને પણ અસર કરે છે. દુષ્કર્મનો ભોગ બનેલ વ્યક્તિ માનસિક ત્રાસદીમાંથી પસાર થાય છે, જેનો ઉપચાર તેની સ્વાભિમાન પૂર્વકની અને અર્થપૂર્વકના જીવન માટે આવશ્યક છે. આવા કેસમાં રાજ્ય સરકાર દ્વારા દુષ્કર્મ પીડિત પરિવારને આર્થિક સહાય ચુકવવામાં આવતી હોય છે, ત્યારે રાજ્યના મહિલા અને બાળ આયોગ વિભાગ થકી હવે સુરત અને ગાંધીનગરમાં દુષ્કર્મ પીડિય બાળકીઓના પરિવારને આર્થિક સહાય ચુકવવાનો નિર્ણય કરવામાં આવ્યો છે.
રૂપિયા 4 થી 7 લાખ સુધીની ચુકવાશે સહાય
સુરત અને ગાંધીનગરમાં દુષ્કર્મ કેસ મામલે સરકારે પીડિત બાળકીઓના પરિવારને 4થી7 લાખ રૂપિયાની સહાય ચુકવવાનો નિર્ણય કર્યો છે. જેને લઈ ડિસ્ટ્રીક લીગલ સર્વિસ ઓથોરિટીને પણ કામગીરી સોંપી દેવામાં આવી છે.
સુરતમાં દુષ્કર્મની ઘટના મામલો
થોડા દિવસ અગાઉ પણ સુરતના પાંડેસરા વડોદ ગામમાંથી દિવાળીની રાત્રે ઘર આંગણે રમતી અઢી વર્ષની બાળકી રહસ્યમય રીતે ગુમ થઈ ગઈ હતી. જે બાદ વડોદ ગામમાં જ ઝાડીમાંથી બાળકી મૃત હાલતમાં મળી આવી હતી. જેથી પોલીસે અપહરણ અને હત્યાની દિશામાં તપાસ હાથ ધરી હતી. 100થી વધુ પોલીસ જવાનો બાળકીને શોધી રહ્યા હતા. બાળકીના પિતા મિલમાં મજૂરી કરતા હતા જ્યાં બે બાળકીઓમાં મોટી દીકરી ઘર આંગણે રમતા રમતા ગુમ થઈ ગઈ હતી. જે બાદ બાળકી સાથે દુષ્કર્મ અને સૃષ્ટિ વિરૂદ્ધનું કૃત્યુ થયું હોવાનું સામે આવ્યું હતું અને બાદ બાળકીની હત્યા કરી દેવાઈ હતી. પોલીસે બાળકીના વિસ્તારનો જ રહેવાસી 40થી 45 વર્ષના આરોપી આધેડની ધરપકડ કરી હત્યા અને દુષ્કર્મનો ભેદ ઉકેલ્યો હતો.
ગાંધીનગરના કલોલમાં દુષ્કર્મ બાદ હત્યા
ગાંધીનગરના કલોલમાં દુષ્કર્મ બાદ હત્યા કરનાર આરોપીએ હાહાકાર મચાવ્યો હતો જો કે ક્રાઈમ બ્રાન્ચે આરોપીને ધરપકડ કરી છે જેમાં આરોપીના રિમાન્ડ દરમિયાન ક્રાઇમ બ્રાન્ચે વધુ 6 ગુનાનો ઉદ ઉકેલી નાખ્યો છે. છ મહિના પહેલા કલોલ અને તેની આસપાસના વિસ્તારમા ખેતરમાંથી એકલી જતી મહિલાઓને ટાર્ગેગ બનાવવામા આવતી હતી જેમાં માથે ઘાસનુ પોટલુ લઇને જતી મહિલાને રસ્તામા રોકી તેની ઉપર ધોકા વડે હુમલો કરતો હતો અને બાદમા મહિલાએ પહેરેલા દાગીનાની લૂંટ કરી ફરાર થઇ જતો હતો. વિજય ઠાકોર દ્વારા દિવાળીના દિવસે 5 વર્ષની બાળકીના ઘરેથી લઇ જઇને બળાત્કાર કર્યો હતો જ્યારે બેસતા વર્ષે 3 વર્ષની બાળકીને મોતને ઘાટ ઉતાર્યા બાદ બળાત્કાર કર્યો હતો. આમ આરોપીએ રિમાન્ડ દરમિયાન આરોપી સાઈકો કિલર વિજય ઠાકોરે કુલ 8 ગુનાની કબૂલાત કરી છે.