આપણનું રાજ્ય સલામત છે અને સલામત રહેશે તેવું કહેતા તમામ ઉમેદવારોને ન્યાયિક હક મળે તે માટે તંત્ર જાગૃત હોવાનું કહેતા ચૂંટણી સમયે કોઈ પણ અનિચ્છનિય બનાવ ન બને તે માટે તકેદારી રાખવાની વાત પણ જણાવી છે
ગાંધીનગર મહાનગર પાલિકાની ચૂંટણી
ગૃહ રાજ્યમંત્રી હર્ષ સંઘવીનું નિવેદન
તમામ જગ્યાએ ઉત્સાહપૂર્વક મતદાન
આજે ગાંધીનગરમાં મહાનગર પાલિકાની ચૂંટણી યોજાઈ રહી છે ત્યારે રાજ્યના ગૃહ રાજ્યમંત્રી હર્ષ સંઘવીએ નિવેદન આપતા લોકોને મતદાન કરવા માટેનો સંદેશ આપ્યો છે અને ગાંધીનગરની જનતાને દેશના હિતમાં અને પાટનગરના વિકાસ માટે વધુ મતદાન કરવા માટે લોકોને અપીલ કરી હતી ગૃહમંત્રી હર્ષ સંઘવીએ કહ્યું કે દરેક ચૂંટણીઓમાં શહેરમાં વિસ્તારમાં બપોર બાદ વધુ મતદાન જોવા મળે છે જ્યારે ગ્રામ્ય વિસ્તારમાં સવારથી જ લોકો મતદાન કરવા પહોંચી જતા હોય છે આ વખતે પણ ટ્રેન્ડ ખૂબ સારી રીતે જોવા મળી રહ્યો છે, તમામ જગ્યાઓ પણ ખૂબ સારા પ્રમાણમાં મતદાન થઈ રહ્યું છે.
ગૃહ રાજ્યમંત્રી હર્ષ સંઘવીનું નિવેદન
ગાંધીનગરની મનપાની ચૂંટણીને લઈને હર્ષ સંઘવી બોલ્યા કે ગાંધીનગરમાં જનતા ખૂબ હોશિયાર છે અને જનતા વિકાસ માટે કોઈ પગલે ભરવાનું ચુકશે નહીં તો ચૂંટણી દરમિયાન ક્યાંક હોબાળો પણ જોવા મળ્યે તેને લઈને નિવેદન આપતા ગૃહ રાજ્યમંત્રીએ જણાવ્યું કે દેશભરમાં ચૂંટણીની વાત થાય, પ્રક્રિયાને વાત થાય, તો ગુજરાત હંમેશા અગ્રસર રહ્યું છે. આપણનું રાજ્ય સલામત છે અને સલામત રહેશે તેવું કહેતા તમામ ઉમેદવારોને ન્યાયિક હક મળે તે માટે તંત્ર જાગૃત હોવાનું ગૃહ રાજ્યમંત્રી હર્ષ સંઘવીએ કહ્યું છે તેમજ ચૂંટણી સમયે કોઈ પણ અનિચ્છનિય બનાવ ન બને તે માટે તકેદારી પણ રાખવાની વાત જણાવી છે તેમજ દેશભારમાં શાંતિ, સમામતિ અને સુરક્ષામાં ગુજરાત આગળ છે અને રહેશે તવું રાજ્યના ગૃહ રાજ્ય મંત્રી હર્ષ સંઘવીએ જણાવ્યું હતું
મનપામાં અત્યાર સુધીમાં કેટલાક ટકા નોંધાયું મતદાન
ગાંધીનગર મહાનગરપાલિકાની ચૂંટણીમાં અત્યાર સુધીમાં 37.75 ટકા મતદાન નોંધાયું છે. સૌથી વધુ મતદાન વોર્ડ-7માં 54.25 ટકા જ્યારે સૌથી ઓછુ મતદાન વોર્ડ-5માં 27.30 ટકા અત્યાર સુધીમાં નોંધાયું છે. આજે 11 વોર્ડ માં 44 બેઠકો માટે 161 ઉમેદવારોએ ઝંપલાવ્યું છે. જેમાં 44 ભાજપના, 44 કોંગ્રેસ, 40 આમ આદમી પાર્ટી, 14 બહુજન સમાજ વાદી પાર્ટી, 2 નેશનાલિસ્ટ કોંગ્રેસ પાર્ટી, 6 અન્ય પક્ષના તેમજ 11 અપક્ષ પાર્ટીના ઉમેદવારોએ હરીફાઈમાં ઝંપલાવ્યું છે. મનપાની ચૂંટણીમાં 6 વાગ્યા સુધી કેટલું મતદાન થાય છે તે બાદ આજે આ તમામ ઉમેદવારોનું ભાવિ ઈવીએમમાં સીલ થશે અને આ ચૂંટણીના પરિણામ 5 ઓક્ટબરે આવશે ત્યારે ખબર પડશે કે ગાંધીનગર મનપામાં કોણ બાજી મારે છે.