BIG NEWS / દ્વારકામાં ડ્રગ્સ પકડાવવા મામલે હર્ષ સંઘવીનું મોટું નિવેદન, કહ્યું આ પોલીસની સફળતા છે, મેં પહેલા જ ક્લિયર કર્યું હતું કે...

• દ્વારકામાંથી ઝડપાયું મોટા પ્રમાણાં ડ્રગ્સ
• ગૃહ રાજ્યમંત્રીએ પોલીસને પાઠવ્યા અભિનંદન
• યુવાઓને ડ્રગ્સથી દૂર રહેવા કરી અપીલ

થોડા ઘણા મહિનાથી ગુજરાત જાણે ડ્રગ્સ માટે ગેટ વે બની રહ્યું હોય તેવી પરિસ્થિતિ સર્જાઇ છે. રાજ્યમાં એક બાદ એક ડ્રગ્સનાં જથ્થા ઝડયાવાના મામલા વધતાં જઈ રહ્યા છે. ખાસ કરીને રાજસ્થાન બોર્ડર અને ગુજરાતનાં દરિયા કિનારાનો પણ આ ડ્રગ્સની હેરફેરનાં કાળા કામમાં ઉપયોગ કરવામાં આવે છે. ત્યારે દ્વારકામાંથી આજે ફરી મોટા પ્રમાણમાં ડ્રગ્સનો જથ્થો પકડાતાં ખળભળાટ મચ્યો છે. 

55 દિવસમાં જ 5756 કિલો ડ્રગ્સ ઝડપી પાડ્યું
દ્વારકામાં 350 કરોડનું ડ્રગ્સ પકડાવવા મુદ્દે ગૃહરાજ્યમંત્રી હર્ષ સંઘવીનું નિવેદન આપતા કહ્યું છે કે ડ્રગ્સ બાબતે ગુજરાત પોલીસ દ્વારા ખૂબ જ સારી કામગીરી કરવામાં આવી છે, DGP અને તેમની ટીમનો આભાર માંનું છું. હું ગૃહરાજ્યમંત્રી બન્યો ત્યારથી 55 દિવસમાં જ 5756 કિલો ડ્રગ્સ ઝડપી પાડ્યું જેની કિમત હજારો કરોડમાં આંકી શકાય છે. વધુ તેમણે કહ્યું હતું કે છેલ્લા 48 કલાકમાં જ અમદાવાદ, સુરત અને છોટા ઉદેપુરમાં ડ્રગ્સ અને ગાંજો પકડી પાડ્યો છે. મેં વિધાનસભામાં ક્લિયર કહ્યું હતું કે ડ્રગ્સ વેચાવવા જાય તેની પહેલા જ પોલીસ પકડી લે તો તે પોલીસની સારી કામગીરી જ ગણાવામાં આવે, આજે CM પટેલે પણ પોલીસને અભિનંદન પાઠવ્યા છે. 

'ડ્રગ્સ એ કોઈ પોલિટિકલ વિષય નથી'
જે પોલીસ જવાનોએ દ્વારકામાં ડ્રગ્સ ઝડપી પાડ્યું છે તેમને સુપરહીરો ગણું છું. કારણ કે દેશના ઈતિહાસમાં પહેલી વખત કોઈ જિલ્લાની પોલીસ આટલી મોટી ડ્રગ્સની ખેપ ઝડપી પાડી હોય તેવો પહેલો બનાવ છે. નવી સરકાર બન્યાથી અત્યાર સુધીમાં 58 જેટલા ડ્રગ્સ કેસને ઉકેલી 90 આરોપીને પોલીસે જેલ હવાલે કર્યા છે. ડ્રગ્સ એ કોઈ પોલિટિકલ વિષય નથી આમ આ નિવેદન આપી છેલ્લે  હર્ષ સંઘવીએ ગુજરાતની જનતાને અપીલ કરી હતી છે કે ડ્રગ્સ વિશે કોઈ પણ માહિતી હોય તો તે પોલીસને ડર વીના આપી શકે છે. પોલીસ કાર્યવાહી કરવા તત્પર છે.રાજસ્થાનમાંથી ડ્રગ્સ પેડલરને ગુજરાતમાં લાવી રહ્યા છે તેથી દૂષણ ફેલાવનારા રાજ્ય પોલીસની નજરમાં હોવાની વાત કરી અન્ય રાજ્યોને કડક સદેશો પણ આપ્યો છે. 

દ્વારકામાંથી 66 કિલોથી વધુ જથ્થો જિલ્લા પોલીસે ઝડપી પાડ્યો
રાજ્યમાંથી ફરી ડ્રગ્સનો મોટો જથ્થો ઝડપાતા ચકચાર મચી છે. ગુજરાત જાણે ડ્રગ્સ હેરાફેરીનું કેન્દ્ર બની રહ્યું છે તેવુ ચોક્કસ લાગી રહ્યું છે. મુંદ્રામાં ઝડપાયેલા  કરોડોના બાદ આજે દેવભૂમિ દ્વારકામાંથી 66 કિલોથી વધુ જથ્થો મળ્યો હોવાનો ઘટસ્ફોટ થયો છે. ગુજરાત ATSએ આંતરરાષ્ટ્રીય બજારમાં 300 કરોડ કરતા વધુ કિંમતના ડ્રગ્સના જથ્થાને દ્વારકાના આરાધના ધામ પાસેથી ઝડપી પાડ્યો છે. સમુદ્ર રસ્તેથી ફરીથી ગુજરાતમાં ડ્રગ્સ ઘુસાડવાનું કૌભાંડ પ્રાથમિક માહિતી પ્રમાણે લાગી રહ્યું છે. પોલીસ હાલ તમામ દિશામાં તપાસ કરી રહી છે. ડ્રગ્સના બનવોમાં પોલીસ નાની માછલીઓને પકડી મોટા મગરને છૂટા મૂકી દે છે તેનું જ પરિણામ છે કે ગુજરાતમાં એક બાદ એક ડ્રગ્સના મોટા જથ્થા ઝડપાઇ રહ્યા છે.

ગુજરાતમાં કયા કયાથી ઝડપાઇ ડ્રગ્સની ખેપ 

• સુરત અને દ્વારકામાં ઝડપાયું ડ્રગ્સ
• સુરતમાં MD ડ્રગ્સનો 58.530 ગ્રામ જથ્થો ઝડપાયો
• મુંદ્રા પોર્ટ ઉપરથી ઝડપાયો ડ્રગ્સનો જથ્થો
• 21 હજાર કરોડનો 2988 કિલો હેરાઇન ઝડપાયું
• 24 ઓક્ટોબરે અમદાવાદમાં 25 લાખનું ડ્રગ્સ ઝડપાયુ
• 23 ઓક્ટોબરે વડોદરામાંથી ગાંજો અને MD ડ્રગ્સ ઝડપાયું
• 22 ઓક્ટોબરે રાજકોટમાં ક્રિકેટર ડ્રગ્સ સાથે ઝડપાયો
• 12 ઓક્ટોબરે ડિસામાંથી 15 લાખનું ડ્રગ્સ ઝડપાયું
• 26 સપ્ટેમ્બરે સુરતથી 1 કિલો હાઇબ્રિડ ગાંજો ઝડપાયો
• 25 સપ્ટેમ્બરે સુરતથી 19.62 લાખનું MD ડ્રગ્સ જપ્ત
• 20 સપ્ટેમ્બરે પોરબંદર ડ્રગ્સ સાથે 7 ઇરાની નાગરિકો ઝડપાયા
• 4 ઓગસ્ટે વલસાડથી MD ડ્રગ્સ બનાવતી કંપની ઝડપાઇ
• આણંદમાં ગાંજાના 900 કિલો છોડ પોલીસે ઝડપી પાડ્યા
• ગુજરાતમાં જૂનથી ઓક્ટોબર સુધી 21 ડ્રગ્સના કેસ થયા
• પોલીસ અને NCBએ 6.6 કરોડના માદક દ્રવ્યો જપ્ત કર્યા
• રાજ્યમાં રેલવે, માર્ગ અને હવાઇ માર્ગે હેરાફેરીમાં 52 લોકોની ધરપકડ
• ગુજરાતમાં 2020માં ડ્રગ્સના 308 કેસ નોંધાયા
• જેમાં 117 વ્યક્તિગત વપરાશના કેસ
• 2019માં NDPSના 289 કેસ નોંધાયા
• 112 અંગત વપરાશ માટેના હતા
• 2018માં 150 કેસ નોઁધાયા
• 60 કેસો અંગત ઉપયોગ માટે ડ્રગ્સ વાપરતા હોવાનું ખુલ્યુ

દરિયાઇ સરહદે  પેટ્રોલિંગ વધારાયું
દ્વારકાના ખંભાળિયા- જામનગર રોડ પરથી ડ્રગ્સ ઝડપાયા બાદ હવે કચ્છની દરિયાઇ સરહદને એલર્ટ કરી દેવામાં આવી છે. કચ્છની દરિયાઇ સરહદે કોસ્ટગાર્ડ, નેવી, BSF અને મરીન પોલીસ દ્વારા પેટ્રોલિંગમાં વધારો કરવામાં આવ્યો છે. દરિયાઇ સરહદે વિવિધ એજન્સીઓ દ્વારા પેટ્રોલિંગ કરવામાં આવી રહ્યું છે. ડ્રગ્સનો જથ્થો દરિયાઇ માર્ગે આવ્યો હોવાની પ્રાથમિક માહિતી સામે આવતા પેટ્રોલિંગમાં વધારો કરાયો છે.