VTV IMPACT / અમદાવાદના બી.જે મેડિકલ કેમ્પસ DJ પાર્ટીની ગુંજ આરોગ્ય મંત્રી સુધી પહોંચી, ઘટનાને ખેદજનક ગણાવી કર્યા નિર્દેશ

• બી.જે મેડિકલ કેમ્પસમાં DJ પાર્ટીને મામલે કાર્યવાહીનું સૂચન
• દર્દીઓને મુશ્કેલી ન પડે તે રીતે કાર્યક્રમની સૂચના આપી હતી: આરોગ્ય મંત્રી    
• 'ડીન,ફેકલ્ટી મેમ્બરને પણ સૂચના આપીશુ'

અમદાવાદ સિવિલ હોસ્પિટલના બી.જે મેડિકલ કેમ્પસમાં ડી.જે પાર્ટીનું આયોજન કરી, મોટા પાયે ધ્વનિ પ્રદુષણ કરીને રેસિડન્ટ તબીબોએ મોટો વિવાદ ઉભો કરી દીધો છે..મોટા પાયે ડી.જે પાર્ટીનું આયોજન કરીને તબીબો ડી.જેના તાલે ઝૂમ્યા હતા.ડી.જે પાર્ટીના કારણે સિવિલના દર્દીઓને ભારે હાલાકીનો સામનો કરવો પડ્યો હતો.વારંવાર પોતાની તકલીફો અને માંગોને લઇને હડતાળ પર ઉતરી આરોગ્ય સેવા ખોરવતા તબીબો અને સિવિલ તંત્રએ આ ડી.જે પાર્ટીનું આયોજન કરીને દર્દીઓની સમસ્યાને નજરઅંદાજ કરી હતી.હાલ તો દર્દીઓ તથા તેમના પરિવારજનોમાં ઘટનાને લઇને ભારે આક્રોશ જોવા મળી રહ્યો છે. સમગ્ર બાબતે VTV ગુજરાતીએ આપેલા આ અંગેના અહેવાલની અસર થઈ છે. આરોગ્ય મંત્રી ઋષિકેશ પટેલે હોસ્પિટલ તંત્ર પર ફિટકાર વરસાવી છે.

બનાવ ખેદજનક, સમગ્ર મામલે પૂરતી તપાસ થશે, બીજી વખત આવું ન થાય તેનું ધ્યાન રખાશે:  મંત્રી ઋષિકેશ પટેલ
બી.જે મેડિકલ કેમ્પસમાં DJ પાર્ટીની ગુંજ આરોગ્ય મંત્રી સુધી પહોંચી છે. આ ઘટનાને આરોગ્ય મંત્રી ઋષિકેશ પટેલે ખેદજનક ગણાવતા કહ્યું છે કે સાયલ્ટ ઝોનમાં કાર્યક્રમ થયો છે દૂખદ બાબત છે.અગાઉ પણ મે સૂચના આપી હતી. દર્દીઓને મુશ્કેલી ન પડે તે રીતે કાર્યક્રમ કરવાનું સૂચન કર્યું હતું. બીજી વખત આવો બનાવ ન બને તેની કાળજી રાખવાની બાંહેધરી આપતા આરોગ્ય મંત્રીએ કહ્યું હતું કે સમગ્ર મામલે ઉડી અને પૂરતી તપાસ થશે. તેમજ હાલ ડીન,ફેકલ્ટી મેમ્બરને આ બાબતે જરુંરી પણ સૂચના અને આદેશો કરવામાં આવશે તેવી હામ ભરી હતી.

મારી પર કોઇ પણ પ્રકારનો ફોન પણ નથી આવ્યો: ડીન
વધુમાં તમને જણાવી દઇએ કે, સિવિલ કેમ્પસમાં આ કાર્યક્રમનું 4થી 5 દિવસ સુધી ચાલે તે પ્રકારનું આયોજન કરવામાં આવ્યું હતું. ત્યારે હજુ પણ બે દિવસ સુધી અહીં કોન્સર્ટ યોજાશે. આથી આ કોન્સર્ટના કારણે દર્દીઓને ચોક્કસથી હાલાંકી પડે તેવી શક્યતા સેવાઇ રહી છે. આ મામલે ડીનનું કહેવું છે કે, પોલીસની પરમિશન વિના આ કોન્સર્ટ નથી યોજવામાં આવી. પરંતુ BJMCનો જે આ કાર્યક્રમ છે તેના કારણે ચોક્કસથી દર્દીઓને હાલાંકી પડી રહી છે. આ જ કેમ્પસની બાજુમાં યુ.એન મહેતા હોસ્પિટલ આવેલી છે, કિડની હોસ્પિટલ આવેલી છે. તમને જણાવી દઇએ કે, અહીં લગભગ 2 હજારથી વધારે દર્દીઓ સારવાર લેતા હોય છે. પરંતુ ડીનનું કહેવું છે કે, કોઇ પણ દર્દીને આ DJ પાર્ટી દ્વારા હાલાંકી નથી થઇ. મારી પર કોઇ પણ પ્રકારનો ફોન પણ નથી આવ્યો તેમજ પોલીસ પરમિશન લઇને જ આ પ્રકારનો કાર્યક્રમ યોજવામાં આવ્યો છે. એટલે કે આ મામલે ડીન પણ ક્યાંક આંખ આડા કાન કરી રહ્યાં હોય તેવું લાગી રહ્યું છે.

VTV ગુજરાતીના સળગતા સવાલો
એક તરફ રાજ્યમાં કોરોનાના કેસો વધી રહ્યાં છે, એમાંય સૌથી વધારે કેસ અમદાવાદમાં જ નોંધાતા હોય છે ત્યારે કોરોનાનું સંક્રમણ વધતી વેળાએ તબીબો દ્વારા જ આ રીતે કોન્સર્ટનું આયોજન કરવું તે કેટલું યોગ્ય?મહત્વનું છે કે, પોતાની પડતર માંગોને લઇને અનેકવાર હડતાળ પર ઉતરી જતા તબીબોને DJ પાર્ટી યોજતી વખતે દર્દીઓના સ્વાસ્થ્યની ચિંતા કેમ ના થઇ. અહીં સિવિલ કેમ્પસમાં DJ પાર્ટી જોતા અનેક સવાલો પણ ઉભા થાય છે જેવાં કે, તબીબ જ દર્દીઓની સમસ્યા નહીં સમજી શકે તો કોણ સમજશે? સિવિલમાં જ દર્દીઓને હાલાંકી પડશે તો દર્દી આખરે જશે ક્યાં? બેફામ તબીબો સામે તંત્ર ક્યારે પગલાં લેશે? આ બેફામ તબીબોને ડી.જે પાર્ટીની મંજૂરી કોણે આપી? શું સિવિલ હોસ્પિટલના તંત્રએ આ DJ પાર્ટીને મંજૂરી આપી છે? વારંવાર પોતાની માંગોને લઇને હડતાળ પર ઉતરતા તબીબો આટલાં બેદરકાર કેમ? બેદરકાર તંત્ર, બેદરકાર તબીબો વચ્ચે દર્દીઓની સુરક્ષા કોણ કરશે?