આરોપ-પ્રત્યારોપ / કોંગ્રેસ ડરી ગઇ છે : આક્ષેપો પર CR પાટીલે આપ્યો જવાબ, જાણો શું છે મામલો

• ભાજપ પ્રદેશ પ્રમુખ સી.આર.પાટીલની પત્રકાર પરિષદ
• કોંગ્રેસના આક્ષેપોનો સી.આર.પાટીલે આપ્યો જવાબ
• પાટીલે કહ્યું ઈડીની કાર્યવાહીથી કોંગ્રેસ ગભરાઈ ગઈ છે

નેશનલ હેરાલ્ડ કેસમાં આવતીકાલે રાહુલ ગાંધીને ED સમક્ષ હાજર થવાનું છે ત્યારે આ મુદ્દે કોંગ્રેસના રાષ્ટ્રીય પ્રવક્તા પવન ખેરાએ નિવેદન આપ્યું છે. તેમને કહ્યું કે નેશનલ હેરાલ્ડ કેસમાં કોઈપણ ગેરકાનૂની કામ થયું નથી. નેશનલ હેરાલ્ડને 90 કરોડની ખોટ આવતા કોંગ્રેસ દ્વારા 2002થી 2011 સુધીમાં 6 ભાગમાં મદદ કરવામાં આવી હતી. તેવું પવન ખેરાએ જણાવ્યું હતું. વધુમાં કહ્યું કે આ મામલે સુબ્રમણ્યમ સ્વામીએ ચૂંટણી પંચને પત્ર લખ્યો હતો. જો કે ચૂંટણી પંચે પણ કહ્યું કે મદદ કરવામાં ખોટું કંઈ નથી. વધુમાં કહ્યું કે સરકાર નિષ્ફળતા છૂપાવવા માટે ગાંધી પરિવારને નોટિસો મોકલે છે. સરકાર ગમે તેટલા પ્રયાસ કરે તો પણ રાહુલ ગાંધી ડરવાના નથી અને આવતીકાલે રાહુલ ગાંધી ED સમક્ષ હાજર થશે તેવું પવન ખેરાએ જણાવ્યું હતું.

કોઇ પણ મંજૂરી વિના કંપનીના શેર ટ્રાન્સફર કરી લીધા: સી આર પાટીલ
આવતીકાલે દેશભરમાં કોંગ્રેસ ઈડીની ઓફિસો બહાર વિરોધ પ્રદર્શન કરશે. ત્યારે ભાજપ પ્રદેશ પ્રમુખ સી.આર.પાટીલની પત્રકાર પરિષદ કરી કોંગ્રેસના આક્ષેપોનો જવાબ આપ્યો છે. અને પ્રતિઆક્ષેપ કરતાં કહ્યું કે ઈડીની કાર્યવાહીથી કોંગ્રેસ ગભરાઈ ગઈ છે. કોંગ્રેસના અધ્યક્ષ સોનિયા ગાંધી અને રાહુલ ગાંધીને EDએ નોટિસ આપી છે. કોંગ્રેસના નેતાઓએ કેસમાં જામીન લીધા છે. નોટિસ આપી જવાબ આપવા માટે બોલાવાયા છે.કોંગ્રેસ આ મુદ્દાને રાજકીય મુદ્દો બનાવી ચગાવી રહી છે. કોઇ પણ મંજૂરી વિના કંપનીના શેર ટ્રાન્સફર કરી લીધા હોવાનો આરોપ લગાવતા કહ્યું કે મલ્લિકાર્જૂન ખડગેએ પણ પોતાનો જવાબ રજૂ કરી દીધો છે તો રાહુલ ગાંધી અને સોનિયા ગાંધીને જવાબ રજૂ કરવામાં શું વાંધો છે?. EDની તપાસમાં સહકાર આપવો જોઇએ, EDએ મિલકત હડપવાનો ષડયંત્રનું સત્ય બહાર લાવ્યું છે. અગાઉ કોંગ્રેસના નેતાઓએ સ્ટેટમેન્ટ નોંધાવ્યા છે. કોંગ્રેસ લોકોને ગેરમાર્ગે દોરી રહી છે

LIVE: પ્રદેશ અધ્યક્ષ શ્રી @CRPaatil ની પત્રકાર પરિષદ | સ્થળ: ઉધના, સુરત https://t.co/TKi2QEx8hp

— BJP Gujarat (@BJP4Gujarat) June 12, 2022

ગુજરાત પ્રદેશ કોંગ્રેસની આગેવાનીમાં સોમવારે ધરણાનો કાર્યક્રમ
ED દ્વારા કોંગ્રેસના નેતાઓને ખોટી રીતે હેરાન કરવામાં આવી રહ્યા હોવાના દાવા સાથે આવતીકાલે સમગ્ર દેશમાં કોંગ્રેસ જે તે રાજ્યમાં ઇડી ઓફિસ સામે દેખાવો કરશે.જે અંતર્ગત અમદાવાદમાં હેલ્મેટ સર્કલ પાસે જીએમડીસી ગ્રાઉન્ડ હોલમાં પહેલા સભા સંબોધિત કરવામાં આવશે અને ત્યારબાદ કોંગ્રેસ પ્રદેશ અધ્યક્ષ જગદીશ ઠાકોર ની અધ્યક્ષતા માં કોંગ્રેસ ઇડી ઓફિસ પાસે ધારણા યોજશે