સુરતની રાંદેર પોલીસની હદમાં ચાલતું હતું VIP ગેમ્બલિંગ ક્લબ
મેનેજર સહિત 21 જુગારીની ધરપકડ
રૂ 45 લાખથી વધુનો મુદ્દામાલ જપ્ત
ગુજરાતમાં દારૂ બંધી અને જુગાર રમવા પર સખ્ત પ્રતિબંધ હોવા છતા રેલમછેલ અને જુગારધામના અડ્ડા સ્થાનિક પોલીસની રહેમ નજર હેઠળ ધમધમી રહ્યા છે. ત્યારે અમરેલી બાદ હવે સુરતમાં પણ સ્ટેટ વિજલેન્સની ટીમે દરોડા કર્યા છે.
21 જુગારીઓ સાથે 45 લાખનો મુદ્દામાલ જપ્ત
રાંદેર પોલીસની હદમાં મૂન લાઇટ હોટલમાં ગેમ્બલિંગ ક્લબ ચાલતું હતું.VIP સ્ટાઈલમાં ચાલતા કાળા પર પોલીસની રહેમ નજર હતી તેવા આરોપો થઈ રહ્યા હતા. આ રેડની કાર્યવાહીમાં મેનેજર સહિત 21 જુગારી ની ધરપકડ કરવામાં આવી છે. જે દરમિયાન રૂ 8.90 લાખ રોકડા, 28 મોબાઈલ અને 12 વાહન સાથે કુલ રૂ 45 લાખથી વધુ મુદ્દામાલ સીઝ કરાયો છે.8 ને વોન્ટેડ જાહેર કરવામાં આવ્યા છે.
અમરેલીમાં પણ મકાનમાં ચાલી રહેલી ક્લબ થઈ હતી કાર્યવાહી
અમરેલી સ્ટેટ મોનિટરિંગ સેલે કાંટમાં ગામે રેડની કાર્યવાહી કરી હતી. જેમાં એક મકાનમાં ચાલી રહેલી ક્લબમાં 23 જુગારીઓ સાથે 47 લાખના મુદ્દા માલ કબ્જે કર્યો હતો. જુગારધામ ચાલતું હોવાની બાતમી સ્ટેટ મોનિટરિંગ સેલે તપાસ કાર્યવાહી હાથ ધરી હતી જેમાં રેડ પોલીસ રેડ પાડતા અનેક જુગારીઓમાં નાસ ભાગ મચી ગઈ હતી.પણ મોટી સંખ્યામા કર્મીઑના કાફલા સાથે પાડેલા આ દરોડામાં જુગારીઓને પકડવામાં સફળતા મળી હતી. ઝડપાયેલ મુદ્દામાલમાં રોકડ સહિત મોટી સંખ્યામાં મોબાઈલ તેમજ જુગાર રમવાની ચિપ્સ પણ મળી આવી હતી.
સમગ્ર મામલે અમરેલી SPએ સ્થાનિક પોલીસકર્મી પર પણ કાર્યવાહી કરી હતી. PSI પી,વી સાંખટ અને ડીબી ચૌધરી બન્ને મહિલા PSIને લિવ રિઝર્વ પર મૂકી દેવામાં આવ્યા હતા. જ્યારે ધારી PSI ડી.સી.સાકરીયાને બદલી કરી દેવામાં આવી હતી. PSI પી.બી.લક્કડ ને પેરોલ ફર્લો સ્ક્રોડ માંથી ધારી મૂકી દેવામાં આવ્યા હતા. અમરેલી તાલુકા પોલીસ મથકના 3 પોલીસ કર્મીઓની હેડક્વાર્ટરમાં બદલી કરી નાખવામાં આવી હતી.