દેશભરમાં જેમ જેમ કોરોના વાયરસની બીજી લહેર આગળ વધી રહી છે, લોકો વધુને વધુ સંખ્યામાં સંક્રમિત થઈ રહ્યા છે, આવી સ્થિતિમાં કેસના આંકડાની સાથે જ મોતની સંખ્યા પણ વધી રહી છે.
કોરોનાના કેસ સતત વધી રહ્યા છે
મોદી સરકારનું ધ્યાન રસીકરણ વધારવા પર છે
કેન્દ્ર સરકાર પાસે રસીકરણ એ હાથવગું હથિયાર છે
કોરોનાની બીજી લહેરને ખાળવા માટે હાલમાં કેન્દ્ર સરકાર પાસે રસીકરણએ સૌથી મોટું હાથવગું હથિયાર છે, માટે મોદી સરકાર સૌથી વધુ ફોકસ તેના પર કરી રહી છે, હાલમાં ઓક્સિજન અછત, બેડની સંખ્યા વધારવાની સાથે જ સરકાર રસીકરણની ઝડપ વધારવા માટે પણ પ્રયાસરત છે, ખાસ કરીને 1 મેથી સરકાર 18 વર્ષથી ઉપરના તમામ માટે રસીકરણ ચાલુ કરી રહી છે, જેને લઈને અને અન્ય બાબતોને લઈને સરકારે નવી ગાઈડલાઇન્સ જાહેર કરી છે, જેમાં કોરોનાને ખાળવા માટે રાજ્યોને અમુક સૂચનો કરવામાં આવ્યા છે.
1 મેથી શરૂ થઈ રહ્યું છે 18 વર્ષથી ઉપરના માટેનું રસીકરણ અભિયાન
COVID-19 રસીકરણ માટેની નવી ગાઈડલાઇન્સ હેઠળ કેન્દ્રોએ રાજ્યોને અનેક ભલામણો મોકલી છે.કેન્દ્ર સરકાર 1 મેથી 18 વર્ષથી વધુ ઉંમરના લોકોને રસીકરણ અભિયાન શરૂ કરી રહી છે.
કેન્દ્ર સરકારે રાજ્યોને કોરોના રસીકરણ અભિયાનને વેગ આપવા માટે ફિલ્ડ હોસ્પિટલો સ્થાપવાની સલાહ આપી છે. ઉપરાંત, મહત્તમ સંખ્યામાં પ્રાઇવેટ કોવિડ વેકસિનેશન સેન્ટર બનવવાની હિમાયત પણ કરી છે. કેન્દ્ર સરકાર 1 મેથી 18 વર્ષથી વધુ ઉંમરના લોકો માટે રસીકરણની ઝુંબેશ શરૂ કરી રહી છે. આ માટે ગાઈડલાઇન બહાર પાડીને સલાહ આપવામાં આવી છે.
મોદી સરકારે રાજ્યોને કર્યા આ સૂચનો
કેન્દ્ર સરકારે રાજ્ય સરકારોને કોવિડ રસીકરણ અભિયાનને પ્રોત્સાહન આપવા માટે ફિલ્ડ હોસ્પિટલ સ્થાપવાના વિચાર પર કામ કરવા જણાવ્યું છે. આ માટે સરકારની રિસર્ચ એજન્સીઓની મદદ લેવાનું સૂચન કરાયું છે. આ વખતે, 18 વર્ષથી વધુ ઉંમરના કોઈપણ લોકો રસી મેળવી શકશે. આ ભલામણએ કેન્દ્રની નવી માર્ગદર્શિકાઓની એક વ્યૂહરચના છે, જે કોરોના રસીકરણ અભિયાન સાથે સંકળાયેલ છે.
કેન્દ્ર સરકારે કહ્યું છે કે રાજ્યો ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (DRDO) અને વૈજ્ઞાનિક અને ઔદ્યોગિક સંશોધન પરિષદ (CSIR) અને આવા જ અન્ય ખાનગી ક્ષેત્રના સંગઠનોનીની ફિલ્ડ હોસ્પિટલ બનાવવામાં મદદ લઈ શકે છે.