ક્રાઈમ / રાજ્યમાં 24 કલાકમાં ત્રણ હત્યા, સુરતના ઉધના રેલવે સ્ટેશન પાછળથી મળી લાશ 

રાજ્યમાં હત્યા, લૂંટ જેવી ઘટનાઓમાં દિવસેને દિવસે વધારો થઇ રહ્યો છે. છેલ્લા 24 કલાકની વાત કરીએ તો રાજ્યમાં 24 કલાકમાં ત્રણ હત્યાના મામલા સામે આવ્યા છે. જેમાં સુરતમાં અજાણ્યા શખ્સો આંશિક નામના યુવકની હત્યા કરી ફરાર થઇ ગયા. યુવકના મોબાઇલના આધારે યુવકની ઓળખ કરવામાં આવી છે. ત્યારે હાલ પોલીસે હત્યારાઓની શોધખોળ હાથ ધરી છે. 

તો બીજી ઘટના છે અમદાવાદની જ્યાં મેઘાણીનગરમાં અસામાજિક તત્વોએ 20 દિવસની બાળકીની હત્યા કરી નાખી. આ મામલે પોલીસે બે આરોપીની ધરપકડ કરી છે. જ્યારે મહેસાણાના પરાવાસમાં યુવક પર જીવલેણ હુમલો કરાયો હતો. અંગત અદાવત શખ્સોએ યુવક પર તીક્ષ્ણ હથિયારના ઘા ઝીંક્યા. જેમાં યુવકને ગંભીર ઇજા પહોંચી હતી. અને આજે સારવાર દરમિયાન યુવકનું મોત નિપજ્યું છે.