પાટણમાં રાજ્યકક્ષાના ગુજરાત સ્થાપના દિવસની થશે ઉજવણી, પાટણના ઐતિહાસિક સ્થળો અને સરકારી કચેરીઓ રોશનીથી ઝગમગી ઉઠી
પાટણમાં ઉજવાશે ગુજરાત સ્થાપના દિન
પાટણ શહેરને શણગારાયું
નવોઢાની જેમ સજાવાયું શહેર
આગામી 1મે ના રોજ મુખ્યમંત્રી અને રાજ્યપાલની ઉપસ્થિતિ માં ગુજરાતનો રાજ્ય કક્ષાનો 62 મો સ્થાપના દિવસ પાટણ શહેરમાં યોજાવા જઈ રહ્યો છે ત્યારે પાટણ શહેર આજે રંગબેરંગી લાઇટિંગોથી ઝળહળી ઉઠ્યું છે પાટણમાં અલગ જ ઉત્સાહ જોવા મળી રહ્યો છે. પાટણના મુખ્ય રસ્તાઓ પર રોશની કરવામાં આવી છે. પાટણની સરકારી કચેરીઓ રંગબેરંગી લાઇટથી સુશોભિત કરવામાં આવી છે.
હેમચંદ્રાચાર્ય યુનિવર્સિટી ખાતે ઉજવણી
પાટણ હેમચંદ્રાચાર્ય ઉત્તર ગુજરાત યુનિવર્સિટી મેદાન ખાતે ઊજવણી થવા જઈ રહી છે જેને લઈ પાટણ જીલ્લા વહીવટી તંત્ર દ્વારા તમામ પ્રકારની તૈયારીઓ પૂર્ણ કરી દેવાઈ છે. યુનિવર્સીટી, પાટણ કલેકટર કચેરી, સર્કિટ હાઉસ, જીલ્લા પંચાયત, સહિતની તમામ કચેરીઓને કલરફુલ લાઇટોથી શણગારવામાં આવી છે.ત્યારે પાટણમાં આ પ્રકારની તૈયારીઓ જોતા શહેરીજનો ખાસ આ રોશની જોવા ઉમટી પડ્યા હતા.
પાટણમાં તંત્ર ખડેપગે
કલેકટર કચેરી ખાતે પણ મોડી રાત સુધી કલેક્ટર સુપ્રીતસિંઘ ગુલાટી પણ પોતાની કચેરી ખાતે હાજર રહે છે અને શહેરીજનો સાથે સેલ્ફી પડાવી લોકોને એક કૉમન મેનનો અહેસાસ કરાવે છે જોકે વી.ટીવી ન્યુઝનાં માધ્યમથી કલેકટર સુપ્રીતસિંઘ ગુલાટીએ પાટણ વાસીઓને ગુજરાતના સ્થાપના દિવસમાં જોડાવા આહવાન કર્યું હતું તો શહેરી જનોએ પણ રંગબેરંગી લાઇટિંગ નિહાળી પોતાની ખુશી વી.ટીવી ન્યુઝના કેમેરામાં વ્યક્ત કરી હતી.. સ્થાપના દિવસની ઉજવણીમાં કોઈ કચાસ બાકી ન રહી જાય તેવી રીતે તંત્ર કામ કરી રહ્યું છે.