GST વિભાગ અને ATS દ્વારા સંયુક્ત ઓપરેશન હાથ ધરવામાં આવ્યું હતું.જેમાં બોગસ બીલીંગને ડામવા માટે GST દ્વારા કાર્યવાહિ કરવામાં આવી છે. ત્રીજા તબક્કાની રેડમાં 20 પેઢી પર દરોડા કરવામાં આવ્યા હતા.
GST વિભાગ અને ATSનુ સંયુક્ત ઓપરેશન
અમદાવાદ, વડોદરા અને સુરતમાં પેઢીઓ પર દરોડા
ત્રીજા તબક્કાની રેડમાં 20 પેઢી પર કર્યા દરોડા
કુલ 25 સ્થળો પર 20 પેઢી પર દરોડા કરી કાર્યવાહી કરાઇ
GST વિભાગ અને ATS દ્વારા સંયુક્ત ઓપરેશન હાથ ધરવામાં આવ્યું હતું.જેમાં બોગસ બીલીંગને ડામવા માટે GST દ્વારા કાર્યવાહિ કરવામાં આવી છે. ત્યારે ત્રીજા તબક્કાની રેડમાં 20 પેઢી પર દરોડા કરવામાં આવ્યા હતા. જેમાં તમામ 20 કંપનીઓ બોગસ હોવાનું પ્રકાશમાં આવવા પામ્યું હતું. બોગસ કંપનીના બોગસ બિલ થકી 27.04 કરોડની કર ચોરી કરવામાં આવી હતી. અમદાવાદના સાત સ્થળે દરોડા કરી 4 પેઢી પર કાર્યવાહિ કરવામાં આવી હતી
વડોદરા અને સુરતમાં પણ GST અને ATS નાં સંયુક્ત દરોડા
વડોદરામાં પણ GST વિભાગ દ્વારા પાંચ પેઢી પર દરોડા પાડવામાં આવ્યા હતા. જ્યારે સુરતમાં 16 સ્થળો પર 11 પેઢી પર દરોડા પાડી સર્ચ હાથ ધરવામાં આવ્યું હતું. ત્યારે કુલ 25 જગ્યાઓ અને 20 પેઢી પર દરોડા કરી કાર્યવાહિ કરવામાં આવી હતી. દરોડા પડ્યાની જાણ થતા 18 લોકો ફરાર થઈ જવા પામ્યા હતા. જેમને પકડવાની કાર્યવાહિ હાધ ધરાઈ છે. જ્યારે 12 નવેમ્બરે 50 બોગસ પેઢી અને 29 નવેમ્બરે 40 બોગસ પેઢી પર જીએસટી અને એટીએસના સંયુક્ત ઓપરેશનમાં ઝડપાઈ હતી. ત્યારે 20 કંપનીઓએ 145 કરોડના બીલ ઈશ્યું કર્યા હતા.
ચૂંટણી પહેલા પણ જીએસટી અને એટીએસ વિભાગ દ્વારા દરોડા પાડવામાં આવ્યા હતા
ગુજરાત વિધાનસભાની ચૂંટણી પહેલા પણ જીએસટી વિભાગ તેમજ એટીએસ દ્વારા સંયુક્ત ઓપરેશન હાથ ધરવામાં આવ્યું હતું. જેમાં રાજ્યભરમાં 140 થી વધુ સ્થળો પર દરોડા પાડવામાં આવ્યા હતે. જેમાં એટીએસ અને જીએસટી વિભાગની ટીમોએ અમદાવાદ, સુરત, ભરૂચ, જામનગર અને ભાવનગરમાં દરોડા પાડવામાં આવ્યા હતા. ત્યારે ચૂંટણી પહેલા હાથ ધરવામાં આવેલ સર્ચ ઓપરેશનમાં રાજ્યના અલગ-અલગ વિસ્તારોમાંથી 90થી વધુ લોકોની ધરપકડ પણ કરવામાં આવી હતી. બોગસ બિલિંગમાં કરોડોની ગેરરિતી થઈ હોવાની આશંકા છે.