ગુજરાત વિધાનસભાની ચૂંટણી ટાણે GST વિભાગ અને ATS દ્વારા અમદાવાદ, ગાંધીધામ અને સુરત તેમજ ભરૂચ અને વડોદરામાં સર્ચ ઓપરેશન હાથ ધરવામાં આવ્યું છે
ગુજરાતના અલગ અલગ શહેરોમાં ATSના દરોડા
ATS અને GST ની ટીમોએ હાથધરી તપાસ
ટેક્સ ચોરી મામલે રાજ્યભરમાં સર્ચ ઓપરેશન
ગુજરાતમાં વિધાનસભાની ચૂંટણી ટાણે જ ATS અને GSTની ટીમો દ્વારા સંયુક્ત ઓપરેશન હાથ ધરતા ખળભળાટ સર્જાયો છે. ચૂંટણી અગાઉ રાજ્યમાં દેશવિરોધી પ્રવૃત્તિ અને આર્થિક નુકસાન પહોંચાડતા લોકો સામે કાર્યવાહી શરૂ કરવામાં આવી છે. રાજ્યના અલગ અલગ શહેરોમાં ATSના દરોડા પડ્યાં છે. ATS અને GSTની ટીમોએ દ્વારા તપાસ હાથધરાઈ છે. ટેક્સ ચોરી મામલે રાજ્યભરમાં સર્ચ ઓપરેશન હાથ ધરાયું છે. અમદાવાદ, ગાંધીધામ અને સુરત તેમજ ભરૂચ અને વડોદરામાં પણ તપાસ હાથ ધરાઈ છે.
ATS અને GSTની ટીમોએ હાથધરી તપાસ
રાજ્યના અમદાવાદ, ગાંધીધામ, સુરત, ભરૂચ અને વડોદરામાં ATS અને GSTની ટીમોએ દ્વારા તપાસ હાથધરવામાં આવી છે. ટેક્સ ચોરી મામલે રાજ્યભરમાં ATS અને GSTનું સર્ચ ઓપરેશનનો ધમધમાટ ચાલી રહ્યો છે.
15 નવેમ્બરે પણ તપાસ હાથ ધરાઈ હતી
15 નવેમ્બરના રોજ ATS અને ક્રાઇમ બ્રાન્ચ દ્વારા ખોટી રીતે આઈટીસી મેળવવાના કૌભાંડની તપાસ હાથ ધરવામાં આવી હતી. જેમાં કરચોરીમાં ખૂબ મોટાપાયે દસ્તાવેજ જપ્ત કરાયા હતા. અમદાવાદમાંથી 14, વડોદરામાંથી 12, સુરતમાં 9, ભાવનગરમાં 3, ગાંધીધામમાં 2 અને રાજકોટમાં 1 સહિત 41 બોગસ પેઢીઓ ઝડપાઇ હતી. આ બોગસ બિલિંગના કૌભાંડમાં ભાવનગર બોગસ બિલિંગનું એપી સેન્ટર ઊભરાઇ આવ્યું હતું. જોકે તમને જણાવી દઇએ કે, આ સમગ્ર કૌભાંડની કડી CAની તપાસમાંથી મળી હતી.
12 નવેમ્બરે 140થી વધુ સ્થળો પર દરોડા પડ્યા હતા
12 નવેમ્બરના રોજ રાજ્યમાં ATS અને GSTનું સંયુક્ત ઓપરેશન હાથ ધર્યું હતું. રાજ્યભરમાં અલગ અલગ 140થી વધુ સ્થળો પર દરોડા પાડવામાં આવ્યા હતા. ATS અને GSTની ટીમો દ્વારા અમદાવાદ, સુરત, ભરૂચ, જામનગર અને ભાવનગરમાં દરોડા પાડવામાં આવ્યા હતા. એકસાથે 140થી વધુ સ્થળો પર તપાસ ચાલી હતી. એવા પણ સમાચાર સામે આવી રહ્યા હતા કે આ મામલે રાજ્યના અલગ-અલગ વિસ્તારોમાંથી 90થી વધુ લોકોની ધરપકડ પણ કરવામાં આવી હતી.