પગલાં / અમદાવાદ અને સુરતમાં કોરોનાને નાથવા સરકાર નિવૃત્ત અધિકારીઓ પર ઉતારી રહી છે પસંદગી

સરકારના છેલ્લા પોસ્ટિંગમાં નિવૃત્ત IAS અધિકારી S K લાંગાને સુરત મહાનગર પાલિકામાં સ્પેશ્યલ ઓફિસર ઓન ડ્યુટી તરીકે મુકવામાં આવ્યા છે. આ પહેલા અન્ય નિવૃત્ત IAS અધિકારી રાજ માકડિયાને પણ સુરત મહાનગર પાલિકામાં સ્પેશ્યલ ઓફિસર ઓન ડ્યુટી તરીકે મુકવામાં આવ્યા હતા.

કોન્ટ્રાક્ટના ધોરણે આ પોઝિશન ઉપર 1 વર્ષ માટે મુકવામાં આવ્યા

બંને અધિકારીઓને કોન્ટ્રાક્ટના ધોરણે આ પોઝિશન ઉપર 1 વર્ષ માટે મુકવામાં આવ્યા છે. આ પહેલા અન્ય નિવૃત્ત IAS અધિકારી C R ખરસનને અમદાવાદ મહાનગર પાલિકા AMCમાં સ્પેશ્યલ ઓફિસર ઓન ડ્યુટી તરીકે મુકવામાં આવ્યા છે. નોંધનીય છે કે ખરસન ગયા સપ્ટેમ્બરમાં જ વલસાડ કલેકટર તરીકે નિવૃત્ત થયા છે જયારે લાંગા ગાંધીનગર કલેકટરના પદથી નિવૃત્ત થયા છે. આ ઉપરાંત માકડિયા રેવન્યુ વિભાગના રેવન્યુ ઇન્સ્પેકશન કમિશ્નર તરીકે નિવૃત્ત થયા છે. 

સરકારને આ મહામારીને કાબૂમાં લેવા માટે અનુભવી અધિકારીઓની જરૂર છે

આ ત્રણેય અધિકારીઓ ખૂબ અનુભવી ગણાય છે અને તેમણે તેમની કારકિર્દીમાં AMCમાં ડેપ્યુટી મ્યુનિસિપલ કમિશ્નરનું પદ સાંભળ્યું છે. સરકારમાંથી સુત્રો દ્વારા મળેલ માહિતી અનુસાર સરકારને આ મહામારીને કાબૂમાં લેવા માટે અનુભવી અધિકારીઓની જરૂર છે. આ ઉપરાંત જો સ્થાનિક સ્વરાજની સંસ્થાઓના આગામી ઈલેકશન પાછા નથી ઠેલાતા તો મહાનગર પાલિકાઓમાં કામકાજ માટે અનુભવી અધિકારીઓની જરૂર રહેશે.