Local Election Result / 34 નગરપાલિકામાં લહેરાયો ભાજપનો ભગવો, કુલ 700થી વધુ બેઠકો પર કમળ ખીલ્યું

આજે ગુજરાતમાં સ્થાનિક સ્વરાજ્યની ચૂંટણીના પરિણામ જાહેર થઈ રહ્યાં છે. નગરપાલિકાઓની 1677 સીટ માટે 4374 ઉમેદવારોના રાજકીય ભાવી આજે નક્કી થઈ રહ્યો છે. ત્યારે અત્યાર સુધીમાં આવેલા પરિણામમાં રાજ્યની 68માંથી 34 નગરપાલિકાઓમાં ભાજપનો ભગવો લહેરાયો છે.

1677 બેઠકોમાંથી 956 બેઠકો પર ભાજપનો વિજય

સ્થાનિક સ્વરાજ્યની ચૂંટણીમાં ભાજપનો ભગવો ફરી એકવાર મજબૂતી સાથે લહેરાઈ રહ્યો છે. સાથો સાથ કોંગ્રેસના સૂપડા સાફ થતાં હોય તેવું પરિણામ સામે આવી રહ્યું છે. કુલ 1677 બેઠકોમાંથી 956 બેઠકો પર ભાજપનો વિજય થયો છે.66માંથી 34 નગરપાલિકાઓમાં કમળ ખીલ્યું છે. પંજાના ફાળે 129 જ્યારે 94 બેઠકો પર અપક્ષોના ફાળે ગઈ છે.

કોંગ્રેસના હારેલા ઉમેદવારે કેસરીયા કર્યા

જૂનાગઢમાં કોંગ્રેસના હારેલા ઉમેદવારે કેસરીયા કર્યા છે. વોર્ડ નંબર-9ના કોંગ્રેસ ઉમેદવાર મહિપાલસિંહ બસિયા ભાજપમાં જોડાયા હતા. જીતેલા ઉમેદવાર આકાશ કટારાએ મહિપાલસિંહને ભાજપનો ખેસ પહેરાવ્યો હતો. મહિપાલસિંહ કહ્યું કે, આકાશ કટારા સાથે મળીને વોર્ડમાં વિકાસ કાર્યો કરવા છે. વોર્ડ-9ને સારામાં સારો વોર્ડ બનાવવાની આકાશ કટારાએ ખાતરી પણ આપી છે.

હાલોલની તમામ 36 બેઠક પર કમળ ખીલ્યું

પંચમહાલની હાલોલ નપાની તમામ 36 બેઠક પર કસેરીયો લહેરાયો છે. કુલ 9 વોર્ડના 36 બેઠકો પૈકી 21 બિનહરીફ થઈ હતી જ્યારે 15 બેઠકો પર ચૂંટણી યોજાયેલી હતી જેમાં પણ ભાજપનો વિજય થયો છે. તો આ તરફ દ્વારકામાં પણ તમામ 28 સીટ પર ભાજપની જીત થઈ છે.

હારીજ નપમાં પણ ભાજપનો ભગવો લહેરાયો

પાટણના હારીજ નગરપાલિકા પર ભાજપનો ભગવો લહેરાયો છે. તમામ 24 બેઠકના પરિણામ જાહેર થયો છે જેમાં ભાજપને 14, કોંગ્રેસને 10 બેઠક મળી છે.

ભચાઉમાં ભાજપની જીત

કચ્છની ભચાઉ નગરપાલિકાની 28 બેઠકનું પરિણામ જાહેર થયું છે. જે તમામ બેઠક પર ભગવો લહેરાયો છે, ત્યારે ભાજપના ઉમેદવારોમાં ઉત્સાહનો માહોલ જોવા મળી રહ્યો છે. 28 બેઠકોમાંથી ભાજપે 17 બેઠકો બિનહરીફ જીતી હતી. જ્યારે બાકીની બેઠકો માટે વોર્ડ નંબર 1, 2, 3 અને 6માં મતદાન યોજાયું હતું જે પણ ભાજપે કબજે કરી લીધી છે.

167 બેઠકો બિનહરીફ થઈ હતી

ગુજરાતની 66 નગરપાલિકાઓ ચૂંટણી યોજાઈ હતી. જેમાં કુલ 461 વોર્ડમાંથી 24 વોર્ડ બિનહરીફ થયા હતા જ્યારે કુલ 1844 બેઠકોમાંથી 167 બેઠકો બિનહરીફ થઈ હતી. જેમા ભાજપે 162, કોંગ્રેસ 01, અન્યના ખતામાં 04 બિન હરીફ ગઈ છે. 1677 બેઠક પરનું ચૂંટણી પરિણામ આવી રહ્યું છે.

ગત ચૂંટણી કરતા મતદાન ઓછું થયું હતું

રાજ્યની 66 નગરપાલિકા ચૂંટણી યોજાઈ હતી. જેમાં 61.65 ટકા મતદાન નોંધાયું હતું. અત્રે જણાવીએ ગત ચૂંટણી 2018 કરતા ઓછું મતદાન થયું હતું. વર્ષ 2018માં 75 નપાની ચૂંટણી યોજાઈ હતી અને 65 ટકા મતદાન થયું હતું. જ્યારે આ વખતે 66 નગરપાલિકા ચૂંટણી યોજાઈ હતી અને 61.65 ટકા મતદાન નોંધાયું હતું

આ પણ વાંચો: Video: તાપીમાં ભગવો, પાટણમાં પંજો સુસ્ત, જીતની ખુશીમાં ઝૂમી ઉઠ્યા જીતેલા ઉમેદવારો

2018નું ચૂંટણી પરિણામ

વર્ષ 2018માં 75 નગરપાલિકાની ચૂંટણી યોજાઈ હતી. જેમાં 47 નપામાં ભાજપનોન ભગવો લહેરાયો હતો. જ્યારે 16 નગરપાલિકામાં કોંગ્રેસનો વિજય થયો હતો તો NCPના ખાતામાં 1 નપા ગઈ હતી. જ્યારે BSP 1 અને ગઠબંધનના ખાતામાં 6 તેમજ અપક્ષનો 4 નગરપાલિકામાં વિજય થયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ