ગુજરાત વિધાનસભાની ચૂંટણીને લઇને ભાજપની રણનીતિ થશે તૈયાર, ગુજરાત આવી રહ્યા છે પ્રદેશ ભાજપ પ્રભારી ભૂપેન્દ્ર યાદવ
પ્રદેશ ભાજપ પ્રભારી ભૂપેન્દ્ર યાદવ આવશે ગુજરાત
આવતીકાલથી બે દિવસના ગુજરાત પ્રવાસે આવશે
CM ભુપેન્દ્ર પટેલ સહિત મંત્રી મંડળના સભ્યો સાથે બેઠક
ગુજરાત વિધાનસભાની ચૂંટણીનો ધમધમાટ શરુ થઇ ગયો છે. પીએમ મોદી સહિત અન્ય દેશમા વડાપ્રધાન પણ ગુજરાતની મુલાકાતે આવી રહ્યા છે. આરોગ્ય મંત્રી મનસુખ માંડવિયા, WHOના મહાનિર્દેશક તથા મોરેશિયસના પીએમ અને હવે બ્રિટનના પીએમ ગુજરાતના પ્રવાસે આવી રહ્યા છે. તો બીજી તરફ પીએમ મોદી ગુજરાતમાં વિકાસના કાર્યોનું લોકાર્પણ કરી રહ્યા છે. ત્યારે હવે વિધાનસભાની ચૂંટણીને લઇને ભાજપ દ્વારા રણનીતિ તૈયાર કરવા માટે ધમધમાટ શરુ કરાયો છે. આવતી કાલથી બે દિવસ પ્રદેશ ભાજપ પ્રભારી ભૂપેન્દ્ર યાદવ ગુજરાત આવશે.
પ્રભારીની મુખ્યમંત્રી નિવાસ સ્થાને બેઠક
પ્રદેશ ભાજપ પ્રભારી ભૂપેન્દ્ર યાદવ 21 એપ્રિલે ગુજરાત આવશે. તેઓ બે દિવસના ગુજરાત પ્રવાસે છે. પ્રભારીની મુખ્યમંત્રીના નિવાસ સ્થાને બેઠક મળશે. સીએમ ભૂપેન્દ્ર પટેલ સહિત મંત્રી મંડળના સભ્યો બેઠકમાં હાજરી આપશે. સંગઠનના હોદ્દેદારો સાથે બેઠક કરશે. વિધાનસભાની ચૂંટણીને લઇને ભાજપ દ્વારા રણનીતિ તૈયાર કરવામાં આવશે., મહત્વનુ છે કે ગુજરાતમાં નવી સરકાર બન્યા બાદ પહેલી વાર ભૂપેન્દ્ર પટેલ ગુજરાત આવી રહ્યા છે.
આવતી કાલે બ્રિટનના PM પણ ગુજરાતના મહેમાન
21 એપ્રિલે બોરિસ જ્હોન્સન આવી રહ્યા છે. તેઓ અમદાવાદથી ભારતના પ્રવાસની શરુઆત કરશે. 21 અને 22 એપ્રિલે બોરિસ જ્હોન્સન ભારતના મહેમાન બન્યા છે. સીએ ભૂપેન્દ્ર પટેલ દ્વારા બોરિસ જ્હોન્સનનું સ્વાગત કરવામાં આવશે.. બોરિસ જ્હોન્સન ગુજરાતમાં આવનારા પ્રથમ બ્રિટિશ પીએમ છે. તેઓના આગમનને લઇને ખાસ રોડ શો યોજાશે. 21મી એપ્રિલે સવારે આઠ વાગે તેઓ અમદાવાદ એરપોર્ટ પર આવશે. ત્યાંથી ગાંધી આશ્રમ સુધી રોડ શો યોજાશે. એરપોર્ટથી તાજ સર્કલ, કેમ્પ હનુમાન, ડફનાળા, સુભાષબ્રિજ થઈ ગાંધીઆશ્રમ પહોંચશે. રોડ શોને લઇને તંત્ર અને પોલીસ કામે લાગી ગયું છે. સમગ્ર રૂટ પર ગુજરાત અને ભારતીય સંસ્કૃતિને ઉજાગર કરતાં કાર્યક્રમ સ્ટેજ પણ બનાવવામાં આવશે.