નવાજૂનીના એંધાણ / ભાજપના દિગ્ગજ નેતા ગુજરાતમાં: CM ભૂપેન્દ્ર પટેલ સાથે બેઠક બાદ લેવાશે મોટો નિર્ણય

• ભૂપેન્દ્ર યાદવ 2 દિવસ ગુજરાતના પ્રવાસે
• બે દિવસ પ્રદેશ નેતાઓ સાથે કરશે બેઠક 
• PMના પ્રવાસ બાદ યાદવની મુલાકાત ઘણી સૂચક

ગુજરાત વિધાનસભાની ચૂંટણીનો ધમધમાટ શરૂ થઈ ગયો છે. PM મોદી સહિત અન્ય નેતા પણ ગુજરાતની મુલાકાતે આવી રહ્યાં છે. ત્યારે હવે વિધાનસભાની ચૂંટણી પૂર્વે ભાજપ દ્વારા રણનીતિ તૈયાર કરવા માટે ધમધમાટ શરૂ કરાયો છે. મહત્વનું છે કે, PM મોદીના પ્રવાસ બાદ યાદવની મુલાકાત ઘણી સૂચક ગણવામાં આવી રહી છે.  

ભૂપેન્દ્ર યાદવ બે દિવસ પ્રદેશ નેતાઓ સાથે કરશે બેઠક 

પ્રદેશ ભાજપ પ્રભારી ભૂપેન્દ્ર યાદવ બે દિવસના ગુજરાત પ્રવાસે છે. ત્યારે આજે  મુખ્યમંત્રીના નિવાસ સ્થાને બેઠક મળશે.જેમાં CM ભૂપેન્દ્ર પટેલ સહિત મંત્રી મંડળના સભ્યો બેઠકમાં હાજરી આપશે. આ બેઠકમાં સંગઠનના હોદ્દેદારો સાથે વિધાનસભાની ચૂંટણીને લઇને ભાજપ દ્વારા  રણનીતિ તૈયાર કરવામાં આવશે., મહત્વનુ છે કે ગુજરાતમાં નવી સરકાર બન્યા બાદ પહેલી વાર ભૂપેન્દ્ર પટેલ ગુજરાત આવી રહ્યા છે. 

આવતીકાલે કમલમ ખાતે હોદ્દેદારો સાથે કરશે બેઠક 

બીજી તરફ ભુપેન્દ્ર યાદવ આવતીકાલે કમલમ ખાતે ભાજપના હોદ્દેદારો સાથે બેઠક કરશે અને ખાલી પડેલા બોર્ડ અને નિગમોમાં નિમણૂંક મુદ્દે ચર્ચા કરી શકે છે. આ ઉપરાંત બોર્ડ અને નિગમમાં ચેરમેન-વાઈસ ચેરમેનનો તખ્તો તૈયાર કરી શકે છે. ઉલ્લેખનીય છે કે, PM મોદીના પ્રવાસ બાદ ભુપેન્દ્ર યાદવની મુલાકાત ઘણી સૂચક લાગી રહી છે. પ્રભારીના પ્રવાસ દરમિયાન ફાઇનલ મહોર લાગી શકે છે