દેશની સૌથી મોટી બેન્ક SBIના ગ્રાહકો માટે મોટા સમાચાર સામે આવ્યા છે, SBIએ કેટલાક નિયમોમાં ફેરફાર કર્યા છે.
SBIએ નિયમોમાં કર્યા ફેરફાર
રજીસ્ટર્ડ મોબાઇલ નંબરથી ચાલશે YONO ઍપ
અન્ય નંબરથી લોગ ઇન નહી કરી શકાય
બેન્કે કર્યા ફેરફાર
SBIએ પોતાના ગ્રાહકના અકાઉન્ટની સેફ્ટી માટે કેટલાક ફેરફાર કર્યા છે. હવે SBI યોનો એપ્લીકેશન પર ગ્રાહક તે જ ફોન નંબરથી લોગ ઇન કરી શકશે જે મોબાઇલ નંબર બેન્ક ખાતા સાથે કનેક્ટેડ હશે. આ પગલું ગ્રાહકોને ઓનલાઇન ફ્રોડથી બચાવવા માટે ઉઠાવવામાં આવ્યું છે.
SBIએ આપી જાણકારી
તમને જણાવી દઇએ કે પોતાના વેરિફાઇડ ટ્વિટર હેન્ડલથી બેન્કે માહીતી આપી છે કે ગ્રાહક નવા રજીસ્ટ્રેશન માટે તે જ ફોનનો ઉપયોગ કરે જે બેન્ક સાથે કનેક્ટેડ છે. જો તમે બીજા કોઇ નંબરથી પ્રયત્ન કરશો તો ટ્રાંજેક્શન નહી થઇ શકે.
SBIના પ્લેટફોર્મ યોનો અને યોનો લાઈટ માટે લોન્ચ કરવામાં આવ્યું છે. આ નવી સુવિધા દ્વારા ગ્રાહકોને સુરક્ષિત ઓનલાઇન બેંકિંગનો અનુભવ મળશે. SBI એ કહ્યું કે હવે તેની સાથે ઓનલાઈન બેંકિંગ પહેલાં કરતા વધુ સુરક્ષિત બની ગઈ છે. આ માટે ગ્રાહકોએ લેટેસ્ટ યોનો લાઈટ એપ ડાઉનલોડ કરવી પડશે. સિમ બાઇન્ડિંગ સુવિધા દ્વારા સિંગલ ડિવાઇસ લોગિન રજિસ્ટર્ડ મોબાઇલમાંથી માત્ર એક જ ડિવાઈસપર કરી શકાય છે. આ સાથે ઓનલાઈન બેંકિંગ સેવા પહેલાં કરતા વધુ સુરક્ષિત બની ગઈ છે. એપને અપડેટ કરવાની સાથે ગ્રાહકોએ વન ટાઈમ રજિસ્ટ્રેશન પ્રક્રિયા પણ પૂર્ણ કરવી પડશે.
આ રીતે SBI યોનો લાઈટ એપને એક્ટિવેટ કરો
ગૂગલ પ્લે સ્ટોર પરથી SBI યોનો લાઇટ એપ ડાઉનલોડ કરો અને રજિસ્ટર્ડ મોબાઇલ નંબર પસંદ કરો. આ પછી તમારી સ્ક્રીન પર એક મેસેજ આવશે. આમાં તમારે Proceed પર ક્લિક કરવાનું રહેશે. પછી એક SMS આવશે, જેમાં આપેલો કોડ દાખલ કરો. તે પછી સ્ક્રીન પર તમારું નામ અને પાસવર્ડ એન્ટર કરો. પછી ટર્મ એન્ડ કન્ડીશન સ્વીકાર્યા પછી ઓકે પર ક્લિક કરો. આ પછી તમને એક એક્ટિવેશન કોડ મળશે. આ કોડ 30 મિનિટ માટે સક્રિય રહેશે. એપ્લિકેશનમાં આ કોડ દાખલ કર્યા પછી, એક્ટિવેશન પ્રક્રિયા પૂર્ણ થશે. આ પછી તમે YONO લાઇટ એપનો ઉપયોગ કરી શકશો.