નિયમ / SBIએ આજથી લાગૂ કર્યો ATMથી રૂપિયા કાઢવાનો નવો નિયમ, OTP વિના નહીં નીકળે કેશ

• SBIએ આજથી લાગૂ કર્યો આ નવો નિયમ
• OTP વિના નહીં કાઢી શકાય કેશ
• રૂપિયા કાઢવાનું બન્યું વધારે સુરક્ષિત

આ નિયમ આજથી જ એટલે કે 18 સપ્ટેમ્બરથી લાગૂ થયો છે. સ્ટેટ બેંકે આ નિયમ પહેલાં લાગૂ કર્યો હતો પરંતુ આજથી તેને 24 કલાક માટે લાગૂ કરાશે. અત્યારના નિયમ અનુસાર ઓટીપી પ્રોસેસ રાતના 8થી સવારના 8 વાગ્યા સુધી માટે હતી. તેમાં એમાઉન્ટ એન્ટર કર્યા બાદ ઓટીપી સ્ક્રીન ખૂલતી અને અહીં તમારે મોબાઈલ પર આવેલો ઓટીપી ભરવાનો રહેતો હતો. આ પ્રક્રિયા પૂરી થયા બાદ જ ટ્રાન્ઝેક્શન કરી શકાતું હતું. 

OTP વિના નહીં કાઢી શકાય કેશ

જો કોઈની પાસે રજિસ્ટર્ડ મોબાઈલ નંબર નથી તો તે પોતાના એસબીઆઈ ડેબિટ કાર્ડથી એસબીઆઈ એટીએમ પર જઈને 10 હજારથી વધારે રૂપિયા કાઢી શકશે નહીં. એવામાં તેણે જલ્દી જ પોતાના અપડેટેડ નંબર રજિસ્ટર્ડ કરાવવાનો રહેશે. 

ATMથી કેશ કાઢવા મોબાઈલ સાથે લઈને જવો જરૂરી

SBIએ પોતાના ગ્રાહકોને કહ્યું છે કે તમે એસબીઆઈના કાર્ડનો ઉપયોગ કરી રહ્યા છો તો એસબીઆઈ એટીએમમાં જતા મોબાઈલ સાથે લઈ જાવ. આ વાતને સમજવાની જરૂર છે કે તમારા રજિસ્ટર્ડ મોબાઈલ નંબર પર ઓટીપી મોકલાશે. ઓટીપી નાંખ્યા બાદ જ તમે 10 હજાર કે તેનાથી વધારે રૂપિયા કાઢી શકશો. બેંકે આ માટે ગ્રાહકોને મેસેજ પણ કર્યા છે. 

શા માટે બેંકે નિયમ કર્યો લાગૂ

એસબીઆઈના જણાવ્યા અનુસાર એટીએમ ફ્રોડથી ગ્રાહકોને બચાવવા માટે સ્ટેટ બેંક ઓફ ઈન્ડિયાએ આખા દેશમાં ઓટીપી સેવા શરૂ કરી છે. નવા નિયમ આજથી લાગૂ થશે. આ નિયમ એસબીઆઈ ડેબિટ કાર્ડ હોલ્ડર્સ માટે છે.