જો તમે વિદેશ ફરવા જઈ રહ્યા છો તો તમે બેંક દ્વારા આપવામાં આવતું ટ્રાવેલ કાર્ડ ઈશ્યૂ કરાવી શકો છો. આ એક પ્રકારનું પ્રિપેડ ફોરેન કરન્સી કાર્ડ હોય છે. આ કાર્ડ હોય હોય તો વિદેશમાં પૈસાને લઇને કોઈ સમસ્યા ઊભી થતી નથી. SBI પણ આ પ્રકારનું ટ્રાવેલ કાર્ડ આપે છે.
બેંકનું કહેવું છે કે આ એક ચિપ બેઝ્ડ કાર્ડ છે, જેમાં કોન્ફિડેન્શિયલ જાણકારી સંપૂર્ણ રીતે સુરક્ષિત હોય છે. આ કેશ સાથે રાખવાનો સૌથી સુરક્ષિત વિકલ્પ છે. SBIનું આ કાર્ડ ભારત, ભૂતાન અને નેપાળ દેશને છોડીને દુનિયાભરમાં માન્ય છે.
આ કાર્ડથી આ દેશોની કરન્સી ઉપલબ્ધ થશે:
SBIનું ટ્રાવેલ કાર્ડ 8 દેશોની કરન્સી ઉપલબ્ધ કરાવે છે. તેમાં યુએસ ડોલર, પાઉન્ડ, કેનેડિયન ડોલર, ઓસ્ટ્રેલિયન ડોલર, જાપાની યેન, સાઉદી રિયાલ અને સિંગાપુર ડોલર સામેલ છે. SBIનું ટ્રાવેલ કાર્ડ વીઝા ઈન્ટરનેશનલ સાથે મળીને ઈશ્યૂ કરવામાં આવે છે. આ કાર્ડ 1.80 લાખ વીઝા ATM અને 28 લાખ મર્ચન્ટ એસ્ટાબ્લિશમેન્ટમાં સ્વીકારવામાં આવે છે.
કાર્ડ 1100 બ્રાન્ચમાંથી લઈ શકાય:
આ કાર્ડ SBIની 1100થી પણ વધુ બ્રાન્ચમાંથી લઈ શકાય છે. આ કાર્ડ વિદ્યાર્થીઓ, પર્યટકો, દર્શનાર્થીઓ, દર્દીઓને આપવામાં આવે છે. કોર્પોરેટ કસ્ટમર જેમ કે કંપની, સરકારી વિભાગ અને સરકારી ક્ષેત્રના ઉદ્યોગો માટે પણ આ કાર્ડ ઉપલબ્ધ છે.
આ કાર્ડ કોણ લઈ શકે?
- એવી કંપનીઓ જે પોતાના કર્મચારીને કંપનીના સત્તાવાર કામ માટે વિદેશ મોકલી રહી છે.
- માતાપિતા અથવા કોઈપણ પ્રાયોજક પણ ઉચ્ચ શિક્ષણ માટે બાળકને વિદેશમાં મોકલે છે, તેઓ પણ આ કાર્ડ લઈ શકે છે.
- ભારતમાં રહેતા વિદેશી નાગરિક આ કાર્ડ લઈ શકે છે.
કયા ડોક્યુમેન્ટ્સ જરૂરી છે?
- પાસપોર્ટના પહેલા અને છેલ્લા પાનાંની કોપી
- સ્ટેટ બેંક ફોરેન ટ્રાવેલ કાર્ડ (SBFTC) અને ફોર્મ A2ની અરજી
- પેન કાર્ડ અને ફોર્મ-60
- એડ્રેસ પ્રુફ
- મુસાફરી સાથે જોડાયેલા દસ્તાવેજ