ગુજરાત યુનિવર્સિટીએ સાયન્સ અને કોમર્સમાં પ્રવેશ માટે વેબસાઈટ પર રજિસ્ટ્રેશન શરૂ કરી દીધું.
ગુજરાત યુનિવર્સિટી દ્વારા સાયન્સ-કોમર્સમાં પ્રવેશ પ્રક્રિયાની શરૂઆત
વિદ્યાર્થીઓએ ગુજ. યુનિની વેબસાઈટ પર રજિસ્ટ્રેશન કરવાનું રહેશે
ગુજરાત યુનિવર્સિટીએ માત્ર ક્વિક રજિસ્ટ્રેશન જ શરૂ કર્યું
આખરે ગુજરાત યુનિવર્સિટીએ સાયન્સ અને કોમર્સમાં પ્રવેશની પ્રક્રિયા શરૂ કરી દીધી. એ માટે વિદ્યાર્થીઓએ ગુજરાત યુનિવર્સિટીની વેબસાઈટ પર રજિસ્ટ્રેશન કરવાનું રહેશે. જો કે, હાલ પૂરતું વિદ્યાર્થીઓએ માત્ર ક્વિક રજિસ્ટ્રેશન કરવાનું રહેશે. તમને જણાવી દઇએ કે, 37 સાયન્સ કોલેજોની 14 હજાર બેઠકો માટે અને કોમર્સની 40 હજારથી વધુ બેઠકો માટે રજિસ્ટ્રેશન કરવાનું રહેશે. ગુજરાત યુનિવર્સિટીએ માત્ર ક્વિક રજિસ્ટ્રેશન જ શરૂ કર્યું હોવાથી વિદ્યાર્થીઓ માત્ર માત્ર ક્વિક રજિસ્ટ્રેશન જ કરી શકશે. જો કે યુનિવર્સિટીએ રજિસ્ટ્રેશનની પ્રક્રિયાને લઇને કેટલાં રાઉન્ડ અને કઇ-કઇ તારીખો તેનો ઉલ્લેખ નથી કર્યો.
ધોરણ 10 અને 12ના પરિણામ બાદ યુનિવર્સિટીમાં પ્રવેશ પ્રક્રિયા શરૂ
ઉલ્લેખનીય છે કે, ગુજરાત બોર્ડનું ધોરણ 10 અને 12નું પરિણામ આવી ચૂક્યું છે, ત્યારે હવે સ્કૂલોમાં અને યુનિવર્સિટીઓમાં પ્રવેશ પ્રક્રિયા પણ શરૂ થઇ ગઇ છે. સ્કૂલમાં ધોરણ 11 માટે પ્રવેશ પ્રક્રિયા સ્કૂલ કક્ષાએ શરૂ થઈ ગઈ છે ત્યારે ગુજરાત યુનિવર્સિટીમાં કોમર્સ અને આર્ટ્સમાં પ્રવેશ પ્રક્રિયા આજથી શરૂ થઇ ગઇ છે. એ માટે વિદ્યાર્થીઓએ ગુજરાત યુનિવર્સિટીની વેબસાઈટ પર રજિસ્ટ્રેશન કરવાનું રહેશે.
ગુજરાત યુનિવર્સિટીએ એડમિશન કમિટી તૈયાર કરી
વધુમાં જણાવી દઇએ કે, ગત વર્ષની જેમ જ સરકારી એજન્સી દ્વારા જ એડમિશન પ્રક્રિયા કરવામાં આવશે. એડમિશન પ્રક્રિયા માટે વિવિધ એડમિશન કમિટી તૈયાર કરવામાં આવી છે, જેમાં અલગ-અલગ વિભાગના ડીન અને ફેકલ્ટીને જવાબદારી સોંપવામાં આવી છે.