અત્યારે નોકરીનો કોઈ ભરોસો નથી અને એમાં પણ કોરોના સંકટમાં જો તમે સારો ધંધો કરીને કમાણી કરવા માંગો છો તો ચાલો જાણી લો એક બેસ્ટ બિઝનેસ વિશે. જે લાખોની કમાણી કરાવશે.
નોકરીયાત લોકો માટે સારી તક
ધંધો કરવો હોય તો શરૂ કરો આ કામ
માત્ર 15 હજાર લગાવી કમાવો લાખો
આજે અમે તમને સેનેટરી પેડના બિઝનેસ વિશે જણાવી રહ્યાં છે. સેનેટરી પેડનો બિઝનેસ એક એવો બિઝનેસ છે કે જેની માંગ હંમેશા રહે છે. આ એક એવો બિઝનેસ છે કે જેની કોઈ સીઝન નથી હોતી. સાથે જ આ બિઝનેસ કરવા માટે તમને સરકારની મદદ પણ મળે છે. સેનેટરી યુનિટ લગાવવા માટે તમારે તમારા ખિસ્સામાંથી માત્ર 15,000 રૂપિયા કાઢવા પડશે.
સરકાર આપે છે મુદ્રા લોન
સેનેટરી નેપકિનનો વેપાર શરૂ કરવા માટે તમને સરકાર મુદ્રા સ્કીમ હેઠળલોન આપે છે. આ બિઝનેસથી પહેલાં તમે 1 લાખ 10 હજાર રૂપિયા સુધી કમાણી કરી શકો છો, ત્યારબાદ આગામી વર્ષોમાં તમારો નફો વધતો જશે.
સરકાર આપે છે 90 ટકા લોન
રોજના 180 પેકેટનું ઉત્પાદન કરતું યુનિટ લગાવાથી 1.45 લાખ રૂપિયાનો ખર્ચ થશે. 1.45 લાખના 90 ટકા એટલે કે 1.30 લાખ રૂપિયાની મુદ્રા સ્કીમ અંતર્ગત લોન લઈ શકાય છે બાકીના 15 હજાર રૂપિયા તમારે પોતાના ખિસ્સામાંથી કાઢવા પડશે.
સેનેટરી નેપકિનનો બિઝનેસ પ્રોજેક્ટ
સરકારે સેનેટરી નેપકિન બિઝનેસનો એક પ્રોજેક્ટ તૈયાર કર્યો છે. પ્રોજેક્ટ રિપોર્ટ અનુસાર, સેનેટરી નેપકિન યુનિટ માટે સોફ્ટ ટચ સીલિંગ મશીન, નેપકીન કોર ડાઈ, યૂવી ટ્રીટ યુનિટ, ડિફાઈબ્રેશન મશીન, કોર મોર્નિગ મશીન લગાવવું પડશે. જેનો ખર્ચ થશે 70,000 રૂપિયા આવશે. મશીન ખરીદ્યા પછી રો-મટિરિયલ જેવા કે વુડ પલ્પ, ટોપ લેયર, બ્રેકલેયર, રિલીઝ પેપર, ગમ, પેકિંગ કવરની વ્યવસ્થા કરવાની રહેશે. રો-મટિરિયલનો ખર્ચ 36,000 રૂપિયા થશે.
વર્ષમાં 1 લાખથી વધુનો નફો
એક વર્ષમાં 300 દિવસ તમારું મશીન ચાલે છે તો લગભગ 54,000 (180x300=54,000) સેનેટરી નેપકિનના પેકેટનું ઉત્પાદન કરી શકો છો. આટલા પેકેટના ઉત્પાદન પર વર્ષે 5.9 લાખનો ખર્ચ આવશે. સેનેટરી નેપકિનના એક પેકેટનો ભાવ 13 રૂપિયા છે તો આ હિસાબથી 7 લાખ રૂપિયા મળે તો 5.9 લાખ રૂપિયાના ખર્ચ પાછળ 7 લાખ રૂપિયા મળે તો 1 લાખ કરતા વધુનો ચોખ્ખો નફો દર વર્ષે થાય.
નાના રૂમથી કરી શકો છો આ બિઝનેસની શરૂઆત
આ બિઝનેસને શરૂ કરવા માટે કોઈ મોટી ફેક્ટરી કે શેડની જરૂર નથી. આ બિઝનેસ તમે એક નાના રૂમમાં પણ શરૂ કરી શકો છો. જો તમે સેનેટરી નેપકિનનો બિઝનેસ કરવા માંગો છો તો તમે માત્ર 16x16 ફૂટના રૂમમાં આ બિઝનેસ કરી શકો છો.