જો તમે કોઈ બિઝનેસની તલાશમાં છો તો અમે તમને એક ખાસ બિઝનેસ અંગે જણાવવા જઇ રહ્યાં છે. જેનાથી તમે લાખોની કમાણી કરી શકો છો. આ બિઝનેસની સૌથી ખાસ વાત એ છે કે તેને સ્ટાર્ટ કરવામાં સરકાર તમારી પૂરી મદદ કરશે.
શું તમે કોઈ બિઝનેસની તલાશમાં છો તો શરૂ કરો આ વેપાર
આ બિઝનેસ દ્વારા તમે લાખોની કમાણી કરી શકો છો
ખરીફ પાકની સિઝનમાં રાઈસ પ્રોસેસિંગ યુનિટ લગાવી શકો છો
અત્યારે ખરીફ પાક ઘરે લાવવા માટે તૈયાર છે. વર્તમાન સમયમાં ખરીફ 2021-22 માટે ડાંગરની ખરીદી શરુ થઇ ગઇ છે. તો તમે આ ખરીફ પાકની સિઝનમાં રાઈસ પ્રોસેસિંગ યુનિટ લગાવી સારી કમાણી કરી શકો છો. તો આવો જાણીએ રાઈસ પ્રોસેસિંગ યુનિટ અંગે વિસ્તૃતમાં.
આ ચીજ વસ્તુઓની પડશે જરૂર
ખાદી અને ગ્રામોદ્યોગ કમિશનના રિપોર્ટ મુજબ, રાઈસ પ્રોસેસિંગ યુનિટ ચાલુ કરવા માટે આશરે 1000 ચોરસ ફૂટના શેડની જરૂર પડે છે. ત્યારબાદ તમારે ડસ્ટ બોલર સાથે ડાંગર ક્લીનર, ડાંગર વિભાજક, ડાંગર ડાયસ્કર, ચોખા પોલિસ કરવાનું મશીન, બ્રાન પ્રોસેસિંગ સિસ્ટમ, એસ્પીરેટર ખરીદવુ પડશે. આ બધા પર આશરે 3 લાખ રૂપિયા ખર્ચ થઇ શકે છે. આ સિવાય વર્કિગ કેપિટલ તરીકે લગભગ 50 હજાર રૂપિયા મુકવા પડશે. કુલ મળીને આ બિઝનેસને શરૂ કરવા માટે 3.5 લાખ રૂપિયાની જરૂર પડશે.
સરકાર 90 ટકા સુધી કરશે મદદ
જો તમારી પાસે આટલા રૂપિયા નથી તો તમે 90 ટકા સુધી સરકાર પાસેથી લોન લઇ શકો છો. એટલે કે તમારી પાસે 35 હજાર રૂપિયા છે તો તમે આ યુનિટ લગાવવાની યોજના પર કામ કરી શકો છો. જો તમે લોન લેવા માંગો છો તો પ્રધાનમંત્રી એમ્પ્લોયમેન્ટ જનરેશન પ્રોગ્રામ હેઠળ લોન માટે એપ્લાય કરી શકો છો. આ સ્કીમ હેઠળ 90 ટકા સુધી લોન મળી જાય છે. એટલેકે તમારે તમારા તરફથી ફક્ત 35 હજાર રૂપિયા મુકવા પડશે.
કેટલી અને કેવીરીતે થશે કમાણી
KVIC ના પ્રોજેક્ટ રિપોર્ટ મુજબ, જો તમે 370 ક્વિન્ટલ રાઈસનું પ્રોસેસિંગ કરો છો તો તેના પ્રોડક્શનનો ખર્ચ આશરે 4.45 લાખ રૂપિયા આવશે. જો તમે બધો માલ આગળ વેચી નાખો છો તો તમારું કુલ વેચાણ આશરે 5.54 લાખ રૂપિયા હશે. એટલેકે તમારી કુલ કમાણી 1 લાખ રૂપિયાથી વધુ હશે.