નરેન્દ્ર મોદી સરકારે ગ્રામીણ યુવાનોને રોજગાર આપવા માટે એક મોટું પગલું ભર્યું છે. સરકારે કૃષિ મંત્રાલય હેઠળ સોઇલ હેલ્થ કાર્ડ સ્કીમ તૈયાર કરી છે. આ યોજના અંતર્ગત ગ્રામીણ યુવાનો અને કિસાનો કે જેમની ઉંમર 18થી 40 વર્ષની હોય તેઓ સોઇલ ટેસ્ટ લેબોરેટરીની સ્થાપના કરી શકે છે.
સરકાર દ્વારા સોઈલ ટેસ્ટ લેબોરેટરીની સ્થાપના માટે નવી સ્કીમ જાહેર કરાઈ
સરકારે કૃષિ મંત્રાલય હેઠળ સોઇલ હેલ્થ કાર્ડ સ્કીમ તૈયાર કરી છે
ગ્રામીણ યુવાનો અને કિસાનો સોઇલ ટેસ્ટ લેબોરેટરીની સ્થાપના કરી શકે છે
સોઇલ ટેસ્ટ લેબોરેટરી શરૂ કરવા માટે રૂ. 5 લાખનો ખર્ચ આવે છે, જે પૈકી સરકાર 75 ટકા એટલે કે રૂ. 3.5 લાખ ગ્રામીણ યુવાનો-કિસાનોને આપશે. આ યોજના હેઠળ જો સ્વયં સહાયતા ગ્રૂપ, કૃષિ સહકારી મંડળીઓ, કૃષક સમૂહો કે કૃષક ઉત્પાદક સંગઠન આ લેબોરેટરી સ્થાપિત કરશે તો તેમને પણ સહાયતા મળશે.
સરકાર દ્વારા જમીનની માટીના નમૂના લેવા, પરીક્ષણ કરવા અને સોઇલ હેલ્થ કાર્ડ ઉપલબ્ધ કરાવવા પ્રતિ સેમ્પલ રૂ.300 આફવામાં આવે છે. કૃષિપ્રધાનના જણાવ્યા અનુસાર લેબ બનાવવા રસ ધરાવતા યુવાન ખેડૂતો અથવા અન્ય સંગઠન જિલ્લાના સંયુક્ત કૃષિ નિયામકને અથવા તેમના કાર્યાલયમાં અરજી આપી શકે છે.
સોઇલ ટેસ્ટ લેબોરેટરીમાં વિવિધ સેવાઓ આપી શકાશે. આ બિઝનેસ શરૂઆતમાં નાના સ્તરે શરૂ કરી શકાય છે અને ત્યાર બાદ બિઝનેસનું વિસ્તરણ પણ કરી શકાય છે.