માંડો દોડવા / સરકારી નોકરીની તૈયારી શરૂ કરી દો:LRD ભરતી બોર્ડની રચના, આ તારીખથી થશે ઓનલાઈન અરજી

• LRD અને SRPમાં ભરતી માટે બોર્ડની રચના 
• 4 IPS અધિકારીઓની બોર્ડમાં નિમણૂક 
• IPS હસમુખ પટેલની અધ્યક્ષતામાં બોર્ડ 

ગુજરાત પોલીસ વિભાગ  દ્વારા લેવાનારી  LRD ભરતી માટે એક બોર્ડની રચના કરવામાં આવી છે. આ બોર્ડની રચના પોલીસ- વર્ગ-3 માટે કરવામાં આવી છે. LRD બરતી બોર્ડમાં 4 જેટલા IPSનો સમાવેશ કરવામાં આવ્યો છે. આ બોર્ડના અધ્યક્ષ IPS હસમુખ પટેલ રહેશે.આ ઉપરાંત, IPS વાબાંગ જમીર,IPS નીરજ બડગુજર,અને IPS લીના પાતીલ્નોઓ સમાવેશ કરવામાં આવ્યો છે. 4 IPS સાથે ગૃહ વિભાગના નાયબ સચિવનો પણ આ બોર્ડમાં સમાવેશ કરવામાં આવ્યો છે. પ્રવેશ ભરતી પરીક્ષા માટે 1 ઓક્ટોબરથી 21 ઓક્ટોબર સુધી on લાઈન અરજી કરવાની રહેશે. હથિયારધારી અને બિન હથિયારધારી LRD અને SRPમાં ભરતી કરવામાં આવશે.

માંડો દોડવા, શારીરિક કસોટી પહેલા થશે.

LRD અને SRPની ભરતી માટે સુત્રો દ્વારા મળતી માહિતિ મુજબ અંદાજે 11 હજારની આસ-પાસ ઉમેદવારોની ભરતી  કરવામાં આવશે  આ માટે એક ખાસ બોર્ડની રચના કરવામાં આવી છે. અને પોલીસ દળમાં જોડાવા ઈચ્છુક યુવાનોએ 21 ઓક્ટોબર સુધીમાં અરજી કરવાની રહેશે.એક  માહિતી પ્રમાણે આ વખતે પ્રવેશ પરીક્ષા શારીરિક કસોટીની લેવાશે.અત્યાર સુધીની તમામ પરીક્ષાઓમાં પહેલા લેખિત પરીક્ષા લેવાતી હતી. પરંતુ આ વર્ષે પહેલા શારીરિક કસોટીનાં માર્ક્સ તૈયાર થયા પછી તેમાંથી 8 ગણા ઉમેદવારોને લેખિત પરીક્ષામાં બોલાવાશે. શારીરિક કસોટી અને ત્યાર બાદ લેખિત પરીક્ષાના માર્ક્સ મળ્યા બાદ બે ગણા ઉમેદવારોને દસ્તાવેજ ચકાસણી માટે બોલાવવામાં આવશે. આમ LRDઅને SRPનીઆગામી દિવસોમાં યોજાનારી પરીક્ષા માટે બોર્ડની રચના થઇ ગઈ છે.

હવે, LRD અને SRPમાં જોડવા માંગતા યુવાઓએ પોતાના શારીરિક કૌશલ્ય પાછળ અત્યારથી જ મહેનત આરંભી દેવી જોઈએ.કારણકે, શારીરિક કસોટી પાસ કર્યા બાદ, તેના મેરીત્સ્ના આધારે જ તમારું આગળનું ભવિષ્ય નક્કી થશે.