જો તમે બિઝનેસ માટે કૃક્ષિક્ષેત્રમાં પોતાનું નસીબ અજમાવવા માંગો છો તો હવામાનના ભરોસે ચાલતી ખેતી સિવાય પણ અન્ય વિકલ્પ છે, જે તમારા નફાની ગેરંટી આપે છે. જેમાંથી એક છે મરઘીના ઉછેરનો વ્યવસાય.
નોકરી છોડીને 50,000 રૂપિયામાં શરૂ કરો આ બિઝનેસ
દર મહિને 1 લાખ રૂપિયાની કમાણી કરી શકો છો
બિઝનેસ પાછળ 1.5 થી 3.5 લાખ રૂપિયાની વચ્ચે ખર્ચ આવે છે
સૌપ્રથમ આવે છે રૂપિયાની વાત
જો તમે નાના પાયા પર પોલ્ટ્રી ફાર્મ શરૂ કરવા માંગો છો તો ઓછામાં ઓછો 50,000 રૂપિયાથી 1.5 લાખ રૂપિયાની વચ્ચે ખર્ચ આવશે. જો નાના સ્તરે એટલેકે 1500 મરઘીઓ સાથે લેયર ફાર્મિગની શરૂઆત કરો તો તમે 50 હજારથી 1 લાખ રૂપિયા દર મહિને કમાઈ શકો છો. જો આ બિઝનેસને વધુ મોટા પાયા પર સેટ કરવા માંગો છો તો લગભગ 1.5 લાખ રૂપિયાથી લઇને 3.5 લાખ રૂપિયાની વચ્ચે ખર્ચ આવે છે. પોલ્ટ્રી વ્યવસાય શરૂ કરવા માટે ઘણી ફાયનાન્શિયલ સંસ્થામાંથી બિઝનેસ લોન લઇ શકાય છે.
સરકાર આપશે 35 ટકા સબસિડી
પોલ્ટ્રી ફાર્મના બિઝનેસની લોન પર સબસિડી અંદાજે 25 ટકા હોય છે. તો SC ST વર્ગને પ્રોત્સાહન આપવા માટે આ સબસિડી 35 ટકા હોઇ શકે છે. ઉલ્લેખનીય છે કે, આ વેપારની ખાસિયત એ છે કે તેમાં અમુક રકમ જાતે લગાવવી પડે છે અને બાકીની બેંકમાંથી લોન મળી જશે.
આ રીતે કરો મરઘીના બિઝનેસનું પ્લાનિંગ
કમાણી ભલે સારી હોય. પરંતુ આ વ્યાપારમાં હાથ અજમાવતા પહેલા સારી રીતે ટ્રેનિંગ લેવી જરૂરી છે. 1500 મરઘીઓના ટાર્ગેટથી કામ શરૂ કરવાનુ હોય તો 10 ટકા વધારે મરઘીઓના બચ્ચા ખરીદવા પડશે. કારણકે અકાળ બિમારીને પગલે મરઘીઓને મરવાનો ખતરો હોય છે. દેશમાં ઈંડાના ભાવ વધ્વા માંડ્યા છે. ઓક્ટોબરની શરૂઆતથી જ ઈંડા 7 રૂપિયે વેચાઈ રહ્યાં છે. પરંતુ હેરાનીવાળી વાત એ છે કે ઈંડાના ભાવ વધવાની સાથે મરઘી પણ અમુલ્ય થઇ ગઇ છે.
મરઘીઓ ખરીદવાનું બજેટ 50 હજાર રૂપિયા
એક લેયર પેરેન્ટ બર્થની કોસ્ટ લગભગ 30 થી 35 રૂપિયા હોય છે. એટલેકે મરઘીઓ ખરીદવા માટે 50 હજાર રૂપિયાનું બજેટ મુકવુ પડશે. હવે તેને ઉછેરવા માટે અલગ-અલગ પ્રકારનું ખાવાનું ખવડાવવુ પડે છે. આ સાથે મેડિકેશન પર પણ ખર્ચો કરવો પડે છે.
20 અઠવાડિયાનો ખર્ચ 3-4 લાખ રૂપિયા
સતત 20 અઠવાડિયા સુધી મરઘીઓને ખવડાવવાનો ખર્ચ લગભગ 1 થી 1.5 લાખ રૂપિયા થશે. એક લેયર પેરેન્ટ બર્ડ એક વર્ષમાં લગભગ 300 ઈંડા આપે છે. 20 અઠવાડિયા બાદ તેના ખાવા-પીવા પર અંદાજે 3 થી 4 લાખ રૂપિયા ખર્ચ થાય છે.