તમારા કામનું / ગોવા જવા પેકિંગ શરૂ કરી દો! આ તારીખથી શરૂ થઈ રહ્યું છે વર્ષનું સૌથી મોટું ફેસ્ટિવલ, યુવાનોમાં છે જબરો ક્રેઝ

• ગોવામાં થશે એશિયાનો સૌથી મોટો સનબર્ન ફેસ્ટ 
• ફરવા જવાનો પ્લાન હોય તો 28 ડિસેમ્બરનો દિવસ છે બેસ્ટ 
• જાણો શું છે આ ફેસ્ટમાં ખાસ 

શિયાળો શરૂ થતાની સાથે જ દરેક વ્યક્તિ બરફીલા સ્થળોની મુલાકાત લેવાનું આયોજન કરવા લાગે છે. કેટલાકને બરફવાળી જગ્યાઓ ગમે છે તો કેટલાકને ફરવા માટે ગ્રીનરી હોય તેવી જગ્યાઓ પર જવું ગમે છે. 

પરંતુ તેમાંના કેટલાક એવા પણ છે જે શિયાળામાં ગોવાના સનબર્ન ફેસ્ટિવલની રાહ જોતા હોય છે. જી હા, જો તમે ગોવા જેવી જગ્યા પર જવા માટે આતુર છો તો તમારે આ ફેસ્ટિવલ વિશે સારી રીતે જાણી લેવું જોઈએ. 

28 ડિસેમ્બરથી શરૂ થશે મ્યુઝિક ફેસ્ટિવલ
વર્ષ પૂરું થવા જઈ રહ્યું છે અને એશિયાના સૌથી મોટા મ્યુઝિક ફેસ્ટિવલની પણ આ ડિસેમ્બર એટલે કે 28મીથી શરૂઆત થવા જઈ રહી છે. આ ત્રણ દિવસીય ઉત્સવમાં માત્ર દેશ જ નહીં વિદેશથી પણ લોકો આવે છે. તમે પણ આ તહેવાર વિશે જાણો છો.

આ ફેસ્ટિવલની ખાસિયત
મનોરંજનથી ભરપૂર ફેસ્ટિવલમાં ભાગ લેવા વિદેશીઓ પણ આવે છે. આ ફેસ્ટિવલની ખાસિયત એ છે કે આ ફેસ્ટિવલમાં લોકો આલ્કોહોલની મજા લેતા હજારો વોટના મ્યુઝિક પર નાચે છે. દેશ-વિદેશના ઘણા મોટા બેન્ડ અને ડીજે ગ્રુપ અહીં પહોંચે છે. રોક મ્યુઝિક ઉપરાંત યુવાનો અહીં લોકસંગીત પણ માણી શકે છે.

કઈ કઈ એક્ટિવિટીઝ હોય છે? 
આ સિવાય એક્વા રોલિંગ પણ છે. આ સાથે અહીં ટ્વિન સાઇકલિંગ પણ કરવામાં આવે છે, જેમાં પાર્ટનર એક ખાસ સાઇકલ પર સાથે સવારીનો આનંદ માણી શકે છે. તમને જણાવી દઈએ કે તમે સનબર્ન ફેસ્ટિવલમાં જમ્પિંગ કાસલ અને હોટ એર બલૂનની પણ ​​મજા માણી શકો છો. 

અહીં મ્યુઝિકથી લઈને મનોરંજન સુધી, ભોજનથી લઈને ખરીદી સુધી દરેક વસ્તુ જોવા મળશે. ટુમોરોલેન્ડ અને અલ્ટ્રા બાદ આ ફેસ્ટિવલને ત્રીજો સૌથી મોટો મ્યુઝિક અને ડાન્સ ફેસ્ટિવલમાં જોઈ શકાય છે. 

શા માટે થાય છે આ ફેસ્ટિવલ?
હકીકતમાં સનબર્ન ગોવા ત્રણ દિવસીય ઈલેક્ટ્રોનિક મ્યુઝિક પ્રોગ્રામ છે. જેમાં લોકો સંગીત, ડાન્સ, ફૂડને એન્જોય કરતા સેલિબ્રેટ કરે છે. આ ફેસ્ટિવલમાં દુનિયાના ઘણા કલાકારો આવે છે. સામાન્ય લોકો જ નહીં પરંતુ સેલિબ્રિટી પણ આ ફેસ્ટિવલ માટે અહીં આવવા ઉત્સુક હોય છે. 

આ ઉત્સવનો ઉદ્દેશ્ય ઉભરતા અને લોકપ્રિય કલાકારોને ચમકતા સ્ટાર્સ હેઠળ અને દરિયાકિનારાની શાંતિમાં તેમની પ્રતિભા દર્શાવવા માટે એક ઉત્તમ પ્લેટફોર્મ પૂરું પાડવાનો છે. આ તહેવારનો ક્રેઝ મોટાભાગે યુવાનોમાં જોવા મળે છે. જો તમે શિયાળામાં ગોવા જતા હોવ તો આ ફેસ્ટિવલમાં પણ અવશ્ય હાજરી આપો.

કયા બીચ પર થાય છે આયોજીત? 
સનબર્ન તેના 15મા એડિશન સાથે ડિસેમ્બર 2022માં ગોવા પરત ફરશે અને હંમેશની જેમ આ એડિશન પણ ધમાકેદાર બનવાની છે. આ ફેસ્ટ ગોવાના વોગાટોર બીચ પર યોજાવા જઈ રહ્યો છે. જ્યાં તમે સંગીતની સાથે સૂર્યાસ્તનો આનંદ લઈ શકો છો.

ફેસ્ટિવના ટિકિટની કિંમત કેટલી છે? 
28 ડિસેમ્બરથી 31 ડિસેમ્બર સુધી આયોજિત આ ફેસ્ટિવલ વાગાટોર બીચ પર યોજાવા જઈ રહ્યો છે. જ્યાં પ્રવેશ ટિકિટ 3000 રૂપિયાથી શરૂ થાય છે. જો તમે આ ફેસ્ટિવલમાં જવા માટે ઈન્ટ્રેસ્ટેડ છો તો સનબર્નની ઓફિશીય વેબસાઈટ પર જઈને ટિકિટ બુક કરી શકો છો.