આવક / કોરોના સંકટમાં જોરદાર કમાણી કરાવશે આ 1 બિઝનેસ, મોદી સરકાર પણ કરશે મદદ, નહીં કરવી પડે નોકરી

• કોરોના સંકટમાં કમાણી કરાવશે આ બિઝનેસ
• ઓછાં ખર્ચમાં શરૂ કરી શકો છો કામ
• સરકાર પણ કરી રહી છે મદદ

તમે આ બિઝનેસ મોદી સરકારની મદદથી ઓછાં ખર્ચે શરૂ કરી શકો છો અને થોડાં જ સમયમાં તમે આ બિઝનેસમાં સારી કમાણી કરવા લાગશો. આ બિઝનેસ છે માસ્ક બનાવવાનો. કોરોનાને કારણે બે પ્રકારના બિઝનેસમાં જોરદાર ઉછાળો જોવા મળ્યો છે. એક માસ્ક અને બીજો સેનિટાઈઝર. અત્યારે ઘણાં લોકો ઘરે માસ્ક બનાવીને પૈસા કમાવી રહ્યાં છે. ત્યારે તમે પણ ઘરે બેઠા આ કામ શરૂ કરીને લાખોની કમાણી કરી શકો છો. 

કપડાના માસ્કને મળી લીલી ઝંડી

કેન્દ્ર સરકારની એડવાઇઝરીમાં જણાવ્યું છે કે આરોગ્ય નિયામકશ્રીએ આરોગ્ય મંત્રાલયની વેબસાઇટ પર હોમમેડ માસ્કને સુરક્ષાત્મક કવરનો ઉપયોગ કરવાની સલાહ આપી છે. ત્યારબાદથી કાપડના માસ્ક બનાવવાનું કામ શરૂ થયું છે. માત્ર ઘરોમાં જ માસ્ક બનાવવાનું શરૂ નથી થયું, પરંતુ ઘણી મોટી ટેક્સટાઈલ કંપનીઓએ પણ ઈનહાઉસ સેટઅપનો ઉપયોગ કરીને ફેબ્રિક માસ્ક બનાવવાનું શરૂ કર્યું છે. દેશભરના બજારોમાં કાપડના માસ્ક વેચાવવાની સાથે જ ઘણાં દેશોમાં તેનું નિકાસ પણ કરવામાં આવી રહ્યું છે. આ દરમિયાન કાપડના માસ્કની ઘણી ડિઝાઇન પણ બજારમાં ઉપલબ્ધ છે.

ખાદી, કોટન અને રેઝા ફેબ્રિક માસ્કની વધુ માંગ છે

કાપડના માસ્કને સુરક્ષિત ગણાવ્યા પછી ઘણાં ફેશન ડિઝાઇનરો પણ આ કામમાં સામેલ થયા છે. આ દરમિયાન રેઝા ફેબ્રિક પર કામ કરતી એકમાત્ર ફેશન ડિઝાઇનર લલિતાએ જણાવ્યું કે કોટન, ખાદી અને રેઝા ફેબ્રિક માસ્કની માંગ વધી છે. તેણે પોતે ખાદી અને રેઝાના માસ્ક બનાવી દક્ષિણ ભારતનાં ઘણાં રાજ્યોમાં સપ્લાય કર્યા છે. લોકડાઉન અને ત્યારબાદથી ફેબ્રિકનું મોટાભાગનું કામ માસ્ક પર જ કરવામાં આવ્યું છે.

લાખોમાં થઈ રહી છે કમાણી

મધ્યપ્રદેશ રાજ્ય ગ્રામીણ આજીવિકા મિશન કટનીના માધ્યમથી સ્વ-સહાય સમૂહો સાથે સંકળાયેલી મહિલાઓ માસ્ક બનાવીને લાખોની કમાણી કરી રહી છે. રાજ્ય ગ્રામીણ આજીવિકા મિશન કટનીના તમામ વિકાસ બ્લોકના 23 સ્વ-સહાય જૂથોની 157 મહિલાઓ દ્વારા તૈયાર કરાયેલા 68,365 માસ્કને વિવિધ ગ્રામ પંચાયતોમાં વિતરણ કરવામાં આવ્યા હતા. આ માસ્કને 8 રૂપિયા પ્રતિ માસ્કના દરે વેચવાથી જૂથને 5,46,920 રૂપિયાની આવક થઈ. એટલે કે આ બિઝનેસ તમારા માટે નફાકારક સાબિત થઈ શકે છે.

સરકાર મદદ કરશે

બિઝનેસ શરૂ કરવા માટે રૂપિયાની સમસ્યા હોય, તો તમે પ્રધાનમંત્રી મુદ્રા યોજનાથી લોન લઈ શકો છો. તમે પ્રધાનમંત્રી યોજના અંતર્ગત 50,000 રૂપિયાથી 10 લાખ રૂપિયા સુધીની લોન માટે અરજી કરી શકો છો.