પ્રોત્સાહન / પોતાનો ધંધો શરૂ કરવા મોદી સરકાર PMEGP યોજનામાં આપે છે 25 લાખ, જાણો કઈ રીતે કરશો એપ્લાય

• શું તમે તમારો નવો ધંધો શરૂ કરવા માંગો છો?
• ધંધો શરૂ કરવા માટે લોન મળતી નથી
• સરકારની યોજના હેઠળ તમને 25 લાખ રૂપિયાની લોન મળશે

રોજગાર શરૂ કરવા માટે તમને મળશે 25 લાખ રૂપિયાની લોન

દેશમાં જ્યારથી મોદી સરકાર સત્તામાં આવી છે ત્યારથી તે દરેક સેક્ટરનું ખાનગીકરણ કરવામાં લાગી ગઇ છે. એવામાં દેશમાં સરકારી નોકરી મેળવવુ મુશ્કેલ થઇ ગયુ છે. તો ખાનગી સેક્ટરની હાલત એટલી ખરાબ થઇ ગઇ છે કે ત્યાં કામનો કોઈ સમય નથી અને રજા પણ મળતી નથી અને અમુક જગ્યાએ તો માહોલ એટલો ખરાબ છે કે કર્મચારીના ખાતામાં સમય પ્રમાણે પગાર પણ આવતો નથી. તેથી દેશના યુવાનો સ્ટાર્ટઅપ અથવા સ્વરોજગાર માટેના અવસર તલાશી રહ્યાં છે. જો તમે પણ પોતાનો કોઈ રોજગાર શરૂ કરવા ઈચ્છો છો. પરંતુ તમારી સામે રૂપિયાની મુશ્કેલી આવી રહી છે તો મોદી સરકારની પ્રધાનમંત્રી રોજગાર સર્જન યોજના હેઠળ તમે 25 લાખ રૂપિયાની લોન લઇ શકો છો. યોજનાનો લાભ લેવા માટે પહેલા આ અંગે જાણવુ ખૂબ જરૂરી છે. તો ચાલો જાણીએ કે તમે આ યોજનાનો લાભ કેવીરીતે ઉપાડી શકો છો. 

કોણ લઇ શકે છે આ યોજનાનો લાભ

1. આ યોજનાનો લાભ દેશના બધા નાગરિકો લઇ શકે છે.
2. જેના માટે લાભાર્થીની ઉંમર 18 વર્ષથી વધુ હોવી જોઈએ.
3. આ યોજના હેઠળ 10 થી 25 લાખ સુધીની લોન આપવામાં આવે છે.
4. કોઈ પણ પ્રકારનો ઉદ્યોગ શરૂ કરવા માટે આ યોજનાનો લાભ લઇ શકો છો. 
5. દેશની બધી બેન્ક આ યોજના હેઠળ લોન આપે છે.
6. યોજના હેઠળ ગ્રામ્ય ક્ષેત્રોના સામાન્ય વર્ગના નાગરિક માટે 25 ટકા જ્યારે શહેરી ક્ષેત્રના નાગરિકો માટે 15 ટકાની સબસિડી આપવામાં આવે છે. 

આ રીતે કરો અરજી

1. અરજી માટે તમારે સત્તાવાર વેબસાઈટ http://www.kviconline.gov.in/ પર જવુ પડશે. ત્યારબાદ હોમ પેજ પર PMEGP યોજના પર ક્લિક કરો. 
2. ત્યારબાદ પ્રધાનમંત્રી રોજગાર સર્જન કાર્યક્રમ યોજના પોર્ટલ ખુલશે. Online Application Form For Individual પર ક્લિક કરો. જો તમે Non Individual ફોર્મ ભરવા માંગો છો તો આપવામાં આવેલા Online Application Form For Non Individual પર ક્લિક કરો.
3. હવે તમારી સામે અરજી ફોર્મ ખુલશે. અરજી ફોર્મમાં માંગવામાં આવેલી જાણકારીઓને સારી રીતે ભરો. ત્યારબાદ Save Applicant Data પર ક્લિક કરો. ત્યારબાદ તમારી અરજી પૂર્ણ થઇ જશે. અરજી પૂર્ણ થતા જ તમને યુઝર આઈડી અને પાસવર્ડ મળી જશે.