તારક મહેતા કા ઉલ્ટા ચશ્મામાં જ્યારથી દયાબેન નથી ત્યારથી શોમાં કંઇ ખૂટતુ હોય તેવું જ લાગ્યા કરે છે. મેટરનીટી લીવ પર ગયેલી દિશા વાકાણી આજ સુધી શોમાં પરત નથી ફરી.
2017માં જ્યારે દિશાએ શો છોડ્યો ત્યારે તે મેટરનીટી લીવ પર ગઇ હતી અને તે પોતાની દીકરી સાથે સમય વિતાવવા માંગતી હતી માટે તેણે આટલો લાંબો બ્રેક લીધો હતો પરંતુ છેલ્લા ઘણા સમયથી અફવા સામે આવી છે કે દિશા શોમાં પરત ફરવાની છે. હવે તે પરત ફરે છે કે નહી તે તો પ્રોડ્યુસર જ જાણે પરંતુ દિશાની દીકરી જેનું નામ તેણે સ્તુતિ રાખ્યુ છે તે ખુબ જ ક્યુટ છે.
શોમાં તમે આટલા વર્ષ સુધી ટપૂને જેનો દિકરો સમજતા આવ્યા છો તે દિશા વાકાણીની દીકરી સ્તુતિને એકવાર જોશો તો જોયા જ કરવાનું મન થશે તે તેવી ક્યુટ છે. દિશાએ મુંબઇના CA મયુર પડિયા સાથે લગ્ન કર્યા અને તેની એક દીકરી છે જેની તસવીર જોઇને તમને વ્હાલ આવશે.
2017માં આપ્યો દીકરીને જન્મ
દિશા વાકાણીએ 2015માં લગ્ન કર્યા અને 2017માં તેણે દીકરી સ્તુતિને જન્મ આપ્યા હતા અને તે બાદ જ તેણે તારક મહેતા...શોને ગુડબાય કહી દીધુ હતુ. તેણે માત્ર રજા જ લીધી હતી પરંતુ તેની રજા ખુબ લાંબી ચાલી અને તેણે શો છોડી દેવાનો નિર્ણય કરી લીધો હતો.
7 જૂન 2018ના રોજ દિશાએ તેની દીકરીની પહેલી ઝલક ફેન્સ સાથે શૅર કરી હતી અને દિશા પોતાના પતિ સાથે દીકરીને આશીર્વાદ અપાવવા માટે તિરુપતિ બાલાજી મંદિર લઇ ગઇ હતી.
દિશાની દીકરીની તસવીરો સોશ્યલ મિડીયા પર વાયરલ થતી રહે છે અને એક ફેમિલી ફંક્શનમાં પણ દિશા અને સ્તુતિ નજર આવ્યા હતા તે તસવીરો ખુબ વાયરલ થઇ હતી. દિશા વાકાણી નાના પરદાથી હમણા દૂર છે પરંતુ તેણે જે છાપ છોડી છે તે બાદ હવે નવી દયા દર્શકોના દિલમાં જગ્યા બનાવી શકે કે કેમ તે ડાઉટને લઇને કદાચ મેકર્સ નવી દિશાને લાવી રહ્યાં નથી.