કમાણી / કોઈ જ કામ ન હોય તો આ રીતે શરૂ કરો કાર વોશિંગનો બિઝનેસ, 25 હજાર ખર્ચીને દર મહિને 50 હજારની કમાણી થશે

• માત્ર 25 હજાર લગાવીને તમે દર મહિને 50 હજાર
• આ બિઝનેસ કરશો તો પૈસાની કમી નહીં થાય
• ફટાફટ શરૂ કરી દો કામ

આજે અમે તમે કાર વોશિંગના બિઝનેસ વિશે જણાવી રહ્યાં છે. કાર વોશિંગ માટે પ્રોફેશનલ અથવા કોમર્શિયલ મશીનો 1 લાખ રૂપિયા સુધી આવે છે, પરંતુ જ્યાં સુધી તમારો ધંધો સેટ ન થાય જાય અને મશીનનો ખર્ચ ન નીકળે ત્યાં સુધી આ મશીનો વસાવવી નહીં. માર્કેટમાં કોમર્શિયલ મશીનો 12 હજાર રૂપિયાથી પણ શરૂ થઈ જાય છે. તેમાં બે હોર્સ પાવરની મોટર લગાવી લેવામાં આવે તો લગભગ 14 હજાર રૂપિયામાં પડી જશે. જેમાં પાઈમથી લઈને નોઝલ બધું જ સામેલ છે. આ સિવાય તમારે 30 લીટરનું વેક્યૂમ ક્લીનર લેવું પડશે જે લગભગ 9થી 10 હજાર રૂપિયામાં આવશે. વોશિંગનો સામાન જેમ કે શેમ્પૂ, ગ્લોવ્સ, ટાયર પોલિશ અને ડેશબોર્ડ પોલિશની પાંચ લીટરનું કેન એમ બધું મળીને 1700 રૂપિયા થશે. 

આ વાતનું રાખો ધ્યાન

કાર વોશિંગ સેન્ટર ખોલવા માટે સૌથી પહેલાં તમારે એક સારું લોકેશન જોઈશે. જ્યારે સોસાયટી હોય કે પછી કારથી જોડાયેલી માર્કેટ, કારણ કે અહીં લોકોની અવરજવર હોય છે. શોપ એવી લો કે જ્યાં પાર્કિંગ સ્પેસ હોય અને ગાડીઓ સરળતાથી મૂકી શકાય. પોતાની શોપ હોય તો બહુ સારું નહીંતર તમે મિકેનિકની સાથે અડધાં ભાડામાં કામ શરૂ કરી શકો છો. આનાથી તમને એ વિસ્તારમાં કેવો રિસ્પોન્સ મળે છે એ પણ જાણવા મળી જશે. 

આ રીતે થશે કમાણી

કાર વોશિંગનો ચાર્જ શહેરો પર આધાર રાખે છે. નાના શહેરોમાં હેચબેક કાર જેમ કે અલ્ટો, વેગનઆર, ક્વિડની વોશિંગ 150 રૂપિયામાં થઈ જાય છે જ્યારે મોટા શહેરોમાં 250 રૂપિયા સુધી ચાર્જ લેવામાં આવે છે. જ્યારે સિડાન કારો માટે 350 અને એસયૂવી માટે 450 રૂપિયા સુધી ચાર્જ લેવામાં આવે છે.