કૉફી કંપનીએ એક દિવસ કામ પર ત્રણ મિનિટ મોડુ આવવાનુ કારણ આપીને નોકરીમાંથી કાઢવાની જાહેરાત કરી દીધી. કંપનીએ આ પગલું એવા સમયે ઉઠાવ્યું છે, જ્યારે પહેલા જ કર્મચારીઓ સાથે તેના સંબંધો સારા નથી.
આ અમેરિકન કંપનીમાં મચી બબાલ
કંપનીમાં એક મહિલા કર્મચારી ત્રણ મિનિટ આવી મોડી
મહિલા કર્મચારી મોડા આવતા કંપનીએ નોકરીમાંથી કાઢી મુકી
સ્ટારબક્સ હવે નવા વિવાદમાં ફસાઈ
અમેરિકામાં સ્ટારબક્સના 200થી વધુ સ્ટોર્સના કર્મચારીઓએ લેબર યુનિયન બનાવવાના પક્ષમાં મત આપ્યાં છે. તો સ્ટારબક્સ લેબર યુનિયનની રચનાનો વિરોધ કરી રહી છે. કૉફી ચેન ચલાવતી અમેરિકન કંપની સ્ટારબક્સનો વિવાદથી પીછો છૂટતો નથી. લેબર યુનિયન બનાવવાની માંગને લઇને કર્મચારીઓ સાથે મતભેદ થયા બાદ હવે કંપની નવા કારણે વિવાદમાં આવી છે. સ્ટારબક્સે તેની એક મહિલા કર્મચારીને બસ આ કારણે નોકરીમાંથી કાઢી મુકી છે કે તે કામના સમયે આવવામાં માત્ર ત્રણ મિનિટ લેટ થઇ ગઇ હતી.
કર્મચારીઓ કરી રહ્યાં છે લેબર યુનિયનની માંગ
બીબીસીના એક રિપોર્ટ મુજબ સ્ટારબક્સે જે કર્મચારીને નોકરીમાંથી કાઢી મુકી છે, તેનુ નામ જોસેલિન ચુકિલાંકી છે. જોસેલિન છેલ્લાં સાત વર્ષથી સ્ટારબક્સમાં કામ કરી રહી હતી. મહિલાને કોફી કંપનીએ એક દિવસ કામ પર ત્રણ મિનિટ મોડા આવવાનુ બહાનુ ધરીને નોકરીમાંથી કાઢી મુકવાનુ ફરમાન સંભળાવી દીધુ. કંપનીએ આ પગલું એવા સમયે ઉઠાવ્યું છે, જ્યાં પહેલા કર્મચારીઓની સાથે તેના સંબંધો સારા નથી. અમેરિકામાં સ્ટારબક્સના 200થી વધુ સ્ટોર્સના કર્મચારીઓએ લેબર યુનિયન બનાવવાના પક્ષમાં મત આપ્યાં છે. તો સ્ટારબક્સ લેબર યુનિયનની રચનાનો વિરોધ કરી રહી છે.
જોસેલિનને ભારે પડ્યુ આ કામ
બીબીસીના રિપોર્ટ મુજબ 28 વર્ષની જોસેલિનને સ્ટારબક્સની પોતાની નોકરી પસંદ હતી. તેને આ નોકરી કર્યા બાદ ભત્રીજીની સારસંભાળ રાખવાનો પૂરતો સમય મળતો હતો. જો કે, જોસેલિનને પહેલી વખત કોરોના મહામારી દરમ્યાન કંપનીની સિક લીવ પોલિસી સાથે સમસ્યા થઇ હતી ત્યારથી કંપનીના સાથી કર્મચારીઓ લેબર યુનિયન બનાવવના પક્ષમાં ભેગા થયા હતા. જોસેલિનને નોકરીમાંથી કાઢવાના કંપનીના પગલાને તેની સાથે જોડવામાં આવે છે.