જાણીતો એક્ટર એંડ્રૂ જૈકની પત્નીએ 2 દિવસ પહેલા સોશ્યલ મીડિયા પર એક પોસ્ટ શૅર કરીને કોરોના પોઝિટિવ હોવાની જાણકારી આપી હતી.
ચીનમાં શરૂ થયેલો કોરોના વાયરસ હવે દુનિયાભરમાં ફેલાઇ ગયો છે. આ વાયરસની ચપેટમાં લોકો આવી રહ્યા છે અને સતત લોકોના મૃત્યુ થઇ રહ્યા છે. આ વાયરસની ચપેટમાં સામાન્ય માણસોથી લઇને તમામ વર્ગના લોકો પ્રભાવિત થઇ રહ્યા છે. તાજેતરમાં આ વાયરસનો શિકાર થતા જાણીતા એક્ટરની મૃત્યુ થઇ.
જી હા અમે વાત કરી રહ્યા છે સ્ટાર વૉર્સની જેવી ફિલ્મોમાં જોવા મળેલા હોલિવુડ એક્ટર એંડ્રૂ જૈકની, જોકે ચોંકાવનારી વાત છે કે 2 દિવસ પહેલા જ તેમણે કોરોના પોઝિટિવ હોવાના સમાચાર આપ્યા હતા, જે પછી તેમના મૃત્યુની જાણકારી સામે આવી છે.
એન્ડ્રૂ જૈકની ઉંમર 76 વર્ષની હતી. 2 દિવસ પહેલા જ તેમનો કોરોના વાયરસનો રિપોર્ટ પોઝિટીવ આવ્યો હતો. એક રિપોર્ટ મુજબ કોરોના વાયરસના કારણે બ્રિટનમાં એન્ડ્રૂનું નિધન થયું છે. એક્ટર અને ડાયલેક્ટ કોચ રહી ચૂકેલા એન્ડ્રૂના એજન્ટ જિલ મૈક્લફે સ્ટેટમેન્ટ જાહેર કરીને આ અંગે જાણાકારી આપી હતી. તેમણે જણાવ્યું હતું કે મંગળવારે એન્ડ્રૂની Surrey હોસ્પિટલમાં નિધન થયું હતું.
મૈક્લફ જણાવ્યું કે, તે ટેમ્સની સૌથી જૂની હાઉસબોટ રહ્યા હતા. આ ઉંમરે પણ તે કોઇના પર નિર્ભર નહતા. પણ પોતાની પત્નીથી ખૂબ જ પ્રેમ કરતા હતા. એક્ટિંગ સાથે તેમણે ડાયલેક્ટ કોચ તરીકે પણ કામ કર્યું છે. તે 'સ્ટાર વોર્સ'ની સીરિઝનો ભાગ રહી ચૂક્યા છે.
એન્ડ્રૂના નિધન પર ઓસ્ટ્રેલિયામાં ક્વારંટાઇનમાં રહી રહેલી તેમની પત્નીએ ઇન્સ્ટાગ્રામ પોસ્ટ પર એક ઇમોશનલ પોસ્ટ મૂકી છે. તેણે લખ્યું કે એન્ડ્રૂ જૈકને બે દિવસ પહેલા જ કોરોના વાયરસનો રિપોર્ટ પોઝિટીવ આવ્યો હતો. તેમને કોઇ રીતનું દુખ નથી સહન કરવું પડ્યું. આ સમયે તેમના તમામ ફેમીલી મેમ્બર્સ પ્રાર્થના તેમની સાથે છે. એન્ડ્રૂના નિધનથી તેના ફેન્સ પણ સોશ્યલ મીડિયામાં તેમની આત્માની શાંતિ માટે પ્રાર્થના કરી રહ્યા છે.