ક્રિકેટ / વેસ્ટ ઈન્ડીઝ સિરિઝ પહેલા ટીમ ઈન્ડીયાને ઝટકો, સ્ટાર બેટ્સમેન થયો કોરોના પોઝિટીવ, રમવા પર સસ્પેન્સ

• ટીમ ઈન્ડિયાના સ્ટાર બેટ્સમેન કેએલ રાહુલ કોરોના પોઝિટિવ 
• રાહુલમાં કોરોનાના હળવા લક્ષણો
• આવતીકાલથી શરુ થઈ રહી છે વેસ્ટઈન્ડીઝ સામે સિરિઝ 
• રાહુલ વેસ્ટ ઇન્ડીઝ સામેની ટી-20 શ્રેણીમાં સામેલ છે

વેસ્ટ ઈન્ડીઝ સિરિઝ માટે ટીમ ઈન્ડીયાની જાહેરાત કરી દેવાઈ છે અને તેમાં કેએલ રાહુલને સમાવાયો છે પરંતુ તે પહેલા ટીમ ઈન્ડીયાને એક ઝટકો લાગ્યો છે, કેએલ રાહુલ કોરોના પોઝિટીવ આવ્યો હોવાથી હવે તે વેસ્ટ ઈન્ડીઝ સામે રમશે કે નહી તે અંગે સસ્પેન્સ પ્રવર્તી રહ્યું છે.  રાહુલ હાલ નેશનલ ક્રિકેટ એકેડમી (એનસીએ)માં રિહેબિલિટેશનમાંથી પસાર થઈ રહ્યો હતો. રાહુલને વેસ્ટ ઇન્ડીઝ સામેની ટી-20 શ્રેણી માટેની ટીમમાં સામેલ કરવામાં આવ્યો હતો. જોકે તેની હાજરીનો મદાર ફિટનેસ ટેસ્ટ પર રહેશે.રાહુલે જર્મનીમાં એક સફળ ઓપરેશન કર્યું હતું, જે પછી તે સ્વદેશ પરત ફર્યો હતો. નીતિન પટેલની દેખરેખમાં રાહુલ બેંગલુરુના એનસીએમાં રિહેબિલિટેશન કરાવી રહ્યા હતા. હાલમાં જ એક વીડિયો વાયરલ થઈ રહ્યો હતો જેમાં ભારતીય મહિલા ક્રિકેટ ટીમની દિગ્ગજ ખેલાડી ઝુલન ગોસ્વામી નેટ્સમાં કેએલ રાહુલને બોલિંગ કરતી જોવા મળી હતી.

Kl Rahul tested positive for #COVID19, confirms BCCI President Sourav Ganguly

(file photo) pic.twitter.com/xqnVs8HlA8

— ANI (@ANI) July 21, 2022

આગામી ટી-20 વર્લ્ડ કપમાં રાહુલ મહત્વની ભૂમિકા ભજવશે 
કેએલ રાહુલ તાજેતરના વર્ષોમાં ભારતના સૌથી સફળ બેટ્સમેનોમાંના એક છે અને ઓસ્ટ્રેલિયામાં યોજાનારા આગામી ટી-20 વર્લ્ડ કપમાં તે મહત્વની ભૂમિકા ભજવશે તેમ મનાય છે. 30 વર્ષીય ખેલાડીએ તેની આઠ વર્ષની આંતરરાષ્ટ્રીય કારકિર્દીમાં ભારત માટે 42 ટેસ્ટ, 42 વન-ડે અને 56 ટી-20 ઈન્ટરનેશનલમાં ભાગ લીધો છે.

Star India batter K L Rahul tests positive for COVID-19

— Press Trust of India (@PTI_News) July 21, 2022

29 જુલાઈથી યોજાશે ટી-20 સીરીઝ

વેસ્ટ ઇન્ડીઝ પ્રવાસ પર ભારતીય ટીમને શિખર ધવનની કેપ્ટનશિપમાં ત્રણ મેચની વન-ડે સિરીઝ રમવાની છે. આ પછી પાંચ મેચની ટી-20 શ્રેણી રમાશે. 29 જુલાઈએ બ્રાયન લારા ક્રિકેટ એકેડમી (પોર્ટ ઓફ સ્પેન)માં પ્રથમ ટી-20 રમાશે. ત્યાર બાદ બીજી અને ત્રીજી ટી-20નું આયોજન વોર્નર પાર્કમાં થશે. આખરી બે ટી-20 તારીખ 6 અને 7 ઓગસ્ટે ફ્લોરિડાના લાઉડરહિલ ખાતે રમાશે.

ભારતના વેસ્ટ ઇન્ડીઝ પ્રવાસનો કાર્યક્રમઃ

22 જુલાઈ પ્રથમ વન-ડે, પોર્ટ ઓફ સ્પેન
24 જુલાઈ બીજી વનડે, પોર્ટ ઓફ સ્પેન
27 જુલાઈ, ત્રીજી વન-ડે, પોર્ટ ઓફ સ્પેન

29મી જુલાઈ પ્રથમ ટી-20, પોર્ટ ઓફ સ્પેન
1લી ઓગસ્ટ બીજી ટી-20, સેન્ટ કિટ્સ એન્ડ નેવિસ
બીજી ઓગસ્ટ ત્રીજી ટી-20, સેન્ટ કિટ્સ એન્ડ નેવિસ
6 ઓગસ્ટ ચોથી ટી-20, ફ્લોરિડા
7મી ઓગસ્ટ 5મી ટી-20, ફ્લોરિડા 5મી ટી-20, ફ્લોરિડા