પ્રચાર / જૂનાગઢમાં સભા સંબોધતા હાર્દિક પટેલે કોંગ્રેસના ઉમેદવાર મહેન્દ્ર ઢોલરિયાએ ભાજપમાંથી ફોર્મ ભરતા કર્યા પ્રહાર

• જૂનાગઢમાં હાર્દિક પટેલે સભા સંબોધી 
• ભાજપ પર પ્રહાર કર્યા
• કોંગ્રેસને જીતાડવા અપીલ કરી 

મજેવડી ખાતેની સભામાં મોંઘવારીના મુદ્દા અને ખેડૂતોના  મુદ્દાને હથિયાર બનાવી કોંગ્રેસને મત આપવા અપી ભાજપની તાનાશાહીમાંથી મુક્ત થવા અને કોંગ્રેસને મત આપી જીતાડવા અપીલ કરી હતી. હાર્દિકે કહ્યું કે, ભાજપ બેન્ડેડ બેન્ડેડની જે ગેમ રમી એ ભાજપની સરકાર હોવાથી સત્તાનો દુરુપયોગ કરી રહી છે. હાર્દિકે હવે સ્થાનિક સ્વરાજ્યની ચૂંટણીમાં કોંગ્રેસને જીતાડવા અપીલ કરી.

મજેવડીમાં કોંગ્રેસ ઉમેદવાર મહેન્દ્ર ઢોલરિયા કે જેમણે કોંગ્રેસમાં ફોર્મ ભર્યાના કલાકની અંદર ભાજપમાં ઉમેદવારી નોંધાવી તેને લઇને પ્રહાર કાર્યા. દોષિત ગણાવી અને હવે એ ભૂલનું પ્રાયશ્ચિત અપક્ષના ઉમેદવાર કે જેને કોંગ્રેસને ટેકો પુરાવ્યો છે તેને મત આપી જીતાડવાવા અપીલ કરી છે. ત્યાં સુધી કહ્યું કે ભાજપ છે તે ફૂટ નીતિથી કોંગ્રેસના ઉમેદવાર પક્ષ પલટો કરાવે છે, આવા આકરા પ્રહારો સાથે કોંગ્રેસ ધારાસભ્ય  હવે કોંગ્રેસને જીતાડવા સભા સંબોધી હતી.

મજેવડીમાં કોંગ્રેસ ઉમેદવાર તરીકે બેન્ડેડ આપેલ ઉમેદવાર ભાજપમાં એકજ કલાકમાં ભાજપનું ફોર્મ ભર્યું હતું

જૂનાગઢ જિલ્લા પંચાયતની મજેવડી બેઠક પરથી ગત 13 ફેબ્રુઆરીના રોજ મહેન્દ્રભાઈ ઠાકર ઢોલરીયાએ 11/08 વાગ્યે કોંગ્રેસ પક્ષમાંથી ફોર્મ ભર્યું હતું અને મેન્ડેન્ટ પણ રજૂ કર્યુ હતું. બાદમાં બપોરે 12.45 વાગ્યે તેણે ભાજપમાં પ્રવેશ કરી લીધો હતો. બપોરે 2/26 વાગ્યે ભાજપમાંથી ફોર્મ ભરી મેન્ડેટ રજૂ કર્યું હતું. તેની સાથે 50 રૂપીયાના સ્ટેમ્પ પેપર પર પોતે ભાજપમાંથી ચૂંટણી લડવા માંગે છે. આથી કોંગ્રેસમાંથી ભરાયેલું ફોર્મ રદ કરવા જાહેર કર્યું હતું. બાદમાં 13 ફેબ્રુઆરીના રોજ બપોરે 2.04 વાગ્યે કોંગ્રેસમાંથી અને અપક્ષમાંથી કાંતીલાલ દેવજીભાઈ ગજેરાએ ફોર્મ ભર્યું હતું.

આજે ઉમેદવારી પત્રોની ચકાસણી થતા મહેન્દ્રભાઈ ઢોલરીયાનું ભાજપનું ફોર્મ માન્ય રહ્યું હતું. જ્યારે કોંગ્રેસમાંથી ફોર્મ ભરનાર કાન્તીભાઈ ગજેરાએ પોતાનું કોંગ્રેસના ઉેમેદવાર તરીકેનું ફોર્મ માન્ય રાખવા રજૂઆત કરી હતી. પરંતુ કોંગ્રેસના અગાઉના મેદવાર મહેન્દ્રભાઈ ઢોલરીયાના મેન્ટેટમાં વિજયભાઈ દવેની સહી હતી. જ્યારે કોંગ્રેસના ઉમેદવાર કાન્તીભાઈ ગજેરાના મેન્ડેન્ટમાં બાલુભાઈ પટેલની સહી હતી.

નિયમ અનુસાર અગાઉ અને પછી અપાયેલા મેન્ડેટમાં એક વ્યક્તિની જ સહી હોવી જોઈએ. પરંતુ તે અલગ હોવાથી કાન્તીભાઈ ગજેરાએ કોંગ્રેસમાંથી ભરેલું ઉમેદવારી પત્ર અમાન્ય થયુ હતું. જ્યારે તેણે અપક્ષ ઉમેદવાર તરીકે ભરેલું ફોર્મ માન્ય રહ્યું હતું. આમ કોંગ્રેસમાંથી ફોર્મ ભર્યા બાદ ઉમેદવારે દગો કરી ભાજપમાં જોડાઈ જતા મજેવડી જિલ્લા પંચાયત બેઠકની ચૂંટણી પૂર્વે જ કોંગ્રેસ બહાર ફેંકાઈ ગઈ હતી.