ક્રિકેટ / હાર્દિકે રોહિત શર્માને ગાળ આપી? ટ્વિટર પર વાયરલ વીડિયો ટ્રેન્ડ કરાવી પંડ્યાને ટ્રોલ કરી રહ્યા છે લોકો

• શું હાર્દિક પંડ્યાએ કેપ્ટન રોહિત શર્માને કહ્યાં અપશબ્દો?
• સોશિયલ મીડિયામાં હાર્દિક પંડ્યાનો વીડિયો વાયરલ 
• ટ્વિટર પર ક્રિકેટ પ્રેમીઓ કરી રહ્યાં છે આ દાવો

હાર્દિક પંડ્યાનો વીડિયો વાયરલ 

ભારતીય ટીમના સ્ટાર ઑલરાઉન્ડર હાર્દિક પંડ્યા પોતાના આક્રમક અંદાજ માટે જાણીતા છે. તે મેદાનમાં પોતાની સ્ફૂર્તિ માટે જાણીતા છે. ભારતીય ટીમે ઈંગ્લેન્ડ સામે ટી-20 સીરીઝ 2-1થી જીતી લીધી છે. હવે સોશિયલ મીડિયામાં હાર્દિક પંડ્યાનો એક વીડિયો વાયરલ થઇ રહ્યો છે, જેમાં તે કઈક કહી રહ્યાં છે. ટ્વિટર પર ક્રિકેટ પ્રેમીઓ આ દાવો કરી રહ્યાં છે કે હાર્દિક પંડ્યા આ વીડિયોમાં રોહિત શર્માને અપશબ્દો કહી રહ્યાં છે. 

વાયરલ થયો વીડિયો 

ભારતીય ટીમે બીજી ટી-20 મેચમાં ઈંગ્લેન્ડ ટીમને 49 રનથી હરાવી. આ મેચ બાદ હાર્દિક પંડ્યાનો એક વીડિયો સોશિયલ મીડિયામાં વાયરલ થઇ રહ્યો છે. આ વીડિયોમાં અવાજ અને અપશબ્દો વ્યવસ્થિત રીતે સંભળાઈ રહ્યાં નથી. પરંતુ ક્રિકેટ પ્રેમીઓ દાવો કરી રહ્યાં છે કે વીડિયોમાં અવાજ હાર્દિક પંડ્યાનો છે. વીડિયો માત્ર 10 થી 15 સેકન્ડનો છે. ટ્વિટર પર (#HardikAbusedRohit, #HardikPandya)ના હેશટેગ પણ ચલાવવામાં આવી રહ્યાં છે. પ્રશંસકોએ હાર્દિક પંડ્યાને અભિમાની પણ જાહેર કરી દીધો છે. આ વીડિયોમાં ફીલ્ડિંગને લઇને વાતચીત થઇ રહી છે. 

This incident of hardik pandya openly questioning & abusing Rohit Sharma shows that Even players don't rate the new captain #HardikAbusedRohit

— Yashvi (@BreatheKohli) July 10, 2022

Even in Mumbai, Kohli has the biggest fanbase. #HardikAbusedRohit https://t.co/07Jvid4V1a

— Sai Krishna🏴󠁧󠁢󠁥󠁮󠁧󠁿 (@SaiKingkohli) July 10, 2022

હાર્દિક પંડ્યાએ કરી વાપસી 

સ્ટાર ઑલરાઉન્ડર હાર્દિક પંડ્યાએ આઈપીએલ 2022માં ધમાકેદાર પ્રદર્શન કરી ભારતીય ટીમમાં વાપસી કરી છે. હાર્દિકની કેપ્ટનશિપમાં ગુજરાત ટાઈટન્સે આઈપીએલ 2022નો ખિતાબ જીત્યો હતો. તો આયરલેન્ડ પ્રવાસ વખતે તેમણે ભારતીય ટીમની કેપ્ટનશિપ પણ કરી હતી. હાર્દિક બોલ અને બેટથી ધારદાર પ્રદર્શન બતાવવામાં માહેર ખેલાડી છે. પરંતુ ઈંગ્લેન્ડ સામેની પહેલી બે ટી-20 મેચમાં તેઓ કોઈ ચમત્કાર કરી શક્યા નહીં.